¹ Mɨta uraniere, Jesús xeitapa petɨa haramaratsie Galilea, mɨta siere titewakai haramara Tiberias. ² Teɨteri yu'waɨkawatɨ mepiweiyakai Mɨkɨ, mɨta mɨkɨ meniere'kaikɨ kentiyurienekai ke'ane wa'hetsie mete kukuyekai. ³ Jesús petɨa'ta hɨrimutsie aurie mana'ta puka'ya yu'tɨriyama wamatɨa. ⁴ (Hikɨta, Pascua Judío'tsixi wa'fiesta puhurakai.) ⁵ Ke'pauku Jesús mankunierixɨ munierixɨta teɨteri yuwaɨkawatɨ mepa'hukai Hatsɨana, pɨrahɨawa'rɨwa Felipe: ''¿Kewa te'peinaneni pani mɨta ikɨmetakwanikɨ?'' ⁶ (Mɨta Jesús ikɨ yetitahaɨawixɨ Felipe inɨatamɨtɨ, Mɨkɨ'tɨtɨ rakumaikai Mɨkɨ hepaɨstana kentiyurienikekai.) ⁷ Felipe pɨtita'ei: ''Doscientos'tsie pan atɨ kwatinake yu'xexuitɨ memei'xeiyani tsepa echiwa.'' ⁸ Xewitɨta tɨriyamama, Andrés, Simón Pedro iwaya, Jesús pɨrahɨawe: ⁹ ''Ana'i xewitɨ puwe nunutsi he'xeiyatɨ 5 pani tarariyari cebada wewiyayari mɨta siere ketsɨte hutame, mɨta ¿kwawareuneni ikɨ yunaime?'' ¹⁰ Jesús pɨ'putayɨ: ''pɨ'xeutiyɨki teɨteri meke ukayaxe.'' (hikɨta, waɨkawa paku'ɨxayakai mana.) Mɨta ukitsi mepu'kayaxixɨ, 5000 me'hɨkɨtɨkai. ¹¹ Mɨta, Jesús pani puti'ɨi uyu tanenewieka, wayatuiri iya ke'ane mamutekai, paɨmɨta siere ketsɨte ke'pame mawareuya'hɨakai. ¹² Ke'paukuta memuti'huxa, Mɨkɨ pɨtiwarahɨawe Yu tɨriyama: xeukuxeɨri muyu'hayawaxɨ, kwareuya'wautsenikɨ. ¹³ Mɨta mepu kuxeɨri meputi hɨniyaxɨ 12 tekurina pani tarariyari aya'maneme matɨari auxuwi pani hɨkɨtɨkai; yapaɨmetɨ puyuhayawaxɨ ari mete ukwaku'ri. ¹⁴ Mɨta ke'pauku teɨteri mamunierixɨ Mɨkɨ waɨkawa rayeitɨakai, pɨmeputiyɨ: ''Ikɨ sasunimeku hɨkɨ timaikame nua'nikekai ana kwiepa. ¹⁵ Ke'pauku Jesús retímaa mɨkɨ me'a xɨanikekai memi'wiyakekai yakareuyahɨakaku Ukiyari me'e yeitɨanike, Mɨkɨta tawa'ri petɨa yu'xewitɨ hɨrimutsie. ¹⁶ Ke'paukuta taikai matɨa, tɨriyamama mapaukahukai haramaratsie. ¹⁷ Kanuwatsie ma'akayaxeka, mepekɨ Capernaum tiyetewakaku. kepauku'ta muyɨwikai, Mɨta Jesús kwanuawekai kuxi wa'hatsɨa. ¹⁸ Mɨta waɨkawa pu'ekakai, mɨta haramara pu'yuanekai waɨkawa. ¹⁹ Ke'paukuta kanuwa me'uhaximetɨ 5 mɨta 6 kilometros me'uhutɨ, mɨkɨ me'puxei Jesús umiekame haramatatsie kanuwahatsɨa paya'aximekai mɨkɨ'ta mepu'timama. ²⁰ Mɨkɨta pɨti'warahɨawe: ''¡Ne ne hɨkɨ! Xekwa mamaka.'' ²¹ Mɨkɨta mepipitɨa mantiyani kanuwatsie yapaukuta kanuwa puta'a kwiepa kewa meme'kɨnekai. ²² Uxa'ariekata, teɨteri meyuwaɨkawatɨ aku ke'ane mamu uwakai xeitapa haramara, memunierixɨ ke'name kanuwa xewitɨ mana kwa'uwekai xewitɨ xeikɨa, Jesús kwa'heyeyakai yu tɨriyama wa'matɨa, tɨriyamama pɨta mepe'kɨnekai yu'xexuitɨ. ²³ Mɨta, hipatɨ kanuwa axɨakai Tiberias atinexɨaka, hurawa kewa'aku teɨteri mete'ukwakai panikɨ, kepauku'aku Ukiyari pampayusi muwewiekaitsie panikɨ. ²⁴ Ke pauku ta teɨteri metehetimá nipai Jesus, ni tɨriyamama mana mekwayukanieritɨkai, mɨkɨ kanuwatsie me pantikɨ mɨta me pekɨ Capernaum Jesus me wautɨwetɨ. ²⁵ Ariketa me ika xeiyaka haramara antaɨyepai, mɨkɨ Metehehɨawe: "Ti'ɨkitame, ¿ke pauku pe nua? ²⁶ Jesus muta'a, haitɨ: "Sasunikɨ, sasunikɨ, xenetsi wautɨwe xeme, xeka nieretɨ ke netiyuriene, paɨtakɨ xete ukwai panikɨ xemuti huxaikɨ. ²⁷ Xekwa te uximayaka ikwaikɨ ti'tsinariwe, paɨta ta ikwai tukari kwaxɨwe makateke nikɨ, ke mɨ ane Kakaɨyari Nu'aya xeyatuirieni; paɨta ta Ukiyari Yusi mana ka tiu tepɨatɨani Mɨkɨtsie. ²⁸ Mɨkɨta pɨ me tehehɨawe: "¿Tame kete yɨaka'ta Yusi kentiyuriene hapaɨ teteyurienikɨ?" ²⁹ Jesus muta'a: "Ikɨ hɨkɨ Yusi uximayatsika: kahɨkɨtɨni xeme sasuni xeteta'erieni Mɨkɨtsie ke ane Mɨkɨ meyanɨa. ³⁰ Mɨta mɨkɨ Me tehehɨawe: "¿Ekɨ ta ke ti aneme peti hekɨata, tame aku tenieretɨ sasunikɨ tete'ta erieni a Hetsie? ¿Ke petiyurieni? ³¹ Ta yeyeuma maná me niutikwani tixai kwuatu'xiaweriwetsie, ke hapaɨtɨtɨ reu uxa: 'YUSI KAWAYA'TUIRIENI MEMIKWAKAKɨ PAN YUAWITSIE MAKA NE.' " ³² Mɨta Jesus tiwarahɨawe: "Sasuni, sasuni ne paine, Moises ka tiuyuri pan yuawitsiekɨ tiwarumi, paɨta Ne Yau kayatuaka pan taheimapai mieme. ³³ Yusi panieya tamɨ, mɨkɨ taheima pakaneika hapaɨna tukari yatua ana kwiepa. ³⁴ Mɨta mɨkɨmexi metehɨawe: "ta Ukiyari, mɨkɨ pɨta pan, tukari mankayeika ketayatuirieka." ³⁵ Jesus tiwarahɨawe: "Ne pan tukari ne hɨkɨ; ke ane ne hatsɨa mamie kwahakamɨni, ke ane ta Ne hetsie ti'erie kwaharimɨni mautihane. ³⁶ Ne ta pɨnexetutahɨawɨxi sasunimekɨ Xenetsi xeiya, ni xekwa te'erie. ³⁷ Naime tita ne Ukiyari ne ti yatuirie, Ne hatsɨa ya'ani, ke ane'ta Ne hatsɨa mamie, Ne sasunimekɨ wanekwaheikahɨani. ³⁸ Ne karikɨ ta heimapai ne nakaneni, ne xeikɨa ne hetsiekɨ kenenreuyahɨwa, paɨta ke a'netsiekɨ kenreuyahɨwa netsiheyanɨka. ³⁹ Ikɨta kahɨkɨtɨni ke anekɨ netsiheyanɨka kenreuyahɨwa, Ne ni xeime ekwa heuyahɨpani keme aneneme Mɨkɨ netsi ya tuiri, paɨtakɨ ne warankuhapani kwinatɨrieka tukari maya'anitsie. ⁴⁰ Mɨta ikɨ hɨkɨ Ne Ukiyari kenreuyahɨwa, ke'anetɨ iya Nu'aya xeiya hetsiena tierietɨ Mɨkɨtsie, hexeiyatɨ payaní tukari kwaxɨwe mɨta Ne nepenkuhana kwinatɨrieka tukari maya'anitsie." ⁴¹ Mɨta Judío'tsixi tsimete utainekai Mɨkɨtsie Mɨkɨ hepaɨasta mainekaikɨ: "Ne pan ne hɨkɨ ta heima yuawitsie nemakané." ⁴² Mɨkɨ meputiyɨ: "¿Ikɨ wa'atɨ Jesus ti hɨkɨ, Jose nu'aya, te yaya yauya tewaxexeiyani? ¿Ke hapaɨtɨtɨ Mɨkɨta ya paine hikɨ: "Ne taheima yuawitsie nenakaneni?" ⁴³ Jesus tiuta'ei: "Xeketenehayawa xeme yuhetsie tsixete'utaine. ⁴⁴ Xewitɨ xeikɨa mamieni Ne hatsɨa kwayɨwe xɨka ne Ukiyari pɨta, Ke ane Netsi heyanɨ'a, pɨta Ne hatsɨa pi'atɨani, Ne ta mɨkɨ ne penkuhana kwinatɨrieka tukaritsie. ⁴⁵ Temaikatetsie reuku'uxa: 'MEYUNATɨ WAHETSIE YUSI TIWATA'ɨKITɨANI.' Meyunaitɨ ke ane me'enanani hapaɨna me te hetimani ta Ukiyaritsie Ne hatsɨa mepahu. ⁴⁶ Ni xeikɨa xewitɨ ne Ukiyari muxei, xeikɨa ke ane Yusitsie meyatɨa, Ikɨ ne Ukiyari xexeiya. ⁴⁷ Sasunikɨ, sasunikɨ ne paine, ke ane sasuni ti erie, mexeiya tukari kwaxɨwe. ⁴⁸ Ne pan tukari ne hɨkɨ. ⁴⁹ Xeme xeyeumama maná mekaniutikwani muxiekariyatsie, mepukwi'ta. ⁵⁰ Ikɨ pan taheima yuawitsie makane, ke ane Mɨkɨ takwani, kwamɨni. ⁵¹ Ne pan mayeniere ne hɨkɨ ta heima yuawitsie makane. Tsepa ke'anetɨ ikɨ pan mutakwai, puyeikani mautihane. Ne pan ke aneme ne xeyatuiriene, ne waiyari tukari hɨkɨ kwiepa mieme. ⁵² Judío'tsixi mepuyaha'a, me pa yu iwawiyakai, me haitɨkatɨ: "¿Ke hapaɨtɨtɨ tiyɨwe Ikɨ tewi yu waiyari tatsi mini temitikuanikɨ?" ⁵³ Mɨta Jesus pɨtiwarahɨawe: "Sasunikɨ, sasunikɨ nexerahɨawe, xɨkate xe'itakwani Kakaɨyari Nu'aya waiyarieya hapaɨna'ta xuriyaya xeman'ieni, xeme ni tukariki xekahexeiyatɨ yu hetsie xepakɨka. ⁵⁴ Ke ane Ne waiyari takwani hapaɨna Ne xuriya man'ieni, tukari kwaxɨwe pexeiya; hapaɨna Ne nepenkuhana kwinatɨrieka tukaritsie. ⁵⁵ Ne waiyaritsɨ karikɨ hɨkɨ sasuni ikwai, hapaɨna Ne xuriya sasuni hariya hɨkɨ. ⁵⁶ Ke ane Ne waiyari takwani hapaɨna Ne xuriya an'ieme Ne hetsietiwiya Ne hapaɨna Mɨkɨtsie. ⁵⁷ Ta Ukiyari hapaɨ tukari yatua Netsi heyanɨ'a hapaɨna anemekɨ nemuyeika kenti'aneni Ne Ukiyaritsie; hapaɨna anemekɨ ke'ane ne hatsie tikwa'a, puyeikani hapaɨna Ne'kɨmana. ⁵⁸ Ikɨ karikɨ hɨkɨti pan taheima yuawitsie makane, mɨkɨ ni kwahɨkɨ xeyeyeuma memutikwai, mete ukwita. Ke ane ikɨ pan takwani puyeikani heyeme." ⁵⁹ Ikɨ Jesus mutayɨ sinagoga'ta mexi ti'ɨkitɨatɨ Capernaúm. ⁶⁰ Mɨkɨ waɨkawa tɨriyamama mamu'enana mɨkata pɨmeputiyɨ ikɨ ɨkitɨarika ¿ke'ane aku pina ke'erie? ⁶¹ Mɨkɨ Jesús rakumaikaj mɨkɨ tɨriyamama mɨkɨ meyu iyaritɨakaj mɨkɨta pɨti warahɨawe ¿ tierika xeteierie? ⁶² Mɨkɨ pɨtiwarahɨawe ¿ xɨta xeíxeiyake tewi nuáya antiemiekame meripai kewa meyeikakai? ⁶³ Mɨ kɨ ka'hɨkɨtɨni Espíritu tukari yatua ta'waiyari tixaɨtɨ aixɨ kwatiyuriewe. Mɨkɨ niuki xehaxaxatiwatɨ kahɨkɨtɨni Espíritu siere tukani kahɨkɨtɨni. ⁶⁴ Mɨkɨ yeti anekaku xeme hipatɨ sasuni xekwate'erie mɨkɨ Jesús rakumaikai meripai hukɨa maukayune ke'ane mehɨkɨtɨkai yuri mekwate'eriekai ke'ane meyuyatuanikekai. ⁶⁵ Paɨ siere tiwa'rahɨawe xewitɨ kwayɨwekai menku' weiya Jesús yauya xɨka ipitɨakaitɨni. ⁶⁶ Mɨkɨ yatiu yɨku waɨkawa tiriyamama mapautayeixɨa hamatɨanari makwa hukairi. ⁶⁷ Jesús mɨkɨta pɨtiwarahɨawe meyu 12 ¿xeme siere xeteyahu? ⁶⁸ Simón Pedro pɨtiwarahɨawe ukiyari ¿ ke'ane matia teyahu? ekɨ niuki pepexeiya tukari kwaxɨwe. ⁶⁹ Tame sasuni tete'erie teteakumate ekɨ pehɨkɨ santo aku Yusi aku. ⁷⁰ Jesús pɨtiwarahɨawe ¿Ne neka' xeranayahapa xeme yu 12 xewitɨ xeme kahɨkɨtɨni kahauyumarie? ⁷¹ Mɨkɨ pɨhaitɨ painekai Judas xatakai Simón nu'aya Iscariote mɨkɨ payawekai 12 mehɨxɨtɨkaitsie Jesús yatuanikerakai