¹ Hairieka tukari, ka tiu ti neɨ'kitɨnɨ Caná de Galilea, Jesús teyaya mana kaniu yeikakaitɨni. ² Jesús matɨa tɨriyamama me puta inierie ra'yu neɨkitɨnekai'tsie. ³ Kepauka winu muxɨ, Jesús teyaya pɨ re hɨawekai:"Iyamexi winu me kwa he'xeiyari." ⁴ Jesús ta pɨ rehɨawekai:"Uka,¿ketiu Ne hatsia pe yeaxe? Ne tukari akuxi kwa a ye'awe." ⁵ Teyaya pɨ'tiwarahɨawekai teparewiwamete:"Ken xerahɨawe Ikɨ, ye'xeketenekahuni." ⁶ Mana pɨ xu'awekai 6 tekɨxi teteyari, aixɨ me yu yuriekaitsie judiyutsixi me pikumaɨwakai; mɨkɨ xari sesuimeta 70 siere 115 inɨari tiu'kanakekai. ⁷ Jesús paɨ ti waruta'hɨawixi:"Xarita ha xeutihɨniya." Mɨkɨta me mi ti hɨniyaxi hɨpɨneme. ⁸ Mɨta pɨ tiwarahɨawekai teparewiwamete:"Xewati'hanaka echiwa, xekenanhaniri ikwai ti inɨnɨatame hatsia."Mikɨta paɨ metekakɨ. ⁹ Ikwai ti inɨtɨatame pa inɨataxi ha winu mayeitɨarie, kwuarakumai'kaita kewa me yehaniekai(teparewiwamete'ta me te akumaikai). Mɨta mɨkɨ muta'hɨawixi neneɨkeme ¹⁰ mɨta pɨ'rehɨawe:"Yunaitɨ ukitsi, winu aixɨ'ane meri kaniukatuamɨkɨ, waɨka'tari me an i'eyu, winu ke ane ka'ɨri yetuani. Ekɨ'ta pemu'ti utaxɨ, winu aixi ane hikɨrike." ¹¹ Ikɨ meri hekɨariya pitawewi Jesús muwa Caná de Galilea, kentiyɨwe tiuhekɨataxɨ, tɨriyamama Mɨkɨ tsie yu'ri mete uta'eri. ¹² Ikɨ yetiuyɨkɨ, Jesús, teyaya, iwamama, siere tɨriyamama, me'pankakɨ Capernaúm, muwa me pu yu kuhayawaxɨ, waɨka tukari. ¹³ Judiyutsixi wa Pascua pau'hulakai, mɨta Jesús pan'titɨa Jerusalén. ¹⁴ Teyupanie'ta warukaxei, wakatsixi, muxatsi siere haɨmɨtsixi wa' tuayamete, siere'ta tumini pata'mete, mu me'ateme. ¹⁵ Mita kaunarikɨ warayexɨri meyunaime, siere muxatsi matɨa wakatsixi. Tumini pautaxɨriexɨa mɨta siere wa mexa wapexɨri. ¹⁶ Keane'ta haɨmɨtexi mewatuakai pɨtiwarahɨawekai:" Ikɨ uwa'i xeketenanyepini. Xekenehayewani Ne Yau kiya, ra'tuiyatsie xekwa' ayeitɨaka." ¹⁷ Tɨriyamama'ta me paye'eri utsikatsie ken're uxe:"A'ɨTETSARIKA AKIE MIEME NETSI'A IWA." ¹⁸ Mita nɨ'aritsixi judiyutari pɨ mete i'ei: "Ikɨ yepetiyuriene, tita'ta pe ta tixeiyastɨa." ¹⁹ Jesús pɨ ti'waru ei:"Ikɨ teyupanie xeuta'una, haika tukary Ne nenenkukemɨkɨ'ta." ²⁰ Mɨta nɨaritsixi judiyutari me'putiyɨ:"pu'yuri 46 witari, ikɨ teyupanie man'yukukenikɨ, Ekɨ'ta ¿haika tukari perenkukeni?" ²¹ Mɨkɨ'ta yu waiyari xatakai'pɨta. ²² Mɨkite wa'tsata ankuhanieku'ta tɨriyamama me pa ye'eri kename Mɨkɨ pɨ utayɨ'kai, yu'ri mete'uta'eri Utsikatsie siere Niuki'tsie aku Jesús kenti'warutahɨawekai. ²³ Mɨkɨta yukanieritɨakai Jerusalén Pascua matineikakai'tsie, wiestakɨ, meyuwaɨkawa yu'ri meteuta'eri He'tsiena kepauku me munierixi ken'tiyurienekai Mɨkɨ. ²⁴ Mɨta Jesús yu'ri kwatiwa'eririekai, Mɨkɨ'ri yu naime warakumaikai, ²⁵ mɨta yekwa'tinakeeriekai xewitɨ yetixeiyastɨani uki'tsie, Mɨkɨ rakumaikai uki'tsie ken'ti ane.