¹ Mɨta, kanuyeikakaitɨni xewitɨ Fariseo, Judío'tsisxi wa'ukiyari Nicodemo tite'watɨ. ² Mɨkɨta Jesús hatsɨa kanuani tɨkarikɨ, pɨkatitahɨawe: ''Ti'ɨkitame, tete'akumate kename ekɨ pehɨkɨ Ti'ɨkitame Kakaiyari meiyanɨ'a, ni xewitɨ tewi kwa'yɨwe ti'hekɨata A'hapaɨ, xɨkate Kakaiyari hamatɨana kayukanieritɨaka. ³ Jesús pɨka'titaeiya: "Sasunimekɨ, xɨkate xewitɨ hekwamekɨ ka'utinuiwa, mɨkɨ kwayɨweka'xɨani Kakaiyari Kwieparieya xeiya." ⁴ Nicodemo pɨkatitahɨawe: "¿Kehapai yɨni xewitɨ uki ukiratsi'tɨtɨ tawarí ti'nuiwa? ¿Tiyɨwe mɨkɨ tewi mautahani hutarieka yu'tei hukayatsie? ¿Tiyiwe?" ⁵ Jesús pɨka'titaeiya: ''Sasunimekɨ, xɨkate xewitɨ ka'utinuiwa ha'tsie mɨta siere Espiritu'tsie, kwayɨweka'xɨani Kakaiyari Kwieparieyatsie mauɨtahani. ⁶ Xɨka xewitɨ waiyaritsie utinuiwa, waiyairi hɨkɨ, mɨta tita Espiritutsie ti'nuiwame, espiritu hɨkɨ. ⁷ Pekwahau ayahɨpani Né yenemetiuta'hɨawixɨkɨ: 'Ekɨ hekwamekɨ petinuiwa.' ⁸ Ekaa mu éka tsepa kewa pu eka, ekɨ pemi'enie kentiuyuane, mɨta ekɨ pekwa'rakumate keraneika, ni kewa metɨa. Paimɨ siere ka'aneni ke'ane Epiritutsie ti'nuiwa. ⁹ Nicodemo mita'ei, pɨkatitahɨawe Mɨkɨ: "¿ke'hapaɨ tiyɨwe ikɨ yentiyɨni?" ¹⁰ Jesús pɨti'ei pɨkatitahɨawe mɨkɨ "¿Ekɨ Israel tiwa'ɨkitɨwame pehɨkɨ yetɨtɨta ikɨ pekaretienietɨyeika? ¹¹ Sasunimekɨ, ekɨ nemara'hɨawe, tetekuxata tita tete akumate, mɨkɨta yetepaitɨka ketente'unierixi. Mɨta xeme yumamatsie xekwa'ikuhɨwe tame ketente'kuxata. ¹² Ne nexetikuxaxatɨwa tita pini kwuepa ti'mieme, meta sasuni xekuate'erie, ¿ke'hapaɨ sasunikɨ xeteta erieni, xɨkate ne'tuitaxata pini taheima'pai timieme? ¹³ Ni xewitɨ kwa'antiyeiwe ta'heima yuawitsie, xeikɨa ke'ane ta'heima yuawitsie maka'ne: Tewi Nu'aya. ¹⁴ Mɨkɨ'me Moisés kú kanankuhana tixai kwatu'xɨaweriwetsie, paɨmi siere kateu yewekani Tewi Nu'aya manku'hanieni. ¹⁵ Ke'ane sasuni ti'erie Hetsiena, tukari kwaxɨwe mexeiyanikɨ. ¹⁶ Mɨta Kakaiyari kwie kiekari puti nenimayataxɨ, xeikɨa yuxewi Yuniwe yatua, tsepaa ke'ane Hetsiena sasuni tita'erieni kwahauyeweni, pɨta Tukari Kwaxɨwe mexeiyanikɨ. ¹⁷ Kakaɨyari yu'niwe Kwiepa kwaheyeniha memauyewenikɨ, pɨta kwiepa tixuawerekɨ wikwestɨarika mɨkɨ Hetsie. ¹⁸ Ke'ane hetsiena sasuni tita'erieni kwahauyeweni, meta ke'ane sasuni kwatita'erieni mɨkɨ ari kanantahɨiyamɨkɨ, mɨta yuri kwatiuta'erikɨ iya yuxewitsie Kakaɨyari Nu'aya. ¹⁹ IKɨ ya anekɨ nexe akuwɨtɨani: Hekɨariya ka'nuani kwiepa, mɨkɨta teɨteri yɨwirika masi mahauyahɨatɨ mapakɨ hawaikɨta Hekɨarɨya, mɨkɨta wa'uximayatsika tsiti anekai. ²⁰ Ke'ane tsiti'kamie Hekɨariya xane'erie mɨta Hekɨariya hatsia kwa'hamie kataku kentikamie ha'hekɨare, ²¹ Mikɨta ke'ane aixɨ tikamie pa'mié Hekɨarɨyatsie mɨkɨ kenyɨane, kenti kamie Kakaiyaritsie hekɨatsienikɨ.' ²² Umaniereta mɨkɨta Jesús yu tɨriyama wahatɨa mene nɨne Judea kwieyaritsie. Mana meniu yutuhayahua yepamexa, wa hamatɨa mɨta tiuka ɨxakai. ²³ Hikɨta Juan siere ti ɨyanekai mana Enón, pe hulakai mana Salim, mana xuawckaikɨ watkawa. ²⁴ Mɨta Juan akuxɨ kwa anta hɨiyawekai. ²⁵ Mɨta niuki me xɨatɨakai Juan xeime matia Judío watɨriyamama, he mu ti ɨwatsie miemeki mɨta hemu yu tanake erienikɨ kakaɨyari hatsia. ²⁶ Mɨkɨta mene kɨne Juan hatsia pɨme te nita hɨawe: "Tiɨkitame, mɨkɨ keane a hamatɨa muy eikakai, antaɨye akiyaeitsie Jordán, aku yepetiuxatia iya hetsie mieme, mɨkɨta kati ɨyaneni, yumaitɨ mene kɨkano hatsiana. ²⁷ Juan Kaniata anita: "xewitɨ uki, kwa yɨwe ranpini, xɨta hɨrixɨa tiya tuiriyarienita heienema ti miemekɨ. ²⁸ Xeme xeyɨwawe xete uta xata kene mutayɨ: Ne ne kwa hɨkɨ iya Cristo pita pi ne pu'tayɨ: Ne ne pe yentanie mɨkɨ hɨxie. ²⁹ Wikɨekame tipinieya neɨkekame. Mɨta neɨkekame hamikuya, auriena mutiwe, ienietɨ, waɨkawamekɨ yuteimawietɨ, neɨkekame niukieyakɨ. ³⁰ Pɨreuyewetse, mɨkɨ, werenikɨ, mɨta ne ke kamieni. ³¹ Mɨkɨ ta heima maka'neni , kwinie raya axe ke tame. Mɨkɨ ke ane kwiepa mieme. kwiepa mieme hɨkɨ, kwiepa tsie ti mieme ti ku xata. Mɨkɨ ke ane ta'heima maka neni, kwinie raya axe ke tame. ³² Mɨkɨ yatikuxata ke tiu nie'rixɨ ke tiu enaxɨ xewitɨ ta yuri kwa ti eri'rie ³³ Mɨkɨ ke ane niuki mu'ta nake'eri rakumate kename Kakaɨyari yuri hɨkɨ. ³⁴ Mɨkɨ ke ane Kakaɨyari meyanɨ'a paniuka Kakaɨyari niukieya. Mɨkɨ xeikɨa hɨkɨ Espiritu tɨrɨkariya'ya yatuiri yarie. ³⁵ Yaukame Yuniwe pau ya huwa mama yatsie'ta naime ti ku hayawirie. ³⁶ Ke'ane yuri ti erie Nu Aya tsie tukari kwaxɨwe pexeiya, ke'ane ta Nu Aya kua'enie tukari kwaxɨwe kua’xeiya, pita Kakaɨyari haxiaya he siena kaniere.''