¹ Hikɨ, ka aya'awekaku wiesta Pascua'yari. Jesús reti'matsie kename tukarieya aya'arɨkakairi, kename Mɨkɨ ayayanikekai ana'kwie tama'tsie yu Yau hatsɨa yamieka, waɨkawa waru'ta nake'erieka kehate hamatɨana memu hukai ana'i kwie tamatsie, waru'ta nake'eri manti axe'pai. ² Hikɨta, tɨkakame pauta hatɨakai Judas Iscariote iyarieya'tsie, Simon nu'aya, yatuanikɨ Jesús. ³ Mɨkɨ rakumaikai kename Yauya naime ti'yatuakai mamayatsie, kename Mɨkɨ nuakai Kakaɨyari'tsie, mɨta Kakaɨyari hatsɨa ha'nuanikekai. ⁴ Mɨkɨta mankuke tikwatɨ taikai mɨta yukemari hupai mieme manti'hɨnaxɨ. Unaniereta ixuriki mutihuri, mɨta muyuta'eimaxɨ yu hetsie. ⁵ Mɨta Mɨkɨ ha'makatua xakɨrɨ'tsie mu tayua'ta wa ɨkate'tsie wareu hauxinatɨ yu tɨriyama meta ixurikikɨ wareu'itiwatɨ Mɨkɨ manayuku'emakaikɨ yu hetsie. ⁶ Mɨkɨ nua Simón Pedro hatsɨa, mɨta Pedro pɨrehɨawe Mɨkɨ: "¿Ukiyari, akɨ ne'ɨkate petiti'hauxini? ⁷ Jesús'ta pita'ei, pɨrehɨawe mɨkɨ: "Ne kenentiyuriene xe hapaɨsta, xekwa'heika enietɨkɨka hikɨ, arike xeneika enietɨ'kɨnikuni." ⁸ Pedro'ta pɨrehɨawe Mɨkɨ: "Ekɨ ni heiwa ne'ɨkate pekwa'tihauxini". Jesús'ta pɨ'rehɨawe: "Ne xɨ'kate nekametsi hau hauxixɨani, tixaɨ pekarexeiyatɨ pepayani ne hetsie timieme." ⁹ Simón Pedro pɨrehɨawe Mɨkɨ: "Ukiyari, tixaɨ xeikɨa ne'ɨkate pekwati'hauxinani, siere ne'mamate, meta nemu'u siere." ¹⁰ Jesús'ta pɨ'rehɨawe mɨkɨ: "Ke ane mau'ɨwa kwa heiya hɨwa, xeikɨa yu ɨkate'tsie, mɨkɨtsɨ naitɨ aixɨ kahau'aneka; xeme aixɨ xemau'anene, mɨta yunaitɨ aixɨ xekwa hau'anene." ¹¹ (Jesús rakumaikairi ke ane miyatuanikekai; ya'umieme Mɨkɨ ya'putayɨ: "yunaitɨ xeme aixɨ rekwa hau'anene.") ¹² Kepaukuta Jesús wareu hauɨxixɨa wa ɨkate'tsie yu kemari putihuri, tawarita pankaya, pɨtiwarahɨaweta mɨkɨ : ¹³ "¿Xete akumate ke'nenxe uyuri? Xeme puxenete'uhɨawe 'Ti'ɨkitame' meta siere 'Ukiyari' aixɨ xepai'tɨka sasunimekɨ, hɨ Ne ne'hɨkɨ. ¹⁴ Hɨ Ne'tsɨ, xe Ukiyari meta siere Ti'ɨkitame, xe ɨkate nemau'hauxixɨa, xeme siere xekenewaran'hauxinani hipame wa'ɨkate. ¹⁵ Ne pɨ nexe tiu ɨkitɨa paɨmɨ xetekahunikɨ, Ne xeme kenenxe'uyuri, hapaɨ. ¹⁶ Sasuni, sasunimekɨ nexera'hɨawe, ti parawiwame masi kwa'raya axe ke yu ukiyari; ni siere nɨari kwa'raya axe ke ni ke'ane tewi meiyanɨa ¹⁷ Xɨka xete akumaika ikɨ yetiɨ'ane xe na'kɨnikuni aixɨ xete hau eriyarietɨ xɨkate pɨ'xetekakɨne. ¹⁸ Né nekwaha'niuka xeme xeyunaime xahepaɨsta, Né newaranayahapani iyamexi newarakumaitɨ; mɨta né ikɨ yanekanaineni nuikɨ utsikayari maya atɨariekakɨ: KE ANE NE IKWAI TI KWANI NE HAMIKU YU XATATɨ, YU KAPUTSA KANANKU HANA NE HEPAɨSTA; ¹⁹ Né paɨ nexatahɨaweni hikɨpaitɨ ya katiyɨwekaku, kepauku yati yɨnitsie '' xeme pɨxeketeneu'eri kename né nehɨkɨ el Mesías'' ²⁰ Sasunikɨ, sasunimekɨ pɨne xarahɨawe, ke'ane iya menkwewieni né nenɨ'ari, né siere netsi'ankwewie, ke ane netsi ankwewie né ', siere pan kwewie ke'ane netsiheyanɨ'a. ²¹ Kepauku Jesús paɨ mutayɨtsie, puyukaheiweri yu Espíritutsie, mɨkɨ paɨ pɨtayɨ mɨta pɨ'haitɨ: '' sasunikɨ, sasunimekɨ nexarahɨawe xeme xewitɨ netsiya tuani.'' ²² Nɨ'arimama menanyu'taxeiyaxɨani me hayu iwawiyatɨ ke ane mɨkɨ pɨ xatakai. ²³ Xewitɨ nɨ arieya, ke'ane Jesús mauya hɨakai, hetsiena hauta wietɨ mexatsie pɨtikatei Jesús tawieyatsie hauta wietɨ. ²⁴ Simón Pedro yati yɨanekaku ,tiu hekiataxi ikɨ nɨ'aritsie pɨ putayɨ: yeketa'teutahɨawi ke ane tsie peti ku xata. ²⁵ Mɨta MɨKɨ kati'hɨximakeni Jesús tawieyatsie pɨrehɨawetɨ mɨkɨ: ukiyari ¿ke ane kuta hɨkɨ?'' ²⁶ Mɨta Jesús pɨtiu'a: iya ka hɨkɨtɨni ke ane pan neta hawiyeme tsinekame nemi tuitɨani. kepaukuta mɨkɨ pan muta hawiyaxi tsinekame, Judas putuitɨa, Simón Iscariote nu'aya. ²⁷ Mɨta pan me'utikwaka, tɨkakame pautaha hetsiena. mɨta ya tiuyɨkɨ Jesús ta mɨkɨ paɨrehɨawe: kepentikayani paɨ ke teuyuri, mexɨiwa. ²⁸ Hikɨta, xewitɨ mexatsie kwa hauta'wie rakumaitɨ ketiuru mɨkɨ ya mainekai ikɨ hepaɨsta. ²⁹ Hipatɨ paɨmete'uyu hɨawixi kename hɨkɨtɨkai ,mɨkɨ Judas purutsa'ta tumini matɨkɨkaikɨ, Jesus ta paɨrehiawekai: pini keteuti nanai tita tiyukuiwawa wiestata'', mɨta siere tixaɨ pakatiniyatuamɨkɨ iya tixaɨ mekwatehau xeiya wa hatsia. ³⁰ Judas pan yetuiriyariekari, mɨkɨ kaniwayeyani xeimieme. kaniu yɨxaɨyekaitɨni. ³¹ Kepauɨ Judas metɨa'tsie, Jesús pɨputayɨ: "Hikɨ Ikɨ Uki Nu'aya payexeiyarie mɨta Kakaɨyari payexeiyarie Mɨkɨ Hetsie; ³² Xɨka Kakaɨyari ayexeiyariekatɨni Hetsiena, siere Kakaɨyari ayexeiyarietɨ yu Hetsie'xeikɨa, yapaukuta ma'yaxeiyarieka. ³³ Ne niwema, Ne akuxi xe'hamatɨa nepuyeika yapamexa tukari. Xeme xenesti'wauni, kenen tiwaruta hɨawixɨ judio'tsixi, xeme siere pɨnexera'hɨawe: 'kewa Ne ne'metɨa, xeme xekwa yɨwewe muxemekɨne.' ³⁴ Ne nexe'yatuirie hekwame mari'itsika, xeke hauyunake'erieka xeyu nait; Ne, kenen'xereuyahɨwa hapaɨ, xeme siere pɨxete'hauyuyahɨaka. ³⁵ Yati'anekaku yunaitɨ mete'hetimani kename xeme ne'tɨriyama xe hɨkɨ, xɨka xeme xe'hexeiyani aixɨ eriyarika xeuyunake'erieka xeyu naitɨ." ³⁶ Simón Pedro Mɨkɨ pɨ'rahɨawe: "Ukiyari, ¿kewa pepetɨa Ekɨ?" Jesús pɨputayɨ "Kewa ne'nemetɨa, akɨ penetsi ankuweiya hikɨ pekwa yɨwe, ekɨta arike pene'tsi an'kuweiya." ³⁷ Pedro'ta pɨrehɨawe Mɨkɨ: "Ukiyari, ¿Ketiu'ta ne nemetsi ankuweiya hikɨ kwa yɨwe? ne ne'tukari neyatuawe a'kɨmana." ³⁸ Jesús pɨputayɨ: "¿A tukari peti'yatuawe ne kɨmana? Sasunikɨ, sasunimekɨ pɨ'nemerahɨawe, kename wakana kata'hiwawekaku akuxi, ekɨ pe ata'imani ne hapaɨsta haikakɨ."