¹ Seis tukari hauya we'kakaku pascua maya'nikekai, Jesús nu'a Betania, kewa meyeikakai Lázaro, Mɨkɨ aku menkuhanaxi umɨku. ² Mɨta mɨkɨ Iya me te niwewirieni ikwai, Marta ta kata katu'akaitɨni, mɨta Lázaro kahɨkɨtɨkaitɨni mexatsie mutikatei Jesús matɨa. ³ Mɨtá Maria pu'atɨa xeime librayari wichititutúɨakame (perfume), kwinie raya'arɨkame, mikɨkɨta Jesús ɨkateya putiwiri, uranierita piti watsiɨxaxɨ yu kɨpatekɨ. Kita puyahɨnixɨ ɨakariyarikɨ. ⁴ Judas Iscariote, xewitɨ nunu'yarieya, ke'ane aku Miyetuanikekai pu ta yɨ: ⁵ '' ¿Ketiuru ikɨ kwa utuiya chimuɨa (perfume) 300 denarios mɨta hawari meteyɨa mekwa uta ɨitɨarie?''. ⁶ Xeikɨata mɨkɨ ye pu ta yɨ kahau yu iyaritɨatɨ hawari meteyɨakɨ, pɨta hɨkɨtɨkaikɨ tinawayame: mɨkɨ pahanakai tumini, piwatinawayakai mu ka utsiwakai. ⁷ Jesús pɨmutayɨ: '' neuhayawa; kaniti uta, kepauku neka awietsienitsie. ⁸ Xeme tukarikɨ xewarexeiyani hawarimeteyɨa xehamatɨa; Né ta tukarikɨ xekwa netsi hexeiyani''. ⁹ Hikɨ'ta yuwaɨkawatɨ teɨteri Judío'tsixi mete netimani kename Jesús mu uyeikakai, mɨkɨta meputa'axia, xeikɨa Jesús'kɨ mekwa kuyɨakai, siere Lázaro me xeiyakutɨ, keane Jesús menkuhanakai umɨku. ¹⁰ Tatsinitsixi memanyetei yunaitɨ mepiwewiekai, mɨkɨ siere Lázaro me mimienikɨ; ¹¹ Mɨkɨkɨ yuwaɨkawatɨ Judío'tsixi mepekɨ yuri mete uta'eri Jesús'tsie . ¹² Uxa'arikata teɨteri me niu axɨani wiestata pɨme te u' enaka kename Jesús Jerusalén nuanikekai ¹³ Mikɨtakɨ xawari me u'hturietɨme mekɨ meheinakiyuka me muti hiwaxɨ "AIXT PE KE ITɨARIEKA KE'ANE MEYATIA UKIYARI NTARIEYATSIE, ISRAEL WA UKIYARI" ¹⁴ Jesús kaniu kaxeya puritu hetsiena kanantiyarinɨ. Ppurea ku uxeka kɨ: ¹⁵ XE KWA MAMAKA, ISRAEL NUAYA UKA, NEUNIERI A UKIYARI KA NA MIENI, PURITU TSIE AKAITI" ¹⁶ Tɨriya mama me kwa heiti enietɨkt matiaripai ke haitɨ maine kai; mɨta kepauku Jesús raya atɨ mayeitɨarie tsie, mɨkɨ me paye eri kename yereu ku uxekai mɨkɨ Hetsie, mɨkɨta yemete uyuriekai mɨkɨ Hetsie. ¹⁷ Mɨta teɨteri me nei kunake pɨ me te ena'naka kename waɨkawa tiuyuriekai. ¹⁸ Ya unieme kɨ teɨteri me nei kunake pɨ me te ena'naka kename waɨkawa tiuyuriekai. ¹⁹ Mtkɨta Fariseo'tsixi pɨ meniutiyɨni mɨkɨ yu hetsie, xeunieri, xeme xekwayɨwe yakɨ xe te uyurieni, kwiepatari ka ne yani útɨana. ²⁰ hɨkɨta hipatɨ Griego'tsixi wa hamatɨa ma men yu ka nieritɨakai, mɨkɨ me man ti hukai wiesta me he ye xeiyanike. ²¹ Ikɨ Felipe hatsɨa me mekɨ, mɨkɨ hɨkɨtɨkai Betsaida kiekame, Galilea kwieyari'tsie, mɨta me pe iwawiya, me haitɨkaitɨ:''uki, Jesus te pau xeiyaku''. ²² Felipe metɨa Andrés hatsɨa ya re hɨawe; Andrés matɨa Felipe meme'kɨ Jesús ta ya ma ta hɨawe. ²³ Jesús wa ruta ei' mɨta pɨ pu ta yɨ: ''tukari pa ya'ari Uki Nu'aya ta te mawiyani. ²⁴ Sasunimekɨ, sasunimekɨ Ne pɨ ne xe ra hɨawe, ya áku trigo hatsiyari kwiepa kwa tiu kawe mɨta u mɨni, mɨkɨ xeikɨa yu xewitɨ yu hayawa; mɨta xika ka u' mɨni waɨkawa pau kayaxe. ²⁵ Ke ane yu tukari kwinie ti ku eriya pei ya hɨani; ke ane ta yu tukari xane'erie ikɨ kwiepa'tsie, mi ti uta tukari kwa xɨwe'tsie mieme. ²⁶ Xika xewitɨ netsi ayexeiyani, kene tsi ankuweiya; kewata Ne neme yeika, mana siere, ne nɨ'ari mu yeikani. Xika xewitɨ ne tsi ayexeiyani , Neyau raya arɨkame pe yeitɨani. ²⁷ Hikɨ ne Ne Kɨpɨri yu hɨawe: ¿ ke hapaɨ ne haineni? ¿Yau'a ne heima neuta'nua hikɨ? ikɨ ya ran yɨnemekɨ né ne nua hikɨ ya upaukukaku. ²⁸ Yau'a, ke penti tewa raya arɨkame nayeitɨa''. Mɨta niuki ta heima paka'ne mɨta pɨ pu tayɨ, ''Ne raya arɨkame nepayeitɨa, mɨta tawa'ri raya arɨkame ne pa yeitɨani''. ²⁹ Mɨta teɨteri mana men ta makakai mɨta me mi eni, memutiyɨ mimierika ka ne yɨni. Hipatɨ ta memutiyɨ: ''Akeri kani tahɨawe Iya''. ³⁰ Jesús muta'a mɨta pu pu tayɨ, '' Ikɨ niuki kwa nua Ne kɨmana, pɨta xe kɨmana. ³¹ Hikɨ hɨkɨ aixɨ raka yɨni kwiepa'tsie; hikɨ kwiepatari wa ukiyari man yahɨiyani. ³² Neta, kepauku kwiepa ne man ku hanieni'tsie, yunaime ne wara hapani Ne nehetsie''. ³³ Mɨkɨ ye mu tayɨ ti hekɨatake ken ti mɨni'kɨ. ³⁴ Teɨteri Iya me muta ei', '' Tame tema enawawe ɨxatsika'tsie kename Cristo yuka nieritɨaka tukari mau ti hane. ¿Ketitakɨ ya paraine, 'Iya uki Nu'aya' ka nanku witɨkiemɨkɨ'? ¿ke ane hɨkɨ ikɨ Uki Nu'aya?''. ³⁵ Uraniereta Jesus pɨ tiwara hɨawe iyamexi, ''Hekɨariya akuxi xe hamatɨa pu yeikani tawa'ri echiwa. Xe neya uweni mexi hekɨariya xe he xeiya, kataku yɨwiriya xe u'axekɨ. Ke ane yɨwikɨta me muhu me kwa neniere ke men te hau'hu. ³⁶ Mexi hekɨariya xe he xeiya, sasuni xe te erieka hekɨariya'tsie, hekɨariya niwemama xen hɨkɨtɨnikɨ''. Jesus ikɨ ya tiu ti xataka uraniereta me tɨa, mu yu ti awietaxɨ iyamexikɨ. ³⁷ Tsepa Jesús waɨka tiu hekɨatakai yu naime wa hɨxie, yuri mekwa te'eriekai Hetsiena. ³⁸ Ikɨ niuki ma yuya'atiɨnikɨ kemutayɨ'kai profeta Isaías pɨ mutayɨtsie, ''UKIYARI, ¿KEANE YURI TUTA'ERI ME MU ENANA TA HEPɨSTA? ¿KEANE'IYA UKIYARI MAMA'YA MU HEKɨATSIYARIE?". ³⁹ Mɨkɨ ya manyine'kaikɨ yuri mekwate eriekai, Isaías'tá hapaɨna putayɨkai, ⁴⁰ "MɨKɨ WARAKɨPITɨA, MɨKɨ PUTA'TSEIRIYAXɨ WA IYARI; XɨKA PɨKATI'ANENIKE MɨKɨ ME NIEREKEYÚ YU HɨXITEKɨ YU IYARITSIE ME PEI'TIMAI TɨKɨNEKEYU, AIXɨ METEKAKɨNE'KEYU NE'TA AIXɨ NEWAYU'RIENIKEYU". ⁴¹ Isaías ya muta'yɨ ikɨ hepaɨsta mɨkɨ pixei aixɨ kentiu'yuri Jesús Hepaɨsta painekai. ⁴² Tsepatá ye ti'anekai, yu waɨkawa itsɨkate yuri mete'utaeri Jesús tsie; yamekwa te nake'ériekaikɨ tá Fariseo'tsixi mɨkɨ yemakwa uti'yɨ maka uti uxie'rienikɨ niuki watixaxa'tsiwa'. ⁴³ Mɨkɨ masi hwanake'kai teɨteri ke memu'tiyuanekai wa hepaɨsta ke yuri kuxi aixɨ man'yine Kakaɨyari atsɨa timieme. ⁴⁴ Jesús tɨrɨka'rima pɨ putayɨ, ''Ke'ane yuri ti'erie ne Hetsie, ne Hetsie xeikɨa yuri kwatierie, hapaɨna iyatsié Keane netsi heyanɨ'a, ⁴⁵ ke ane netsixeiya Né, hapaɨna pixeiya netsi'heyanɨ'a''. ⁴⁶ Ne ne'nuá kɨxeme hapaɨ'ana kwiepa, keane iya yuri ti'erie ne Hetsie kwayu kanieritɨa'ka yɨwi'kɨta. ⁴⁷ Xɨka xewitɨ u'enieni Ne niuki xɨkata yaka'tikayani, Ne nekwa enta'hɨani; Ne nekwa'nua ne waran'taxɨrienike kwiepa mentama, pɨta newaku'wikestɨani'kɨ kwiepatari. ⁴⁸ Ke ane nesti uxieni Né, mɨta kwa enwiya Ne niuki, pei'xeiya keane menta hɨani: Ikɨ niuki ne nemikuxata penta hɨani kwinatɨrieka tukaritsie. ⁴⁹ Ne nekwa uta'niú ne hetsiekɨ xeikɨa, pɨta ne Yau ke ane netsi'heyanɨ'a, ke ane ne tiyatuirie mari'itsika kenen'tayini kene ti kuxatani. ⁵⁰ Nerakumate ikɨ mari'itsika hɨkɨ tukari kwaxɨwe; mɨta kenen'tikuniuka- Mɨkɨ ne Yau pɨ nerahɨawe, Ne paɨmɨ'ta netiku'niuka''.