¹ Tekwa'ak+w+kak+ Cristo tatsi'ux+nax+. m+k+tsie xetekuxexeiyat+, heitseriemek+ xekeneti'uweni xekwa hanunuwani tawari xen+'ariekak+ yugu xe'anyetet+ xe'akuw+t+´ ² Xekeneunieri, né Pablo, p+nexé'rah+awe xéme, xe'uyutaunieni circuncision xewewiyarieni, Cristo kentuiyuri xeme xe'hepusta hawai kuarenakire. ³ Tawarita, ne yuri nepayeit+a yunaime ukitsi x+ka uyu heirieni circuncision uwewiyarieni kets+ri wa+riyarika yeketikayani nai mari'itsika kemaine. ⁴ Xeme xepautewa Cristo hepusta, xeme aku xemi waut+we aix+ xetexeiriya'rieka mari'itsika hep+sta; xemeri xekwa'ikaxeiya Kaka+yari kentiuyu'kanenimaya. ⁵ Iya espiritu hep+stak+, yuri tete'eriek+, tame tepikwewie wa+kawamek+ te'ixewiriyat+ aix+ raka'it+arienik+. ⁶ Iyatsie aku Cristo Jesús'tsie, kwaraya'axeri circuncisión ni hapa+na incircuncisión tixa+ri kwatih+k+, yuri hati'eriet+ xeik+a m+k+ tiuka'uximaya aix+'eriyarikatsie. ⁷ Xeme aix+ xete'iweiyakai . ¿keanetá xe'utaimaiyax+ aix+ xeteka'hukai'tsie iya tisasunitsie? ⁸ ¡Ik+ iyarit+arika Kaka+yari'tsie kwa'ayeneika ke'ane xe'utah+awix+! ⁹ Ik+ +kit+arika karekanakemek+ wa+ka tiyuriewe levadura hapa+ nai t+xi taputsariya. ¹⁰ Ne p+nereune'wa+riya iya ta Ukiyaritsie kename xeme tawari yuk+ xete'heikuxeiyat+ xeka'ak+ne. Iya keane iyarit+arika xeyatuirie xexamurie kastiku canipit+ariem+k+ tsepats+ ke'ane h+k+t+ni. ¹¹ Iwamarixi, x+ka ne akuxi ne ikuxatani sircuncisión hep+sta, ¿ketiu'ta akuxi nepuweiyarie? X+ka p+ti'anenike iya tetetsie ha metiwitseni aku kuruxi ukuyuit+arieka h+kt+nikeyu. ¹² Iyata keane memauyuh+ave xehepusta ne p+nereuya'h+wa yuk+manak+ sircuncision meke uyuwewirieni yuk+manak+. ¹³ Xemets+ xeputa h+awerie xekwa'akuw+kak+. metá xekwa'akuw+k+ p+xekwate'heikuxeiyani kename y+we yu atakuritsie muyayuné tawarita; p+kwatianenik+, aix+'eriyarikatxie, xekeneyuparewieka hipame wamat+a hipat+. ¹⁴ Mayuya'at+wak+ nait+ xeime mari'itsikatsie: ¨EK+ AIX+ KETEU'ERIYANI IYA TEWI EK+ KEPEREU'AERIYA HAPA+.¨ ¹⁵ Mex+katá xeme xeyutakeweni xeyukaunat+ hipame wamat+a. xekenayene'nierenita xeme xe uyutix+ni hipame wamat+a. ¹⁶ Neta'p+nepaine, xekeneuhuni Espíritu'tsie pa+m+ hawaik+ yexekwatekak+ne tatakuri kenreuya´h+wa ta'waiyaritsie. ¹⁷ Iya ta waiyari kentinake tatakuritsie timiemek+ m+k+ ta'aurie peh+wirie iya espíritu aix+'ane, m+k+ta Espíriti aix+'ane kenreuyah+wa m+k+ta p+kwatinake tá tawaiyari tatakiritsie mauyeniere. Ik+ yukwit+we m+k+mat+a, xeme kexete'hauyah+a p+xekwateka'hunik+. ¹⁸ Mex+kata aku xeme xe'uwit+ximeni Espíritu aix+ane xehau'enieka, xeme mari'itsika ranta'h+ani xehetsie kuamieme ¹⁹ Hik+ iya tatakuritsie mieme ketekahu yuhek+at+ payeika: karayuniwiya karekanakemek+, tatakuri reuyupit+am+t+ weiyarikatsie timieme raka'iyarit+, ²⁰ Yusitexi wam+iriyat+, ikewari nanaimarika, txa+ katinaket+, imieri, +texarika, kunie rayueriyat+, ekanaket+ hipat+ memekahekanik+, hipame wamat+a kay+n+n+wet+, meyutax+riekak+ xeik+a tinaket+, ²¹ Kuatsiyarika, tawaiya, tsitiwa'erit+wame, hipat+ masi p+ranyit+'kaikamek+, p+nexera'tarist+wa, meripai hapa+, kehate ik+naimek+ p+metekahuni, hawaik+ makwa'mamat+arieni kwiepa Kaka+yari man+'atsie. ²² M+k+ta ikwaxi Espíritu'tsie mieme h+k+ aix+'tiuyuka'eriya, temawiya, n+t+arika tepexeiya. tepau'ikwewa. ²³ Tete'uyu'kanenimaya, tey+wet+ tahetsie; ik+ naime'tihep+sta kwaxuawe mari'itsika tatsi'antax+rieni. ²⁴ Iya kehate Cristo Jesús'tsie me'mieme mepikawi kuruxi'tsie yu tatakuri kenreuya'h+akai naimek+ tsiranyine. ²⁵ X+ka tame te'u'uwani Espíritu aix+ane'tsie, teke'uhuni yaxeik+a m+k+ Espíritu'tsie. ²⁶ Kataku teyuwe'etani, tsitekateyu'erit+at+ hipame wamat+a, tekateyu'kwatsiriet+ hipame wamat+a.