¹ M+ta Pilato niu wiya Jesusi, neutiweiyax+arieni. ² Xutarutsixi'ta meniu ta wewieni kuruna xuyayari. M+k+ menenti manirieni Jesus mu' uyatsie hapa+na menitiket+ani pinitek+ y+nama+yemek+. ³ Hats+ana meniu a'xiani M+k+ metehah+awet+: "!Neu'atawikwest+a, Judio'tsixi wa Ukirayi!" m+ta mepentahutsunakai. ⁴ M+ta tawa'ri Pilato kawayeyani, kekaiwarutah+awe te+teri: "Xeneniere, ne nemiwatawit+ takwapai ne etahanaka xehetsie xemeta hapa+na xeneniereni kename ne hetsiena tixa+ nekwatikaxeiyawe tsiyany+neme M+k+tsie". ⁵ M+ta Jesus nanyeyani takwa, M+k+ anamat+ kurunayari xuya hapa+na anakuket+ pini y+nama+yeme. "!Ik+ Uki xeuxeiya!" ⁶ M+ta tatsinitsixi wa'ukitsiama hapa+na xutarutsixi meniuxeiya Jesus, m+k+ meniutihiwa me'utiyuat+: "!Xeke neukawi, xeke neukawi!" Pilato'ta tiwarah+awe m+k+: "Xeuwiyaka xeme xanhanaka xekenawi, ne tixa+ hetsiena tsiti'aneme nekwatikaxeiyawe." ⁷ Judio'tsixi mete'ita ei: "Tame te pexeiya ta mari'itsika mana m+k+tsie kemayataine, M+k+ts+ kam+nike yuhetsiek+ yuk+manak+ ayuyeit+at+ Kaka+yari Nu'aya." ⁸ Kepauku Pilato m+k+ mu'eni ya any+neme, m+k+ wa+kawamek+ putíma, ⁹ m+k+'ta tawarí its+kate mamaya'u tsie pautat+a, p+rah+awe Jesus: "¿Kewapai pepeyat+a?" M+ta Jesus kwa'i ta ei. ¹⁰ M+ta Pilato M+k+ reh+awe: "¿Ek+ pekwanetsi ha eiya? ¿Aku Ek+ pekarakumate, ne t+r+kariya nekarexeiya nemestawikwest+ani, hapa+na'ta nemetsi ka wienik+?" ¹¹ Jesusta ti ta ei m+k+: "Ek+ t+r+kariya pekwa hexeiya Ne hetsie, nipait+ ke ane metsi ayeit+a wapai pemakawenik+. M+ta ke ane, a hats+a me Ne tsi yatua m+k+ wa+kawame mepexeiya tatakuri. ¹² Ik+ yemeteku'eiyar+wakaku, Pilato tiyurienikekai pitatunikekai, m+ta Judio'tsixi meputiyuanekai yu niukik+ mehait+kait+: "X+ka ek+ ik+ uki pe'utatuani, ek+ Cesar pekwa hamikuya: Tsepa ke anet+ mayuyeit+a yuk+manak+ Ukiyari tikuxatat+ Cesar aya'uniet+." ¹³ Ke pauku ik+ ye tiu'enax+ Pilato, m+k+ Jesus wayaha takwa m+ta yu +pari tixaxatametsie kanayay+ri titewakai "Tete +pari", m+ta hebreok+ pekuy+ne, "Gábata". ¹⁴ Hik+ta tukaritsie, memati'uximayatatsie Pascua, kaniupaukukait+ni sexta horayari. Pilato tiwarutah+awix+ judio'tsixi: "!Xeunenieri, ana ka niuweni, xe Ukiyari. ¹⁵ M+k+mexi mepuhiwax+: "!Mana M+k+! !Mana M+k+! !Xeukawiri M+k+!" Pilato tiwarah+awe m+k+mexi: ?Ne aku neti kawieni xe Ukiyari? Tatsinitsixi wa ukiyari pu ta y+: "Tame tekwa uka'Ukiyari, Cesar p+ta h+k+". ¹⁶ Yereutereku Pilato kawayatuirieni Jesus m+k+ memikawienik+. ¹⁷ M+k+ ta yapauku Jesus meniuwiya, m+k+ta takwa kawayeyani, yuk+mak+ kuruxi at+'t++, tiyetewakaku "M+ki mu'uya manka", hapa+na hebreok+ mekuy+ne "Golgota". ¹⁸ M+k+mexi Jesus meniukawieni mana, M+k+ mat+a hapa+na meyu hutame ukitsi, auriena mehautiw+t+kaime, Jesus ta wahix+apa payewiekai. ¹⁹ Hapa+na ta Pilato tiuta'ut+a ti ut+ariwametsie, kuruxi yak+ritana mekaneiwieni. Mana p+ reuku'uxekai: "JESUS NAZARET KIEKAME, JUDIOTSIXI WA UKIYARI". ²⁰ Meyuwa+kawat+ judiotsixi mepekater+wax+ utsika kewatsie mekawiyakai Jesus pehurakai kiekaripa aurie. M+k+ utsika paka'ukakai hebreo'k+, latin'k+, hapa+na griego'k+. ²¹ M+ta tatsinitsixi wa ukiyari judiotsixi Piato rah+awe: "Hawaik+ kwareuku'uxeni 'judiotsixi wa Ukiyari', pa+ta ke utaineni: 'Mainekai hepa+: 'Ne neh+k+t+ni Judiotsixi wa Ukiyari""" ²² Pilato tita'ei: "Ne ri kene tiu'ut+a, ye ne tiu'ut+a." ²³ M+ta arikeke xutarutsixi Jesus me'u kawieka, m+k+ pinieya me pu ta hanakai naukame me payah+a; meyu xexuit+ me pita hurienikekai, kemarieya hapa+na. Hik+ta kemarieya kwawipekai, xeime wipayari h+k+t+kai. ²⁴ M+ta m+k+ mete hayuh+awekai: "Waik+ tekwa itsanani, ²⁵ M+k+ xuratutsixi ik+ yamete uyuri. Jesusi teyaya, teyaya iwaya, Maria, Cleofas +yaya meta siere Maria Magdalena. Ik+ ukarawetsixi mana maka uwakai kewa Jesusi kuruxitsie mekawiya. ²⁶ Kepauku Jesusi yu tei muxei meta siere nunuyarieya aku wa+kawa mauyah+akai mana hulawa meka ukai, M+k+ Yu tei p+rah+awe: "Ukaratsi, neuxeiya aniwe!'' ²⁷ M+ta M+k+ yu nunuyari p+rah+awe: ''Neuxeiya A tei!'' Anapait+ maya'atsie nunuyarieya peiwit+ yu kie. ²⁸ Umaniere'ta Jesusi rakumait+ ik+ naime ariri kename nait+ ketiy+nikekai aix+ tiuy+kairi, maya anik+ Kaka+yari Niukieya kemaine, p+putay+: ''Nepau harim+k+'' ²⁹ Meta pasu mana kawekai winu hatsiwit+ uyamat+, m+ta m+k+mexi ixuriki mepukahawiyax+ m+ta k+yetsie tewime me enwieka tetana mepiya at+a. ³⁰ Kepaukuta Jesusi winu hatsiwime ma in+atax+, M+k+ p+putay+: ''p+y+n+ri'' M+ta M+k+ ti h+ximake Yu k+p+ri yatua. ³¹ M+ta Judiotsixi, maya ar+kakaik+ aku weiya mu hurakai, meta m+kite aku mana makwa uk+w+kak+ kuruxitsie tukaritsie aku xawati. (Meta ana xawati h+k+t+kai tukari we'eyaritsie raya'at+), Pilato mutawawiyarie teuriteya ke utitararienike siere'ta meke akahapanienike. ³² M+ta xutarutsixi mepu ax+a m+ta manyakatei xeime tewi teuriteya mapakamurax+a meta siere hutarieka tewi aku Jesusi hamat+ana memukaw+t+ariekai. ³³ Kepaukuta Jesusi hts+a meya'ax+a , mapunierix+ kenameri u'm+kai, m+k+ teuriteya mekwa ekamurax+a. ^{34 35} M+ta yat+t+, xewit+ xutaru akieyatsie piyetse wika hapa+ anemek+, yapaukuta xuriya paane hapa+na ha. Iya ke'ane mu'nierix+ yatiuxaa m+k+ta niuieya ti sasuni. M+k+ rakumate kename m+k+ kemutay+ ti sasuni xemeta siere aku sasuni xete eriekak+. ³⁶ Ik+ yatiuy+ aku Kaka+yari niukieya mayuya at+anik+: ''NI XEWIT+ UMETEYA KWATI TARARIENI.'' ³⁷ Tawarita Kaka+rai niukieya p+paine: ''M+K+ MEPIXEIYA IYA AKU KE'ANE MUTSEKIE.'' ³⁸ M+ta ya'tiuyuk+,José de Amaritea, kiekame Jesúsi nunuyarieya,(m+ta awiet+mek+), pita iwawiyax+ Pilato x+ka y+wenike heit+nike m+kime Jesúsi.Pilato pipit+a aimie José pet+a m+ki utikweka. ³⁹ Nicodemo siere pu'nua iya keani'meri met+a Jesúsi hats+a t+karik+.m+k+ pi'at+a witsi'+a uá mat+a n+kame 100 litros ra'hetet+. ⁴⁰ M+ta iyamexi me peit+ Jesúsi m+kime m+ta mepita eimax+ ixurikik+ raya'akamek+ witsi'+akamek+,m+ta Judiyutsixi p+'meteuhukai mewa kateukukaitsie m+kite. ⁴¹ A'na kewa m+k+ mekawiyakai pumakakai kuraru aix+ anet+;mana ta kuraru mumakakaitsie hekwat+ xewit+ akuxi mana kwakateukewekai. ⁴² M+ta a'na p+'h+k+t+kai Judiyutsixi wa tukari m+ta yaxeik+a pu'hurakai m+ki makatekienitsie ,m+ta iyamexi m+ta siere Jesúsi mapakate.