¹ Xewitɨ tewi tikuyekai Lázaro titewatɨ, Betania kiekametɨkai Maria siere muwa kiexametɨkai mɨta siere iwaya Marta. ² Maria yɨtane tkateya mutiwiri yu ukiyari perfume wichi'ɨa mɨta ikateya putiwatsiɨxaxt yu kɨpakɨ Lázaro'ta ti kuyekai. ³ Lázaro iwawama mɨkɨ meteutanɨa Jesús'kɨ pɨme utiyutɨ neuxei ukiyari iya ke'ane aiɨt petikueriya mɨkɨ rekuye. ⁴ Ke' pawku Jesús mu'enaxɨ mɨkɨta pɨputayɨ mɨkɨ kwiniya mɨkiriya kwa'hɨtɨ pɨta rayaatɨ mayanikɨ kakaɨyari hepaɨsta mɨkɨ kakaɨyari nu'aya hepaɨsta raya'atɨ mayani wahepaɨsta. ⁵ Hikɨta Jesús, Marta aixɨ reu'eriyakai meta siere iwaya Lázaro. ⁶ Mɨkɨkepauku mu'enaxɨ ke'name Lázaro rekuye Jesús Pukuna huta tukari kuxi kewa meyaikakai. ⁷ Mɨkɨ yetiuytku yu tɨriyama pɨtiwarahɨawe tekate hutsɨ tawari Judea. ⁸ 8tɨriyamama pɨmetehehɨawe ti'ɨkitame ikɨ Judio'tsixi memetsi wautɨwe mematsi tituaxixɨanike ¿tawarita muwa petiyemie? ⁹ Jesús pɨtiwarahɨawe ¿ 12 hora katiuhekɨaka tukari mankayeika? xɨka hipatɨ me'uhuni uhekɨakaku mɨkɨ mekwa hetiwitseni mɨkɨ muhekɨakɨ ana kwiepa. ¹⁰ Mɨkɨ yetiuyɨku xɨka xewitɨ heyani uyɨwikaku petimitsene hektɨariya kwa hexeiyakɨ ¹¹ Mɨkɨ puputayɨ yereutewikaku mɨkɨ tahamiku Lázaro kane kutsuni Ne neyemie Nepentahitɨani. ¹² Tɨriyamama mɨkɨ pɨmetehehɨawe ukiyari xɨka mɨkɨ hekutsuni kane hantanierimɨkɨ. ¹³ Mɨkɨta Jesús pɨhaitɨ paineka kentiyurienikekai kepauku mɨnikekai mɨkɨ pɨmete u eri tseka pɨhaitɨ painekai xɨka hawkuni hamuka uxipieni. ¹⁴ Mɨkita Jesús pɨtiwarahɨawe mɨkɨ akaxewimekɨ pɨtiwarahɨawe Lázaro pemɨki. ¹⁵ Ne nenetamawie xehepaɨsta mu nekwa heyeikakai xeme sasuni xeteta erienikɨ kɨmɨ tepunieriyu kewa méka. ¹⁶ Tomás mɨkɨ titewakaí Dídimo pɨtiwarahɨawe yu iwama tiriyamama tame siere teyahu mutepe uwani hamatɨana. ¹⁷ Ke'pauku Jesús nua, Mɨkɨ Lazaro pukaxei nauka tukari pautinekai teukitɨ. ¹⁸ Hikɨta, Betania pauhulakai Jerusalen aurie, pɨpautewakai 185 metros. ¹⁹ yu waɨkawatɨ Judío'tsixi mapu axɨakai Marta mɨta María wahatsɨa, mawatinɨtɨanikɨ wa iwa mumɨkaikɨ. ²⁰ Mɨta Marta kepauku mu'enaxɨ ke'name Jesús nuanikekai, petɨa Peikunakixɨ; mɨta Maria kíta puyuhayawaxɨ mupaya katei. ²¹ Marta mɨta pɨrehɨawe Jesús, ''Ukiyari, xɨka Ekɨ ana peuyeikanike, ne iwa kwa mɨnikekai. ²² Mɨta xɨka, tsepa tita petitawawiri Kakaɨyari, Mɨkɨ metiyatuirieni.'' ²³ Jesús pɨtitahɨawixɨ ''A iwa pankukeni'.' ²⁴ Marta pɨrehɨawe Mɨkɨ, ''Ne nerakumate ke'name mɨkɨ ankukeni kwinatɨrieka.'' ²⁵ Jesús pɨrehɨaweta, ''Ne ne'hɨkɨ nemankukeni siere'ta tukari; Ke'ane sasuni tita'erieni Nehetsie, tsepa mu mɨ, pantaniereta; ²⁶ tsepa Ke'ane mayeniere susuni ti'erietɨ Nehetsie ni heiwa kwamɨni. ¿Ekɨ sasuni peti erie ikɨ?'' ²⁷ Mɨkɨ pɨtitahɨawixɨ a Jesús, ne sasuni neti'erie kename Ekɨ pehɨkɨ Cristo, Kakaɨrari Nu'aya, mɨkɨ meyatɨa ana kwiepa.'' ²⁸ Kepauku mɨkɨ yamutayu, petɨa mɨta yu iwa Maria putahɨawixɨ pɨrehɨawetɨ awie: Ti'ɨkitame ana kaniere mɨta metsi ha'hɨawe.'' ²⁹ Kepauku mɨkɨ mu'enaxɨ mexɨiwa pankuke mɨta Hatsɨana petɨa. ³⁰ Hikɨta, Jesús akuxi kwanuawekai mana kiekaripa akuxi puyeikakai kewa Marta meikunakekai. ³¹ Mɨta kepauku Judío'tsixi mana hamatɨana kita mekanierekai ke'ane aku meminɨtɨakai, mamunierixɨ Maria mexɨiwa mankuketsie mɨta meyakai, mɨta mepenkuwei; pɨmete ku'eriwatɨ ke'name heya'kai hautsuamieka teukipa. ³² Mɨta Maria, kepauku nua kewa Jesús meekatei mixei'ta, ɨkateyatsie pukaawe pɨrehɨawe'ta ''Ukiyari, xɨka ana pa'uyeikanike ne iwa kwa mɨkinikekai." ³³ Kepauku Jesús mixei hatsuakame, siere'ta Judío'tsixi hamatɨana memu axɨakai me patsutɨkatei, Mɨkɨ pɨ'anekai waɨkawa yu hɨawekai Yu Espíritu'tsie pɨ'anekai siere waɨkawa yuhɨawetɨ; ³⁴ Mɨkɨ pɨputayɨ: ''¿Kewa xepeiti utaxɨ?'' Mɨkɨta pɨmete itahɨawixɨ: ''Ukiyari, niwa neunieri'ta.'' ³⁵ Jesús pu tatsua. ³⁶ Mɨta Judío'tsixi pɨmeputiyɨ: ''¡Xeu nieri ke'pamekɨ Heiyahɨakai mɨkɨ Lázaro!'' ³⁷ Hipatɨta pɨmeputiyɨ: ''¿Ikɨ uki kwa uyɨwekaxɨa, xeme tewi ke'ane kwa haunierekai hauniere mayeitɨa, ke'tiu tiupitɨa ikɨ tewi mɨni?'' ³⁸ Mɨta Jesus tawarita, ayuyeitɨatɨ waɨkawamekɨ yu hɨawetɨ yu hetsie, teukipa petɨa. Mɨta hikɨ, terɨta xawata hɨkɨtɨkai, te'te nékamekɨ paunakai. ³⁹ Jesús mutayɨ: "Te'te xeke nauku hɨwa mana." Marta, Lazaro kutsieya, ke ane mɨkɨ mu mɨkai, Jesús ra hɨawe: "ne Ukiyari, hikɨta xeimieme, ariri tewi pɨni, mɨkɨri kamɨkini nauka tukari." ⁴⁰ Jesus mɨkɨ uka' rahɨawe: ¿Ne paɨ neka me tiuta hɨawixɨ ekɨ, xɨka sasuni petiuta erienike, ekɨ pe xeiyakekai ta Kakaɨyari ken ti tɨrɨkaɨye?" ⁴¹ Mɨta mɨkɨ mexi te'te meneukɨ hɨani reu yepierekɨ. Jesús mu hautaniereka niutayɨni: "Ne Ukiyari, Ne pampayusi nemarahɨawe ekɨ pe nétsi u' enikɨ. ⁴² Ne nerakumate Ekɨ heyemekɨ pe nétsi enie; mɨta ya ti'anekɨ teɨteri mene'tsi nama'kɨ nepaine, hapaɨnata mɨkɨ sasunikɨ mete erieka kename Ekɨ pe nétsi heyanɨ'a. ⁴³ Ariketa Mɨkɨ uta yɨka ikɨkɨ, pu ta hiwaxɨ waɨkawame yu niukikɨ: "¡Lazaro, kenewaye ye'i!" ⁴⁴ Mɨkɨ miki kawaye yani, yu mamatetsie yu ɨkatetsie pau eimekai ixuriki tsanariekamekɨ, yu mu'u tsieta aye'eimetɨ ixurikikɨ. Jesús mɨkɨ tiwara hɨawe: "Xeuta wena ke heyaní. ⁴⁵ Mɨkɨ waɨkawa Judio'tsixi ma'payeixɨa Maria hatsɨa me punierixɨ Jesús kenti yurienekai sasuni mete'utaeri hetsiena. ⁴⁶ Mɨkɨ'ta hipatɨ me'pekɨ Fariceo'tsixi wa hatsɨa pɨ mete'wara hɨawe Jesús kentiu'yuriekai. ⁴⁷ Mɨkɨ yetiu'yɨkɨ tatsini'tsixi mete aya'axekɨ Fariceotsixi mewaru kuxeɨri mete atixaxata'tsie pɨ meputiyɨ ¿ketete yurieni? ¿Ikɨ uki waɨkawa ti hekɨata? ⁴⁸ Xɨka tame tei'eirieni yunaitɨ sasuni mete'taerieni hetsiena mɨkɨ me'axɨani Romano'tsixi metatsi'nawairieni kewa teme'uwa meta siere naime ta'nuiwari. ⁴⁹ Mɨkɨ kuxi yeti'anekaku xewitɨ tewi Caifas mɨkɨ hɨkɨtɨ'kai tasini ana witari'tsie paɨ tiwara'hɨawe xeme tixaɨ xekwa'te akumate. ⁵⁰ Xeme yerekwa tenake'erie aixɨ ti'anenikɨ ta hepaɨsta xɨka rewitɨ uki u'muni kekari'tsie mieme yunaitɨ kemeyupatɨ men'tama me kumawirekɨ. ⁵¹ Ikɨ'ta mɨkɨ pɨ'utayɨka kwa'utayɨ yu hetsie kenti ku'eriwa paɨta hɨkɨtɨtɨ tatsini witari'tsie tiu'ma kenti'yɨnikekai kename Jesus mɨnikekai keyupaɨmetɨ nuiwari mentama. ⁵² Mɨkɨ xeikɨa kwa mɨnikekai keyu paɨmetɨ men'tama siere Kakaɨyari niwe'mama meyu taxɨrie, meyu kuxeɨrieni yunaitɨ me yu'xewinikɨ. ⁵³ Mɨkɨ tukari'tsie mana yatɨa mɨkɨ mepu yuti'iyaritɨa ke hapaɨ Jesus mete mienikekai. ⁵⁴ Tawari masi Jesus kwa'uyeikakai hekɨa'kamekɨ Judio'tsixi watsata pɨta pe'tɨa xeitaparie, uhurakaku'tsie tixaɨtɨ kwa tiuxua weriwetsie, kekaripa tukutewakai Efrain. Mana pɨ'yuhayewaxɨ yu tɨriyama wa hamatɨa. ⁵⁵ Mɨkɨ'ta pu hurakai Pascua Judio'tsixi memi ti wewiwakai waɨkawa teɨteri mepa yeixɨa Jerusalen waritana kekari mamanetɨka'tsie akuxi Pascua kwa xuawekaikɨ mɨkɨ aixɨ me yuyurienikɨ yu kɨmana. ⁵⁶ Mɨkɨ Jesus mewaɨtɨwekai pumete hayuhɨwekai mexi kuxi mɨkɨ teyupanie meheya'uwakai ¿Xeme kexete ku'eriwa? ¿Mɨkɨ kwa hamie wiesta xuawe tsie? ⁵⁷ Ikɨ'ta tasinitsixi mete aya'axe Fariseo'tsixi me putaniukai'ri xɨka xewitɨ rakumaikaitɨni kewa peyeikakai Jesus xewitɨ ye'ketiwariuta hɨaweke mɨkɨ me miwiyakɨ.