¹ Kepaɨkuta Jesús tiu tamaari kename me'he ena'nakai fariseotsixi kename Mɨkɨ waɨka re yurie'nekai, waɨka ware'ɨyakaneai, kunieri me'heyu paɨmekai tɨriyamama ni'ke Juan ² tɨtɨ Jesús yukɨmana kwati ɨyakai, pɨta tɨriyamama ), ³ Mɨkɨ Judea pukwe'eiri panuata tawari Galilea. ⁴ Pɨ reu yawekakai Mɨkɨ Samaria muyeyani. ⁵ Mɨkɨ kanuani kiekaritsie Samaria, rakɨtewakaku Sicar, hau hulakaku kewa kwieya meya atɨkatei aku Jacob yu'niwe José yetui riekaitsie. ⁶ Jacob pozoya yewiekaitsie. Jesús yeiyakɨ uxekai pu'kaya pozo aurie. Tuka hɨkɨtɨkairi. ⁷ uka' Samaritana peku hanɨita, Jesús pɨ'rehuawe:'' echiwa ne'neu haritɨa.'' ⁸ Tɨri'yamama kiekaritsie me pekɨnekai mete hau'nanaiyukai ikwai. ⁹ Mɨta uka' Samaritana Mɨkɨ pɨrehɨawe: ''¿Ketiɨru ekɨ Judio pehɨkɨ'tɨtɨ ne'uka Samaritana pɨpene'rahɨawe neke metsi u'haritɨani?'' Judios matɨa samaritanos paleku mekwa yu'xeiya. ¹⁰ Jesús pɨre'eiya: ''xɨkate pera'kumaikake Kakaɨyari imikierieya , ke'ane siere mera'hɨawe: ''ne'neu haritɨa', ekɨ pɨta Mɨkɨ pepi'ta wawirienike, Mɨkɨta ha'tukari kwa'xɨwe metsiyetuirieni. ¹¹ Uka' re e’iya: '' Ukiyari pe kwa hei'xeiya tita kɨ peti wa ti hana, pozo'ta pau' katewa. ¿Kewa, tamɨta, ha'tukari pe pe xeiya? ¹² ¿Ekɨ masi pekwaraya'axe keta yau Jacob, ikɨ pozo mikɨ tas'yetuiri siere muwa ma ti hari, meta siere niwa'mama siere'ta tewa'mama hɨ' pehɨkɨ sunu? ¹³ Jesús pɨtita ei:" Ke ane iyá ti'hareni ikɨ ha uwa'mieme tawa'ri kaharimɨkɨ, ¹⁴ Mɨta tsepa ke ane manhareni ha'aku Ne nemiyetuirieni, tawa'ri hauharimɨtɨ kwa'ayaniri. Ta aurie ma wetse'ta, ha ke'aneme Ne nemiyatuirieni mɨkɨ hetsiena haixa kanayeimɨkɨ, uhanetɨ tukari kwaxɨwe hepaɨsta.'' ¹⁵ Uka iyá pɨrahɨawe:'' Ne Ukiyari, mɨkɨ ha kenene'u hantɨa nekwa hauharimɨkɨnikɨ tawa'ri hapaɨna'ta ne kwahanunuwanikɨ ana'i ha newatihanake, ¹⁶ Jesús iyá pɨrehɨawe: "kenemie, a kɨna kene'ta hɨawi, ana penuani'ta." ¹⁷ Uka puta'á, utaitɨ:'' Ne nekwa uka'kɨna." Jesús pɨtitaei: ''kayuritɨ'ni ekɨ yepamaine: Né nekwa uka'kɨna', ¹⁸ Metá yu auxuwime pewaruti kɨnataxɨ, hikɨ'ta pemeixeiya, kwa akɨ'na. Kepemutayɨ ti hasuni.'' ¹⁹ Uka pɨrehɨawe: ''Ukiyari, ne netiniere ekɨ pehɨkɨ timaikáme. ²⁰ Ikɨ hɨritsie ta yeyeuma mete'ayaxei Ekɨ'tá pɨpemaine kename hɨkɨ Jerusalén muwa teɨteri mete'ayexeiyani. ²¹ Jesús pɨrehɨawe: "aku Uka, hasuni keneteuta'eriri, tukari pa'mie kayɨwetɨ kana yeimɨkɨ xemeyexeiya Yaukame ikɨ hɨritsie ni'tá hapaɨna Jerusalén. ²² Xeme xete'ayexeiya títa xekwatexeiyá. Táme tete'ayexeiya tita tetexexeiyá, mayeneikakɨ iyá wikwestɨarika judío'tsixi wahatsɨa. ²³ Metá akuxi, pakamie kepauku maya'ani, hikɨ kahɨkɨtɨni, kepauku sasunimekɨ memeyexeiya Yaukame, me eyexeiyatɨ mamakɨne yu espiritu'kɨ hapaɨna sasunimekɨ. Mɨkɨ Yaukame kanwawauneni iyá teɨteri memakɨnekɨ iyá meyexeiya. ²⁴ Kakaɨyari Espíritu ka hɨkɨtɨni. Metá teɨteri memeyexeiya meke eyexeiyani yu espiritu'kɨ hapaɨna sasunimekɨ. ²⁵ Iyá uka pɨrehɨawe:''Né nerakumate kename Mesias hamie, aku Cristo tiuterɨwarɨwa. Ke pauku Iyá nuanitsie, Mɨkɨ naime kata titixatɨamɨkɨ." ²⁶ Jesús pɨrehɨawe:" Né nehɨkɨ, ahamatɨa aku tikuxata .'' ²⁷ 27Ana'tsieta tɨriyamama mapa kunuaxɨa mɨkɨta mapayu iwawiya ketiuru mɨkɨ tiku'xata uka'matɨa mɨkɨta xewitɨ kwa uta'iwau ¿ tita pereuyahɨwa? ¿ ke'tiuru ti'kuxata hamatiana? ²⁸ Mɨkɨ uka ne'yani yu ya't ukwe'eirieka kiekaripa kaneyani teuteri pɨtiwarahɨawe ²⁹ kɨmɨ xe'peniere xemitɨ tewi pɨnereta'hɨawixɨ naime teutri pɨtiwarahɨawe. ³⁰ Mɨkɨ mepayakɨ kiekaripa me'pekɨ hatsɨana. ³¹ Mexita, tɨri'yamama, yaxeikɨa mete'hehɨawekai ti' ɨkitame tekwakari. ³² Mɨkɨta pɨ'tiwarahɨawe Ne ikwai ne'reiya ne'tikwani, xeme xekwateaku'mate ³³ Pɨta tɨriyamama pɨ metehayuhɨawekai ¿xewitɨ kwatiatɨiriewe tixaɨtɨ tikwaiwame tikwani mɨkɨ nuzu? ³⁴ Jesús pɨ'tiwarahɨawe Ne ikwai pɨta hɨkɨ yenetikamieni ke'ane netsi heyanɨ'a nemeya atɨanikɨuximayatsikaya. ³⁵ ¿Xeme pɨxekate utiyuane kaneuyewekani nauka metseri ka'naya amɨkɨ titxuaweretsie? Ne pɨnexeahɨawe xekeneutiuki xekeneutanierixɨa xeunieri yeuta ariri ikwaxi kakwakwaxini kayɨweniri teka itsanari. ³⁶ Ya ka' itsana tipitɨarieni tikuxeɨrieni ikwaxi mɨkɨ tukari kwaxɨwe, ke'ane mɨkɨ ka'eni ka'itsana mɨkɨ yukatemawieni hamatɨana. ³⁷ Ikɨ yamanyinekɨ xemitɨ ka'eni hipatɨta me'ka itsana mɨkɨ ka sasunitɨni. ³⁸ Ne ne'xenɨ'a xeka itsanakɨ xeme xekwateta uximayatawawe hipatɨri mete utauximayataxɨ xeme xepautahaxɨa wa iteɨritsata. ³⁹ Waɨkawa Samaria kie'katari mana meku maka'kai yuri mete uta'eri Hetsiena memu enana kai'kɨ mɨkɨ Hetsie uka niukieya'kɨ Mɨkɨ Hepaɨsta. ''Mɨkɨ ye netiuta hɨawixɨ naime kene tiu'yuri.'' ⁴⁰ Paɨ'mɨta samaria kie'katari me mayeixɨa'tsie Hatsɨana, mepi ta wawiri ke u' yuku hayawa'ke wa hamatɨa. ya'umieme Mɨkɨ puyu ku' hayawaxɨ mana huta tukari. ⁴¹ Yu waɨkawa'tɨ yuri mete uta'eri niukieya'tsie ⁴² Teɨteri uka' pɨ mete he' hɨawekai: "tame yuri te kwa ayeitɨa'ri xeikɨa ekɨ a niuki'kɨ, ari, ta kɨmana'kɨ te pu enaxɨ'ri tete akumaterí kename Ikɨ tewi hasunimekɨ tatsi Wikweistɨwame hɨkɨ kwiepa te'tama. ⁴³ Waritana huta tukari an'yayakɨ Mɨkɨ mana pai'tɨ Galilea nieretɨ. ⁴⁴ Jesus yɨkɨmana pɨ putayɨ'kai kename kakaɨyari nɨ'arieya palekumekɨ yuri kati eriyarie yu kiekari'tsie. ⁴⁵ Galilea Mɨkɨ maya'a tsie Galilea'tari palekumekɨ me pen kwewi. mɨkɨ me punierekai naime ken tiu yuriekai Jerusalen wiesta hatinekai'tsie, mɨkɨ siere muwa ma pan kɨnekai ixɨararita. ⁴⁶ Umaniere'ta, Mɨkɨ yu utɨa petɨa Cana, Galilea kwieyari'tsie, kewa ha' tɨtɨ wino ma yeitɨkai'tsie. mana'ta, pu yeikakai xutaru Rey nɨ'arieya mɨkɨ nu'aya ta re kuyekai Capernaum, paitɨ. ⁴⁷ Mɨkɨ tiu tamari'tsie kename Jesus nua'kai mana, Galilea Judea paitɨ aneka, jesús hatsɨa petɨa pɨti wawiriekai waɨriyarika ne niwe herie ne ha netɨa pe mɨximerí. ⁴⁸ Umaniere Jesús pɨ re hɨawe; xeme yuri xe'kwa te eriekake xɨka kenen'ti yɨwe ti yu hekɨa, xeka texeiyánike. ⁴⁹ Xutaru pɨre hɨawe: kɨmɨ neuxei mexi kuxi ne niwe cahe mɨwe. ⁵⁰ Jesús tá, pɨ tita hɨawixɨ: ''Kene'mie a'niwe paye'niere." mɨkɨ uki yuri tita eriri niuki jesús ken tita hɨawixɨ mɨkɨta petɨari. ⁵¹ Mɨkɨ yukie ukateximekaku, nɨ'arimama me peikunaketɨkɨ, mete he huawe kename nu'aya ayeniere. ⁵² Mɨkɨta waruta iwawiyaxɨ ke u'paukukaku yakɨ tiuyuma. mɨkɨ'ta pɨmete he'eiya: ''takay tuka amiekaku hɨiya pi'tatua.'' ⁵³ Mána yau'kame, retimá kename pɨ'upaukukaku Jesús pɨre he'hɨawekai ''A niwe paye niere.'' mɨkɨ muwa kita yuri mete uta'eri. ⁵⁴ Ikɨ patɨa hutarieka tiu hekɨataxɨ Jesús ken tiu yuri Judea yatɨa tsie Galilea heyaka.