¹ Jesúsi metɨa H+rimutsie Olivos. ² Uximerikaku yuimɨana Mɨkɨ kanuani teyupanie tawa'ri, hatsɨata meyunaitɨ teɨteri mepu'axɨa; Mɨkɨ ukayarɨka, tiwa ɨkitɨakai. ³ Te utɨwamete hapaɨna fariseotsixi uka mepi'atɨiri heyɨanekame mepe yunatɨwekai. Mɨkɨ hixɨapa me take. ⁴ Mɨta mɨkɨ Jesúsi metehahɨawe: "Ti'ɨkitame, ikɨ uka karikɨ tepekaxei mepe yunatɨwekai. ⁵ Hikɨta, mari'itsika tatsi'ukuhayewiri Moises ke'ane pɨyɨaneme tepitituaxixɨani; ¿Ekɨ'ta mɨkɨ hepasta que pehaine?" ⁶ Mɨkɨ ikɨ mete'ikuhɨawetɨ mepi inɨatatɨwekai hapaɨna metemaikutɨ me'ixanetakutɨ, mɨta Jesúsi titunamake yu itɨwamekɨ raka'utɨa kwiepa. ⁷ Yaxeikɨa kepauku meme'iwawiyakai, Mɨkɨ mutake tiwarahɨawetɨ: "Ke ane tatakuri kwahexeiya, xeme xewitɨ kayɨweni tetekɨ meitatuaxa mɨkɨ hepaɨsta." ⁸ Hekwamekɨ titunumakeximetɨ, yu itɨwamekɨ raka'utɨa kwiepa. ⁹ Ke pauku mɨkɨ memu'enana, me pautayeixɨa meyuxexuitɨ, ukirawetsixi meri mewaruha. Kwinatɨrieka, Jesúsi matɨa Uka mepuyukuhayawaxɨ yuhɨkɨate mana meti'ukaitsie. ¹⁰ Jesus mutake rehɨawetɨ: "Ekɨ Uka, ¿keme uyɨta me matsi xanetakai? ¿Xewitɨ kwametsi xaneta? ¹¹ Uka mutayɨ: "Ni xewitɨ, ne Ukiyari." Jesúsi rehɨawe: "Ni Ne hapaɨna nekwametsixaneta. Kenemieni tawa'ri tatakuri pekware'apitɨaka. ¹² Hekwamekɨta Jesúsi tiwarutaxatɨa haitɨ: "Ne hekɨariya kwiepa ne hɨkɨ; ke ane netsi'uweiya yiwikɨpa kwa'umieni pɨta hekɨariya tukariyari pexeiyani." ¹³ Fariseotsixi p+'meteh+awe: "Ekɨ peyatua a +xatsi kepe muyɨ a Hetsie mieme; A +xatsita kwati sasuni." ¹⁴ Jesúsi tiwaruei tiwarahɨawetɨ: "Xɨka a kuxi neyatuani ne +xatsi ke'nemuyɨ Ne hetsie mieme Ke'nemuyɨ ka sasunitɨni. Netakumaika kenemeyetɨa hapaɨna kewa nemetɨa, mɨta xeme xekwate akumate kekwa nemeyatɨa meta kewa nemetɨa. ¹⁵ Xeme xeteyuwawiriwa yuwaiyarikɨ; Ne xeime nekwatiwawiriene. ¹⁶ Xɨka ne netixanetani, Ne xanetsika ti sasuni mɨta ne xewitɨ nekwayɨane, ke'ane netsiheyanɨka Ne Yau matɨa nemuyeika. ¹⁷ Ta mari'itsikatsie pɨreuku'uxe kename teuteri yuhutatɨ wa +xatsi ,tisasuni. ¹⁸ Ne mɨkɨ ne Hɨkɨ ke ane Ne miyatua +xatsi Ne hetsie mieme,iya ne Yau netsi heyan+'a +xatsi yetua nehepasta. ¹⁹ Mɨta iyamexi p+'metehehɨawe: "Kewa pekaniere a Yau?" Jesúsi puputayɨ: "Xeme xekwanetsixexeiya Ne meta Ne Yau; xɨka xeme xenetsixexeiyani, Hapaɨna Ne Yau xexexeiyanike." ²⁰ Mɨkɨ p+'painekai ikɨ haxaxatatɨ uwetɨ kewa tumini memaukaxɨrɨwakai mexi teyupanie ti'ɨkitɨatɨ, ni xewitɨ kwaih+a akuxi'ta kwa'aya'awekaikɨ. ²¹ Tawa'rita Mɨkɨ mutayɨ: "Ne xɨka neheyani mɨta xenetsitiwauni, yu tatakurik+ xekwini. Ne kewa nemetɨa, xeme xekwayɨyawe xemakɨne." ²² Judíyutsixi meteh+awe: "¿Yukɨmana ka Yumiemɨkɨ? ¿Ya umieme yemutayɨ: 'Kewa Ne neyemie xeme xekwayɨwawe xemekɨne'?" ²³ Jesúsi tiwarahɨawe: "Xeme hutipai xemime; Ne'ta xe heima nemieme. Xeme ana kwiepa xemieme; Ne'ta ana kwiepa nekwamieme. ²⁴ Mɨta, Ne nexerah+awe xeme xekankwikuni yu tatakurik+. Xɨkate xeme'aku sasuni xete'uta'erieni kename NE NE H+K+, xeme xekwikuni yutatakuritsie." ^{27 25} Mɨta, mɨkɨ meteheh+awe: "¿Ke'ane kuta pehɨkɨ Ekɨ?"Jesúsi p+'tiwaruta'ei: "Kenexerahɨawe mat+aripait+. ²⁶ Ne wa+kawa niuki nepexeiya neti xetaxat+ani wawiyerikatsie xehepa+sta. m+ta aku Iya netsi heyan+a sasuni h+k+ tita ne tiueni hepa+stana. ik+ niuki Ne yanetikuxata e'na kwepa metama. Iyamexi mekwaheiti'eniet+yeika kename Iya tiwaraxaxat+wakai wa Yau hepa+sta. ²⁸ Jesúsi mutayɨ: "Ke pauku xeme xemankuni Uki Nu'aya, ana xetehetimani kename NE NE H+K+,meta Ne tsinekwatiyuriene ne hetsie miemek+ hapa+na Ne Yau keneti'+kit+a Ne netikuxata ik+ yamay+nek+. ²⁹ Hapaɨna keane Iya netsiheyan+a yukanierit+a ne hamat+a ,meta Iya kwanetsi'ukwe'eiri ne yu xe+ta m+ta Ne ya netikamie m+k+ ketinake. ³⁰ Mexi Jesúsi ya hainekai, yuwaɨkawatɨ hetsiena sasuni meteuta'eri. ³¹ Jesús pɨti'warahɨawe ke'ane Judio'tsixi sasuni meta uta'eri Hetsiena: ''xɨka xeme sasuni xete'erieka Ne Niukitsie, mɨta xeme sasunimekɨ xehɨkɨ Ne tɨriyama; ³² mɨta xeme xepeitimani tita ti'sasuni, mɨta tita ti'sasuni xe akuxɨna.'' ³³ Mɨkɨta pɨmeputiyɨ: Tame te'hɨkɨ Abraham niwemama mɨta tame akuxi xeime waɨriyarika tekwa nɨarimama; ¿ke'hapaɨ pehaɨtɨ pepaine: 'Xeme xeti xɨnarieni'?'' ³⁴ Jesús pɨtiwaru'ei: ''Ne sasunimekɨ pɨnexerahɨawe, tsepa ke'ane tatakuri tiuyupitɨa, akuwietɨ hɨkɨ tatakuritsie. ³⁵ Ke'aneta ma'kuwie ki'ta kwa ayakaa tukarikɨ; nu'aya kɨrixɨa tukarikɨ muyukanieritɨaka. ³⁶ Xɨka'ta Kakaɨyari Nu'aya xe utixɨna, sasunimekɨ xehɨkɨtɨni xexɨxɨnitɨ. ³⁷ Ne nerakumate ke'name xeme Abraham xeniwemama; xemiwautɨwe xenetsi mieni, mɨta Ne'niuki xekwa pitɨa yu iyaritsie. ³⁸ Ne pɨnexerahɨawe Kenentiunierixɨ Ne yau Hepaɨsta, xemeta yexetekahu ke tita xeteu'eni Ne yau Hepaɨsta. ³⁹ Mɨkɨta pɨmeteu'a pɨmeputiyɨ: ''Ta yau hɨkɨ Abraham.'' Jesús pɨtiwarahɨawe: ''Xɨka xehɨkɨtɨnike Abraham niwemama, xeme pɨxeyɨakake Abraham kentikatɨa. ⁴⁰ Mɨta pɨta hikɨ xenetsi wautɨwe xenetsimienike, Ne Ke'ane tita tisasuni Yenexerahɨawe, mɨta Kakaɨyari neu'enieka nepaine. Abraham ikɨ pɨkwatikatɨa. ⁴¹ Xeme pɨxetekahu xe yau ken'yɨanekai.'' Mɨkɨta pɨmete itahɨawixɨ: ''Tame tekwahɨkɨ tewapai nuiwarika; Xeime xeikɨa teniwewama: Kakaɨyari hɨkɨ.'' ⁴² Jesús pɨtiwarahɨawe: ''Xɨka Kakaɨyari xe Yau hɨkɨtɨnike, xeme Xenetsi hauyahɨakake, Ne Kakaɨyaritsie Nepayatɨa a'nepuyeika; ne Nehetsie nekwayatɨa pɨta ke'ane Netsi heyanɨkɨ ⁴³ ¿Ke tiuru xe xwa enana ne niuki xkwa enie? mɨkɨ yeti anekɨ xekwa yɨwawe ne niuki xemu enieni. ⁴⁴ xeme kaxe yautini kahauyumarie pɨxete ku'eriwa xeyau kahauyumarie. Mɨkɨ tiyumiekame kanayani hukɨa maukayune mɨkɨ hetsiena kwa tixuawe aixɨ ti'anetɨ. Mɨkɨ pumawe aixɨ ti'anetɨ hetsiena mɨkɨ muta niukat sie itarikaɨ mɨkɨ kwiminieme tiitawa mɨkɨ ti'itawame yawya hɨkɨ. ⁴⁵ Mɨkɨ yeti anekaku Ne nemutaniuka sasinɨ xeme sasuni xekwate'erie ne'hetsie. ⁴⁶ ¿ ke'ane xeme xexaneta tatakurikɨ? Ne netikuxata sasunimekt ¿ ke tiuru sasuni xekwate'erie? ⁴⁷ iya ke'ane Yusi nu'aya Yusi niukieya enie ya'umieme xeme xekwai'enie Yusi xekwa niwemamakɨ. ⁴⁸ Mɨkɨ Judío'tsixi pɨ meniutiyɨni pɨmete hehɨawe ¿tame sasuni tekate hexeiya pɨte mutiyɨni ke'name ekɨ pehɨkɨ Samaritano tɨkakame nɨ'arimama pawarexeiya? ⁴⁹ Jesús pɨtiwaraheiya: ''Ne nekwa he'xeiya tɨkákame nɨarieya; pɨta aixɨeriya ne Yau nepiyatuirie, xeme'ta aixɨ eriya xekwa netsiyatuirie. ⁵⁰ Ne nekwa iwaune Neraya arɨkani; Xewitɨ piwaune mɨta netiti wawirienike. ⁵¹ Pɨnexerahaɨawe sasunimekɨ xɨka xewitɨ Ne niuki, uti uuta, mɨkɨ mɨkiriya kwa xeiya.'' ⁵² Judío'tsixi pɨmete hehɨawe: Hikɨ tete'akumate kename Ekɨ tɨkakame nɨ'arieya pehexeiya. Abraham mɨta siere Timaikate mepukwi; Ekɨta pɨpemaine: 'xɨka xewitɨ Ne Niuki uti uuta, mɨkɨ mɨkiriya kwa'a inɨata.' ⁵³ Ekɨ pekwa Hɨkɨ heimana masi Abraham ta yau ke'ane mumɨ, ¿hɨ peti hɨkɨ? mɨta siere Temaikate mapu'kwi. ¿Ke'ane ekɨ pe'a erie?'' ⁵⁴ Jesús pɨtiu'a: Xɨka Ne xeikɨa Ne'aneyexeiyani, Ne neraya axe tixaɨ kwati hɨkɨ; Ne Yau hɨkɨ Neraya arɨkame Netsi ayetɨa, xeme pɨxemaitɨka ke'name xe Kakaɨyari. ⁵⁵ Xemeta Xekwa ixexeiya kuxi, Ne kɨri'xɨa Mɨkɨ nexexeiya. Xɨka Ne pɨ nehainenike: 'Ne nekwa ixexeiya Mɨkɨ', Ne xehapaɨ Ne anenike, ne ti itawatɨ. ⁵⁶ Mɨta tɨtɨ, Ne Mɨkɨ nepi xexeiya mɨta Niukieya Ne'uta. Xeme xe'Yau, Abraham, netsi uxeiyaka maya'atsie puyu katemawi; munierixɨtsie puyukatemawi. ⁵⁷ Judiotsixi pɨmetehɨawe: " Ekɨ akuxi pekwahe'xeiya hutame'tewiyari tamamáta heimana witari, ¿yatɨtɨ Abraham petiuxei'ri?'' ⁵⁸ Jesús pɨti warahɨawe: sasunikɨ, sasunikɨ nexera'huawe: meripaitɨ Abraham ka'ayeiwekaku, Né ne'hɨkɨ ⁵⁹ Ana tetexi meputitɨkixɨ me itituaxake, Jesús tá uyuti'awietaka Teyupanie wayatɨa.