¹ Hik+ ximeri, tukari manyeka tsie semana, mexi akuxi uy+wikai, Maria Magdalena nua teukipa m+k+ ta puxei tete ku+rime teukipa. ² Pu'ta nautsaxi pet+a hatsia Simón Pedro mat+a Jesús nunuyarieya aku yekwareieriyakai p+ ti warah+awe ta: "Iyamexi mene ha+rita ti +kitame waiyarieya teukipa'ta, te kwa te akumate ta kewa me meih+a." ³ Mita Pedro mat+a xeime nunu'yari memayek+, me hank+ teukipa. ⁴ Me yu hutat+ me pe nautsaxi me yunait+, xewit+ nunu'yari masi wa+ka pu'ta nautsaxi ke akuxi Pedro, m+k+ meri nua teukipa. ⁵ Anatutsax+aka, puxei ixuriki rayeaxe mana akateme, m+ta kwa hau ta'ha. ⁶ M+ta Simon Pedro nua arikeke ut+ana, pautat+a teukipa. M+k+ puxei ixuriki raye'axe mana akateme ⁷ siere ixuriki muuya manah+akai. Kwa a ka tekai ixuriki rayeaxe aurie, p+ta tutunikai, yu sa+ta aka'teme. ⁸ M+ta siere xewit+ nunu'ri pau taha, aku keane nua meri teukipa; m+k+ punierixi siere ta yuri tiu ta eri. ⁹ Akuxi anam+ tsie m+k+ utsika me kwa akumaikai, kename M+k+ ankukenikekai m+kite watsata. ¹⁰ M+ta iya t+riyamama me panuax+a yu kie tawa'ri. ¹¹ Mita Maria puwekai teukipa ta'kwa, hatsuat+. Mexi hatsuaka, m+k+ ti tunumakix+ teukipa ta+ta. ¹² M+k+ yu hutame akeri'tsixi me hautusame waru xei, me'uteme, xeime mu'utsie xeime ta kewa Jesus waiyarieya, matekie'kaitsie. ¹³ Iyamexi m+k+ p+ me te itah+awix+: "Uka, ¿ketiu pe pa tsuaka?" M+k+ ta p+ ti wa ra h+awe iyamexi: "Ketiu iyamexi me pekwei Ne Ukiyari, ne ta ne kwa rakumate kewa me mei'h+a." ¹⁴ Kepauku ik+ ye mu ta y+ tsie, m+k+ hanakunierixi'tsie, Jesús puxei mana uweme, m+k+ ta kwarakumai kename h+k+t+kai Jesús. ¹⁵ Jesús m+k+ p+ re h+awe: "Uka ¿ketiu pe pa tsuaka? ¿keane pe waune?" m+k+ p+tiu eri kename M+k+ h+k+t+kai ite+ri h+weme, yaumieme p+ ti ei: "Ukiratsi, x+ka ek+ pe hei kweni , yeneteutah+awi kewa pepeih+a, ne nepenha+rita." ¹⁶ Jesús p+ ti ta'h+awixi: "Maria." M+k+ hanakunierixi, Arameo'k+ p+ re h+awe: ¡¡Raboni!!, (kanany+neni'ta "Ti +kitame.") ¹⁷ Jesús p+ re h+awe: "Pe kwa ne tsi kuma+wani, akuxi waik+ nekwa antiyeiwe Ne Yau hatsia; ne mie ne t+riyamama wahats+a p+ te waretah+awi'ta, kename ne ne'antiyani Ne Yau hatsia, siere Wa Yau, Ne Kaka+yari, siere Wa Kaka+yari." ¹⁸ Maria Magdalena pet+a t+riyamama wa hatsia p+ ti warutah+awixi'ta: "Ne ne pexei Ta Ukiyari", siere kename I'ya p+reitah+awekai. ¹⁹ kepauku taikai mat+a, m+k+ tukari tsie, tukari manyakatsie semana, m+ta itupari kewa me hayetekai Iya tiriyamama , reunanamekai judios'tsixi mewareutexieti, Jesús nua wa hix+apa pu'take p+ ti warah+awe: "Uxipilla xehetsie ke yu katet+aka". ²⁰ Kepauku ye mutay+tsie, M+k+ wa'ru xeiyast+a yu mama'te siere yu a'ki. M+ta kepauku t+riyamama yu Ukiyari me muxeitsie, m+k+ me pu yukatemamawi. ²¹ Jesús m+ta p+ ti warah+awe tawa'ri: "Uxipilla xehetsie ke yu katet+aka. Ne Yau hapa+ Ne netsi heyen+a, hapa+na ta Ne nexe'tsin+a xeme." ²² Kepauku Jesús yemutay+tsie, M+k+ wahetsie tiutah+tsi p+ti waru ta h+awixi'ta: "Yumamatsie xeh+ka Espíritu Santo. ²³ Keane xeme tatakurieya xeteheiyeh+wirieka, xe tatakuri siere xepauyeh+wiyarieni, keane xeme yu tatakuri xekatsinani, m+k+ xekatsinat+ pa yani." ²⁴ Tomás, xewit+ mayewekai me yu 12 t+kaitsie, titewat+ Dídimo, wa hamat+a kwa uyeikakai kepauku Jesús nua tsie. ²⁵ Hipat+'ta Iya t+riyamamate arikeke m+k+ p+ me te itah+awixi: "Tame Ta Ukiyari te pu xei."M+k+ ta p+ ti wa ru'ei: "Ne hek+a x+ka ne uxeiya Mamateya kewa clavo hautsunariex+a siere x+ka ne ma'ma kaimay+aweni akieya, yu'ri nekwa ti erieka akuxi." ²⁶ Arike'ta 8 tukari hautinekaku, tawa'ri kita meyukanierit+akai, Tomás hamat+a muwa payekatei. Jesús nua akuxi itupari haunanamekaku, wa hamat+a muwa yukanierit+a, p+ ti warah+awe'ta: "Uxipilla xehetsie ke yukatet+aka" ²⁷ Uraniere M+k+ p+ ra h+awe Tomás: "A it+wamete anai natsera, ne mamate neuxeiya, a mamak+ kenata'ax+, ne aki'ta neutahat+a, pekwa titawe'erieka, yu'ri te erieka p+ta." ²⁸ Tomás pu ta'a, m+ta M+k+ p+rah+awe: "Ne Ukiyari siere Ne Kaka+yari." ²⁹ Jesús p+ re h+awe'ta: "Ek+ penetsiuxeik+, ek+ yu'ri pe tiu ta'eri. Aix+ me it+arieka iyamexi keane me kwa nieriwe, m+ta yu'ri me te utaeri. ³⁰ Hik+ta Jesús wa+ka masi tiuhek+ataxi yu t+riyamama wa h+r+pa, , kwatihek+ariwe siere ta kwa akautsiewe ik+ xapatsie, ³¹ m+ta ik+ maka'utsie xeme yu'ri xetetaerienik+ kename Jesús Cristo h+k+, Kaka+yari Nu'aya, pa+m+ sasuni xe te eriet+, tukari xekenexeiyani hetsiena.