¹ Ikɨ utɨa'ta , hɨkɨtakai judiyutsixi wa wiesta mɨta Jesús Jerusalén pantitɨa. ² Hikɨta, Jerusalén muxatsi wa i'tupari au'rie, muwa yema ha hebreo'kɨ titewatɨ Betesda, hexeiyatɨ auxuwi ituparite. ³ Kwinie me yu'paɨmetɨ teɨteri mete kukuyetɨ, meka haunenierertɨ, me u'ɨtsaiwatɨkaitɨ matɨa mehurietɨkaitɨ mana meyukanieritɨakai, ha yuari'ka me ta kwewiekai. ⁴ Mɨta aka'hipitekaku, ha putayɨitɨwakai Kakaɨyari a'kérieya anakayeikatɨ, tsepa ke ane hata makakenike, ha uyuanekaku, herie panetɨariwakai tsepa ken'reukukuyeke. ⁵ Mana'ta puyeikakai xewitɨ uki, ti'kuyetɨ 38 witari. ⁶ Kepauku Jesús mixei, mana ukaikaku,mɨta unie'reka kename waɨka reute'wikaku mana ukatei, Mɨkɨ pɨ tita'hɨawixi: "¿herie pereunemɨkɨ? ⁷ Uki tikwikame pɨ ti'ei: "Ne ukiyari, kepauku ha kuyuanitsie, xeime ne kwa he xeiya mana netsi'haukatuanɨ. Kepauku ne nenuanitsie, xewitɨ meri pakakeni. ⁸ Jesús pɨ ti tahɨawixɨ:"Nankukexi, a itsi nankuhurieka, ne'mie. ⁹ Yapauku'ta uki herie pane, yu itsi ankuhurieka, yetɨa. Hikɨta, a'na tukari hɨkɨtɨkai me mu ka'uxipiwakai'tsie. ¹⁰ Mɨta judiyutsixi, keane herie mane pɨ me te utahɨawixɨ: "Hikɨ ka hɨkɨtɨni te mu ka'uxipiwatsie, pekwapitɨarie'ta a itsi pematɨkɨni." ¹¹ Mɨkɨ pɨ tiu'a:"Ke'ane herie netsi anetɨa, pɨ neretahɨawixɨ: a itsi nankuhurieka nemie." ¹² Iyamexi me pi ta iwawi:"¿Keane hɨkɨ uki pɨ me tiu'ta hɨa'wixi:'Itsi nankuhurieka nemie?" ¹³ Mɨta keane herie manetɨarie, kwarakumaikai Ke'ane Hɨkɨtɨkai; Jesús peyakai'ta awietɨkamekɨ, mɨta waɨka teɨteri mexuawekai mana. ¹⁴ Arikeke, Jesús pukaxei mɨkɨ uki teyupanie, pɨ re hɨawe: "¡Neunieri , herie penaneni! tatakuri pekwati a pitɨakari, kataku masi tsitiuyɨni a hetsie." ¹⁵ Mɨkɨ uki pe'tɨa, judiyutsixi pɨ ti warutahɨawixi kename Jesús hɨkɨtɨkai herie menetɨakai. ¹⁶ Hikɨta ikɨkɨ, judiyutsixi Jesús me pu weiyakai, mɨta I'ya ye'ti yurienekai'kɨ me'mu ka'uxipiwakaitsie. ¹⁷ Jesús iyamexi pɨ ti wa ru'ei: "Ne Yau, hikɨ akuxi ti'uximayata, Ne'ta siere neti'uximaya." ¹⁸ Ya'umieme judiyutsixi, masi mepe'kauniekai kuxi, xeikɨa kwa'nanaimakai me'mu kauxipiwakai'tsie, mɨta'siere Kakaɨyari yu Yau tiu teriwatɨ, hapaɨna Kakaɨyari ayu yeitɨatɨ. ¹⁹ Jesús pɨ ti waru'ei: "Sasunimekɨ sasunimekɨ nexerahɨa'we: Nu'aya kwayɨwe yu'hetsie yukɨ ti yurieni, pɨta Mɨkɨ tixeiya Yauya kentiyuriene, mɨta Yeuya naime kentiyurie, mɨkɨ Nu'aya hapaɨna tiyurie. ²⁰ Mɨta Yeukame aixɨ reueriya Yu Niwe, naime'ta tixeiyastɨa Mɨkɨ kentiyuriene, Mɨkɨ ta xetixeiyastiani tixaɨ kareu'akame ke ikɨ'i, xeme xeyukate'mamawienikɨ waɨkawa. ²¹ Mɨta hapaɨna, Yeukame mikɨte waranku hapana hapaɨ siere ta tukari wayetuirie, paɨmɨ ta siere Nu'aya ke ane wareuyehɨwa tukari wayetuirie. ²² Mɨta Yeukame xeime kareuxatsirie, pɨ'ta piyetuirie naime tɨrikariya yu Niwe, ²³ mɨta me yunaitɨ raye'arɨkame me'ayeitɨatɨ Nu'aya, paɨmɨta siere Yeukame me ke ayeitɨaka. Keane Nu'aya kwaraya'atɨa siere ta Yeukame kwaraya'atɨa aku mei'yenɨa. ²⁴ Sasunimekɨ, keane Ne Niuki enie, mɨta yuri ti'erie Netsi'heyenɨa tsie pexeiya tukari kwa xɨwe, mɨta kwahɨiyani, pɨta mɨkɨriya tsie ayeneka tukari he xeiyatɨ pa'tɨa. ²⁵ Sasunimekɨ, pɨ ne xerahɨawe paye'aximeri, hikɨta hɨkɨ, kepauku mɨkite Kakaɨyari Nu'aya niu'kieya me enieni, ke'ane ta me mi enieni me'payeneniereni. ²⁶ Mɨta Yeukame hapaɨ tukari pexeiya yu'hetsie, paɨmɨ'ta siere Mɨkɨ piye'tuiri Yu Niwe yu'hetsie tukari me xeiyanikɨ, ²⁷ mɨta Yeukame tɨrɨkariya Yu Niwe yetuiri ken ti yurieni yɨwetɨ mayanikɨ, Mɨkɨ hɨkɨkɨ Kakaɨyari Nu'aya. ²⁸ Xekwa hauyuyexɨrɨwani ikɨkɨ, paye'aximeri kepauku meyunaitɨ mɨkite wa'tsata me mati'he niukieya me enieni, ²⁹ mɨta mewatɨkɨne: keáne aixɨ me te ka'kɨ tukari tsie me pan ku'uni, keáne ta aixɨ me kwa te'kakɨ mɨkiriya'tsie me pan ku'uni. ³⁰ Ne ne kwa yɨwene Ne Kɨma yukɨ ne tiu yurieni. Kenenti'ena, nexereuxatsirie, mɨta Ne ne xe antaxirieni aixɨ anekɨ nekwa'waune Ne kenen reuyehɨwa, pɨ'ta kenreuyehɨwa Netsi Heye nɨ'a. ³¹ Xika Ne ye ne tiu'xata Ne Hetsie mieme, Ke nen tiu'xa sasuni kwa hɨkɨtɨnike. ³² Xewitɨ pɨta tikuxata Ne hetsie ti'mieme, Neta ne ra kumate Mɨkɨ kentikuxata Ne hetsie mieme sasunimekɨ tikuxata. ³³ Xeme xe ware nɨ'a nɨ'aritsixi Juan ha'tsia, Mɨkɨ tari tiu'taxa tita ti sasuni. ³⁴ Mɨta Ne yene kamie xewitɨ tewi kwa netsiyetuiri. Ne ye ne paine ikɨkɨ xeme xewiketɨ xema kɨnekɨ. ³⁵ Juan hɨkɨtɨkai kɨxeme ta'tí utimerɨkatɨ, xeme xepau yutemamawiekai hekɨarieya'tsie ye'pamexa. ³⁶ Yatɨtɨ, Ne nemeixeiya kene mu'yɨ masi raya'atɨ hɨkɨ ke Juan meixeiya, kene tiu xeiyastɨa Ne Yau neti'yatuiri yenetikamienikɨ, Ne kenenti'yuriene, metekuxata Ne Hetsie, Yaukame ne' tsi heyenɨairi. ³⁷ Yeukame ke'ane Ne tsi heyenɨa, Mɨkɨ Nehestie tiutaxa. Xeme Niukieya xekwa eniewe, siere xekwa'ixeiyawe ken'ane yeka reu teterekaku. ³⁸ Niukieya ta yuhetsie xe kwa yuku hayewirie, mɨta xeme sasuni xekwate'erieku I'ya tsie ke ane Mɨkɨ meye ni'a' ³⁹ Xeme Niuki xematimaitɨkɨka mɨkɨ tsie xeme xetekweriwa kename xehexeiya tukari kwa xɨwe, mɨkɨ Utsika siere ta tikuxata Ne Hetsie, ⁴⁰ xeme'ta xekwa kɨniku Ne Hatsia tukari kwa xɨwe xehexeiyatɨ xemakɨnekɨ. ⁴¹ Ne nekwa'takwewie teiɨteri aixɨ wa'itɨarika, ⁴² Ne ta ne pe'tima kename xeme xeka hexeiya Kakaɨyari Nake'eriya xeme xehetsie. ⁴³ Ne ne peyetɨa Ne Yau nɨ'arieyatsie, xemete xe kwa nes'ankwewie. Xɨka xewitɨ nuani yu nɨari'tsie, xeme xepen'kwewieni. ⁴⁴ ¿Kehapaɨ sasuni xete taerieni, xeme xe nake'erie aixɨ itɨarika yuxexuitɨ hipame wa'tsie, ni ta xekwa wautɨwe aixi itɨarika meyetɨa Kakaɨyari Yuwesi'tsie? ⁴⁵ Pɨ xekwate haeriwani kename Ne ne xe tixaneta Yeukame ha'tsia. Ke'ane pɨta xe xaneta hikɨ Moisés, aku ke'anetsie xeme xemau yuwaɨriya. ⁴⁶ Xɨka Moises yuri xete eririekake, Yuri xe Nete eririekake mɨta mɨkɨ tiu ta útɨa Nehetsie timieme. ⁴⁷ Xɨka xeme yu'ri xekate eririeka utsikateya, ¿kehapaɨ sasuni xeteta erieni Ne Niuki tsie?