¹ ''Sasunikɨ, sasunikɨ ne xetikuhɨawe: que ane kitenie kwa utayani muxatsi wakuraru'ta, pɨtá tsepa kewa hautitɨa, mɨkɨ tewi ti nawayame ka hɨkɨtɨni ² ke ane kitenie muyayani, mɨkɨ ka hɨɨtɨni muxatsi wahɨweme. ³ Ti uximata Iy'a ka teuyepiriemɨkɨ, meta muxatsimama niukieya me enie, Iyá yuxexuime kawarukaterɨwatɨ kementete'tewa warayewitɨkɨ. ⁴ Ke pauku warayewitɨ'tsie ri, Iyá kanyamieni wa hɨxie anyakaitɨ, mɨta muxatsimama utɨana mekaniuhuni, niukieya mamakumatekɨ. ⁵ kwa wakutsiyari utɨa mekwaya'hu, pɨta, kɨmanakɨ meyuta'una hipame waniukɨ mekwa heyeneniwakɨ.'' ⁶ Jesús ikɨ ɨxatsi waruta'xatɨa: Mɨkɨ mekwa hetienanatɨkɨ títa ti hɨkɨtɨkai Mɨkɨ yetiwara'hɨawekai. ⁷ Mɨtá hekwamekɨ Jesús pɨti wara'hɨawe, sasunikɨ, sasunikɨ nexerahɨawe Né muxatsi wa'itupari ne hɨkɨ. Yunaitɨ ke hate me'axɨa ne kanuawekaku, mɨkɨ tenanawayemete me kɨtɨkai. ⁸ Muxatsi'ta mekwa waru'eni. ⁹ Né itúpari ne hɨkɨ, Xɨka xewitu uyayaní ne hetsie, ikɨ ka kuwikeimɨkɨ. iyá pautayani meta tiwayayani, hapaɨna ɨxa kaxeiya. ¹⁰ Tinawame kanuani wanawanike, wa kwini'ke, tiwa kwinitɨanike hapaɨna. Né nekanuani tukari xemexeiyanikɨ xemeixeiyanikɨ anayuhayawame. ¹¹ Kutsikame Tihɨweme Né ne'hɨkɨ,Iyá Kutsikame yu tukari yatua yu muxatsikɨ. ¹² Iyá ti uximaya tipitɨarietɨ aku muxatsi kwawakutsiyari, iyá ɨrawe xeiyatsie ya'akamé, ka yuta unamɨkɨ muxatsi waku'eirieme, mɨta ɨrawe wati wiyakɨ kawataxɨriexɨamɨkɨ; ¹³ Iyá yuta'una tipitɨariekɨ hepaɨstana muxatsi mekwateaya'axe. ¹⁴ Kutsikame Tihɨweme Né ne'hɨkɨ, ne tewa'ma newa'mate iyamexi'ta menetsiakumate. ¹⁵ Neyau netsi'akumate mɨta ne Neyau nemekumate, ya hu'mieme ne tukari neyatua muxatsikɨ. ¹⁶ Newarexeiya hipame'ta muxatsi uwa kuraru'ta ekwayukanieritɨa; newa'atɨani'ta uwa. iyámexii ne niuku me enieni, muxatsi meyunɨnikɨ hapaɨna xewitɨ tihɨwene mayani. ¹⁷ Ya umiemekɨ ne Yau aixɨ netsihauyahɨwa: Né ne tukari neyatuakɨ ne henuitɨanike tawarí ¹⁸ Xewitɨ kwa netsi'nawairieni pɨta nepiyatua ne kɨmanakɨ. nepitɨare neyuwenikɨ ne miyatuani, hapaɨna'ta neyɨwe ne me nuitɨani ne hetsie. Ikɨ ɨkitsika ne yau kanenyatuiri. ¹⁹ 19Ikɨ niukikɨ tamarí Judiotsixi meka neuyutaxɨrieni, ²⁰ yuwaɨkawatɨ iyamexi meputi'yɨ: "Iyá tukakamé nɨarieya kanexeiyani kwayumaiwekɨ¿Ketiu xepi'enie?" ²¹ hipatɨ ta meputi'yɨ: ''ikɨ tewi tɨkakame nɨharieya ayatɨtɨ niukieya kwahɨhɨ.¿Ti yɨwe tɨkakame nɨarieya makwahauneniere warantanieritɨani? ²² Mɨkɨta kanaye'ani wiesta yemetekahukaitsie Jerusalén. ²³ Mu haɨtɨkai, Jesús puyeikakai Salomon teyupanieya kitenie. ²⁴ Mɨkɨta Judio'utsixi meniku'nani pɨmetenita'hɨawe ¿Kepamexa tukari yepekwatarahɨaweni? Ekɨ petihɨkɨ Cristo, yetateutahɨawi hetseriemekɨ. ²⁵ Jesús pukatiwaruta'eiya: "Ne yene mutayɨ, xemeta sasuni xekuate' erie. Ikɨ Kenentiyuriene Ne'yautsie mieme, mɨkɨ tihekɨata ne'hepɨsta. ²⁶ Yatɨtɨ'ta xeme sasuni xekwate'erie, Ne muxatsi xekwahɨkɨtexikɨ. ²⁷ Ne muxatsi ne nuiki me'enie, ne'ta newa xexeiya, mɨkɨta Menetsi'uweiya. ²⁸ Ne tukari kwaxɨwe newaya tuirie; mɨkɨ ni heiwá mekwa kwini, ni xewitɨ ne mamatsie kwanetsi nawairieni. ²⁹ Ne'yau, ke'ane netsi yatuiri, Mɨkɨ masi waɨkawa kantɨrukaɨyeni ke akuxɨ hipatɨ, ni xewitɨ kayɨwe Ne'yau mamayatsie minawairieni. ³⁰ Ne Ne'yau matɨa Xewitɨ tehɨkɨ." ³¹ Mɨkɨta Judio'tsixi tetexi menutitɨkɨ me ituaxake. ³² Jesús pɨkatiwaruta'eiya ''Ne waɨkawa Ne'yau uximayatsikaya nexe tuixeiyastɨa. ¿Ke'anemekɨ uximayatsika xenestituaxixɨani?'' ³³ Mɨkɨ Judio'tsixi pɨmetenita'eiya: ''Tame tekuametsi'tituaxixɨani uximayatsika aixi anekɨ, pɨta peti itakɨ, Ekɨ petewitɨtɨ, Kakaɨyari pema ayeitɨa.'' ³⁴ Jesús pɨkatiwaruta'eiya: ''¿paɨmɨ kware uxa xemari'itsikatsie: 'NE NEPUTAYɨ XEME YUSI'TSIXI XE HɨKɨ'? ³⁵ ¿Mɨkɨ xɨka yusitsixi xetiuterɨwa, ke'ane Kakaɨyari niukieya hatsia nua (mɨkɨta kakaɨyari utsikaya wamamauka hɨani kwayɨwe), ³⁶ Xemeta pɨxete hehɨawe Ke'ane Kakaɨyari manaya'ha, mɨta kwiepa meiyanɨ'a': Ekɨ peti itawa', 'Ne pɨnemutayɨkɨ: 'Ne ne'hɨkɨ Kakaɨyari nu'aya'? ³⁷ Xɨkate Ne, Ne'yau kenti yuriene paɨmɨ nekati yurieneni, sasuni xekuate'erieka. ³⁸ Xɨkate'ta, paɨmɨ netiyurieneni, tsepa sasuni xekanete'eririe , sasuni xetene'erieka kenenti yurienetsie xemeiti manikɨ meta xemeiti enietɨyani kename Ne'yau Nehetsie tiwiya Neta Ne'yautsie neti wiya'' ³⁹ Mɨkɨtexi hekwamekɨ Jesús me wiyakukai, Mɨkɨta waruta'wikei wamamatetsie. ⁴⁰ Jesús petɨa tawarita Jordan antaɨyetsie, kewa matɨaritsie Juan ti ɨyanekai, mana kanuyuhayewa. ⁴¹ Meyuwaɨkawatɨ teɨteri Hatsiana menu'axɨani, pɨmenaitɨkateitɨni: Juan sasunimekɨ kwatiuhekɨataxɨ, yaxeikɨata naime kenti'kuxatakai Juan Ikɨ tewi hepaɨsta katisasunitɨni.'' ⁴² Mana meyuwaɨkawatɨ teɨteri sasuni meteniuta'erieni Etsiena.