¹ Umaniere yetiu'xataka Jesús, pet+a yu t+riyama wamat+a valle de Cedrón anta+yetsie, haraweri yamakakaitsie, muwa mapautahax+a. ² Hik+tá Judas, aku miyatuanikekai hapa+na rakumaikai kename hura hauyeim+k+kai Jesús yu t+riyama wamat+a. ³ M+tá Judas warankwewieka xutarutsixi tatsinitsixi, fariseotsixi, wan+ariamama hapa+na xutarutsixi wa'ukiyarima, mana mapu'ax+a me uk+xet+ k+xemek+, k+ye antat+kaime hapa+na yukutsirate mete upit+. ⁴ M+ta Jesús, rakumaikaik+ kentiy+nikekai, anyakait+ pet+a iyá waruta'iwawí: ''¿ke'ane xekuwaut+we?" ⁵ p+metehe'eiya:'''Jesús Nazaret'tanaka." Jesús p+tiwarah+awe: ''Né neh+k+." Judas miyatua m+k+ hapa+na payewekai xutarutsixi wahamat+a . ⁶ Kepauku iyá tiwarutah+awix+ts+tsie "Né ne h+k+" yukuta meyak+neka kwiepa me putix+ri. ⁷ M+tá ta'wari Iyá waruta'iwawí: ''¿ke'ane xekuwaut+we?" iyamexi ta'wari p+mete'u á, Jesús Nazaret'tanaka. ⁸ Jesús tiu'a: ''Ne nexetiutah+awix+ kename Né ne h+k+. Aku x+kate xenetsikuwaut+weni, ik+ xekenewarupit+a meyahu'k+.'' ⁹ Yeputay+ niuki maya'anik+ kemutay+kai: ''IYAMEXI AKU PENESYATUIRI, NI XEIME NEKWA'HAUYAH+A." ¹⁰ M+tá Simón Pedro, kutsira makawiekaik+ iwatikweka tatsini n+arieya nakaya tserietana paukuxite. N+'arit+kai titewakai Malco. ¹¹ Jesús Pedro p+rah+awe: A kutsira keneukauta utame'ta. ¿ Sunu hawaik+ ne kwah+we tekuxi neman'ieni aku ne Yau nes'yatuiri?" ¹² ana m+, kuyaxi hapa+na wa'capitán, judiotsixi wa'ukiyarima Jesús me uwiyaka mepih+a. ¹³ iyamexi mepeiha mat+ari Anás hats+a, iyá h+k+t+kai Caifás munieya, aku h+k+t+kai tatsini wa'ukiyarimana witariyaritsie ¹⁴ Hik+tá Caifás h+k+t+kai judiotsixi yeti'waruxat+akaik+ kename aix+ anekai p+ta kiekatari xeime tewi me mienik+. ¹⁵ Simón Pedro Jesús ut+a pet+a, hapa+na xewit+ nu'aya. Iyá tatsini wa'ukiyari xexeiyakai ya'umieme Jesús mat+a pautat+a kewa tatsini wa'ukiyari tiutixaxatakaitsie; ¹⁶ M+tá Pedro takwa kitenie putiwekai, iyá kitapai yeyeikakai wayayaka tiutixa tih+weme mat+a kitenie muwekai, anam+ke Pedro pautat+a. ¹⁷ Ana kitenie tih+weme Pedro p+rah+awe: "Ek+ wa'at+ siere xewit+ petih+k+ ik+ tewi t+riyama?'' M+k+ p+putay+: ''Né nekwah+k+'' ¹⁸ mete uximayatamete hapa+na te h+wemete ta'aurie mepa ut+katei me k+xet+ muha+t+kaik+. Pedro hapa+na wahamat+a k+xekai. ¹⁹ Tatsini wa'ukiyari Jesús putaiwawi t+riyamamak+ meta hapa+na kentiku+kitakai. ²⁰ Jesús p+tita ei: ''Né hek+akamek+ ne tiutaxa teuteri watsata. Netiwara+kit+awe kaka+yari niukieya watixaxatsiwatsie hapa+na teyupanie kewa judiotsixi mewayutixexe+riwatsie. Awiemek+ nekwatikuxata ²¹ ¿ketiu penetsihai wawiya? p+tá iyá kenewarutaiwawi kehate me enanankai kenentiwakuxaxat+wakai. keneunieri, m+k+ teuteri mete akumate Né kenemutay+.'' ²² Jesús yamutay+tsie , kuyá Jesús puhutsu, p+reh+awet+:''¿ Pa+m+m+ tastini wa ukiyari ek+ p+pere'eiya?'' ²³ Jesús p+tita'ei: '' X+kate aixu nekatiu'ani, ek+ yeteneutay+kí, ya aku aix+netiu'a, ¿ketiuri penestiwayá?'' ²⁴ Umaniere Anás Jesús pen+'a h+akame Caifás hats+a aku tatsini wa ukiyari. ²⁵ Anam+tsie Simón Pedro k+xekai tai aurie utiwet+. Anam+ teiteri p+metehe'iwawiyá: "¿Ek+ hapa+na xewit+ pekatih+k+ aku t+riyamama?'' Iyá puyutaima utait+:''Né nekwah+h+." ²⁶ xewit+ tatsini wa'ukiyari n+arieya, aku marieya iyá tewi ke ane Pedro nakaya meikuxitekiri, p+ putay+: ''¿Ne nemerexei hamat+ana wa'at+ haraweritsata?'' ²⁷ Ana tawari Pedro puyuta'ima yapauku wakana ukí pu'táhiwax+. ²⁸ M+tá iyamexi Caifás hats+a me eyahanaka me peihá u ximerikaku itsukate wa kitá. Iyamexi its+kate wakitá mekwahautahax+a kataku me uyutikwiemanik+ meyuwet+ mamak+nek+ Pascua kuaiyanikekaitsie. ²⁹ M+ta Pilato wayayaka p+tiwaraiwawiyá: ''¿Kerany+nemek+ xeme xepixaneta ik+ tewi uki?'' ³⁰ iyamexi p+meteita'eí p+meutiyuat+: ''x+kate ik+ tsikati'it+akake, tame tekwa iya'at+akake a hats+a." ³¹ Pilato anam+ p+tiwarah+awe: "xeme xekenanwit+ki, aix+ xeketenakayuri kemayataine xe mari'itsikak+." Judiotsixi p+metehe'eiya: ''tekwapit+arie xeime tewi tekumemiwani.'' ³² iyamexi yameputiy+ maya'anik+ Jesús kemutay+kai, aku kentimierienikekai. ³³ M+tá Pilato hautayaka kitá ta'wari Jesús p+raiwawiya: ''¿Ek+petih+k+ judiotsixi wa'ukiyari?'' ³⁴ Jesús p+re'eiya: ''¿ ak+mana peraine, sunu hipat+ nehetsie timieme meme te'utaxat+aku?'' ³⁵ Pilato tiu'a: ''Né judio nekwah+k+, ¿sunu h+? a kié kiekatari hapa+na tatsinitsixi wa ukiyarima p+tá ne hats+a memesyatua. ¿ke kutá petiuyiri?'' ³⁶ Jesús putiu'á: '' ne kiekari ana kwiepa kwatama. X+kate p+tianenike, ne n+arima ne heimá metanuanikeyu kataku judiotsixi wahats+a neyatuiyani. Hik+tá ne kieraki ana'í kwamieme. ³⁷ Ana Pilato Iyá p+rah+awe: ''¿aku, ek+ wa ukiyari peti h+h+? Jesus p+re'eiya: ''ek+ts+ p+penaine kename né neh+h+. Ya umieme né neneutinuiwax+ hapa+nata ya umieme né nenua ana kwie tamatsie netikuxatat+ tita ti sasuni. Ke ane iyá ne niuki enie m+k+ katiwiyani tita ti sasunitsie. ³⁸ Pilato p+reiwawiya: "¿Tita kutá ti sasuni?'' ye utay+ka tawari wayat+a judiotsixi wahats+a ana p+tiwarah+awe: '' Né nekwatiukaxei tixa+t+ yuk+ tiuyuriekame ik+ uki. ³⁹ Xeme p+xete'uhu Pascuatsie xeime nexetatuirieni. hik+ ta, ¿ p+xetenake'erie judiotsixi waukiyari netatuani?'' ⁴⁰ M+tá iyamexi me ukuhiwat+ p+mepait+katei: ''ik+ tewi uki hawaik+, p+tá Barrabás." Barrabás tinawayame h+k+t+kai.