¹ Ariketa yetiuy+ku Jesús kaniu'yuhekiata tawa'ri yut+riyama wahats+a aki ut+a Tiberia akiyaritsie. pa+m+ m+k+ katiuyuhek+ata yuk+mana: ² Simon pedro mu'yeikakai Tomas mat+a tiuter+war+wat+ Didimo, Natanael Cana kie'kame yaxeik+ata Galilea, Zebedeo niwemama mat+a me yu hutat+ Jesús t+riyamama. ³ Simon Pedro p+tiwarahiawe: ne nepau'kwaits+pamie.'' m+k+ta p+mete'itahiawix+: tame'hapa+na teyehuni'aut+a.'' m+k+ mepek+ m+ta mepantik+ kanuwatsie, m+k+ta tixa+mekwuate u'axix+ m+k+ t+kariyaritsie. ⁴ hik+ta, yak+'upaukukau uximerikaku, Jesús wah+xie'kaniutakeni haramaratsie, m+k+ t+riyamama mekwate'akumaikai kename Jesús h+k+t+kai. ⁵ Jesús p+katiwarutah+awe m+k+:'' Ukitsi, temari, tixa+¿tikwaiwame xetehexeiya?'' m+k+ta menita'eiya:'' hawaik+. ⁶ m+k+ta:'' p+katiwarutah+awe: wipi xeuwiwi yutserietatsie, xemeta xewakaxeiyakuni hipame.'' m+k+ta yuwipi meneuwiwieni, m+ta m+k+ mekwa'warukemakax+a mewa+kawakaik+ kets+te. ⁷ M+ta xeime'n+ari ke ane Jesús yakwatiku eriyakai p+rah+awe Pedro: M+k+ kah+k+t+ni ta Ukiyari, h+k+t+kai, m+ta yukemari herie'mieme kaniutah+ani (m+k+ maukepiekai), haramaratsie kaneuyuh+ani. ⁸ hipat+ta t+riyamama meniu'ax+ni kanuwatsie wahats+a ni'kwahetewakai kwiepa, 90 metros hetewakaku, m+k+ta ha'testa meye uwakait+ni wipi mewiyat+ kets+te meh+neme. ⁹ m+k+ memayek+tsie kwiepa, meniuxeiya t+'takame, mana'yaxeikiata kets+te hetsiena siereta pan. ¹⁰ Jesús p+katiwarutah+awe m+k+:'' hipame kets+te xewarati'+i kemu'kake aku xewaratihapa.'' ¹¹ Simon Pedro m+ta kanantiyani wipi kaniutayuit+ani kwiepa, meh+neme kets+te haxmepapame; 153 meh+k+t+kai. m+ta yat+t+'yuwa+kawa me'atiheikaku wipi kwa utatsanix+. ¹² Jesús p+katiwarah+aweni m+k+:'' xak+neka xeteneukwa'i.'' nixewit+ t+riyamama kwa uy+wekax+a M+k+ mutaiwawiya :'' ¿ke'ane peh+k+?'' m+k+'mete akumatekai kename ta Ukiyari h+k+t+kai. ¹³ Jesús kanuani, Pan kananku'+ni, kawaru +it+ani m+k+, kets+ siere. ¹⁴ ik+ katiuyuni hairiekatsie kepauku Jesús muyuhek+atax+ yaxek+a yut+riyama wah+xie, ariketa kename M+k+ ankukekai m+kite watsata. ¹⁵ Ariketa m+k+ mete ukwakari, Jesús p+mutay+ Simon Pedro:''¿Simon, Juan, nu'aya, ek+ penereuyeh+wa wa+kawa, ke'ik+?'' Pedro p+reh+awe: ''h+, ne Ukiyari; ek+ perakumate kename ne metsihauyeh+wa.'' Jesús p+reh+awem+k+: ''nemuxatsi tewarumikwa.'' ¹⁶ m+k+ tawa'ri p+reh+awe hutarieka: ''Simon, Juan nu'aya, ¿ek+ penereuyeh+wa?'' Pedro p+reh+awe: ''h+, ne Ukiyari; ek+ perakumate kename nemetsihauyeh+wa.'' Jesús p+reh+awe m+k+: " nemuxatsi kenewah+ka.'' ¹⁷ M+k+ta p+reh+awe hairieka:'' Simon, Juan, nu'aya ¿ek+'penereuyeh+wa? m+k+ p+reh+awe: ''Ukiyari, 'M+k+ p+kateh+aweni Ek+ perakumate kename nemetsihauyeh+wa.'' Jesús p+kateh+aweni: nemuxatsi tewarumikwa. ¹⁸ sasunik+, sasunik+ ne nemerah+awe ek+, petemaik+t+kaitsie, pe iya'makakai pe atiket+ani m+ta pekuyeikakai kewa pemauyeim+k+kai, kepaukuta ukiratsi pemayani, ek+ amamate penankuhapam+k+ xewit+ tewi merakapinit+ani m+ta kamenan wit+m+k+ ek+ pekwahauyeim+k+tsie.'' ¹⁹ Anam+ Jesús yaputay+ ti'hek+atake Pedro temawierika kentiyetuirieni Kaka+yari, kentim+nik+, ya'utay+ka, pedro: ''p+rah+awe ne'nankuweiya.'' ²⁰ Pedro ta'aurie aweka xeime puxei wa'ut+a umiekame ke'ane iya Jesús yakwareu eriyakai.'' yununuyari; iya aku Jesús tawiena utihuka mete'ukwaitsie iya p+putay+: ''Ukiyari, ¿ke'ane h+k+ iya aku metsiyetuani? ²¹ Pedro iya ixeiyaka Jesús: p+tiutah+wix+: ''Ukiyari, ¿ketiy+ni ik+ ukitsie? ²² Jesús p+reh+awe: "x+ka Ne p+nereuyeh+ka ke uyeikani ta'ikwewat+ kepauku Ne ne'nuanitsie, ¿kehekuy+t+ pekuy+ne ahepa+sta? Kene'neuweiyani.'' ²³ umaniere ik+ niuki puyutamari yunait+ iwamari watsata, kename nunuyari kam+nikekai. P+t+t+, Jesús pedro reh+awet+ kwareh+awekai kename xewit+ nu'nuyari kam+nikekai, p+ta putay+: ''X+ka ne p+nereuyeh+aka ke uyeikani ta'ikwewat+ kepauku ne'nuanitsie, ¿kehekuy+t+ pekuy+ne ahepa+sta?'' ²⁴ Ik+ nu'nuyari kah+k+t+ni ye'tikuxata kentiuy+, hapa+na ke'ane tiuta'ut+a ik+, tameta te'teakumate kename ik+ niuki tisasuni. ²⁵ hapa+na Jesús wa+kawa tiuyuri. x+ka xexuit+ ut+utsienike, ne netikueriwa kename kwiepa kwahexeiyanike xapate mu'tiutsiwakai.