¹ Ne iwama, xɨkate xewitɨ tewi tatakuritsie hauweni, xeme xete akumatekɨ Espíritu ken tiu ka'iyari ya umieme xepi parewieni aixɨ anyɨnemekɨ manuanikɨ tawa'ri. Hapaɨna xeme xekene yu iyaritɨaka yu hetsie, kataku xeme hapaɨna xe uta inɨatsieni. ² Xe yu parewietɨ yu ikatsie maya'anikɨ Cristo mari'itsikaya kentinɨ'a. ³ Xɨkate xewitɨ paɨ tiku eriwani kename tixaɨtɨ ti hɨkɨ tixaɨtɨtɨ'ta kati hɨkɨtɨtɨ, mɨkɨ tiyu itaiya yu kɨmana. ⁴ Yu xexuitɨ xeke ayu tixeiyatɨyeikani xɨkate aku aixɨ tikamieni yu uximayatsikatsie,u'maniere ayutimaixɨame ka yu tawe'etamɨkɨ hetsiena kenti'anekɨ meta xeimetsie ka nieretɨ. ⁵ Yu xexuitɨ yu ika pu tɨximeni. ⁶ Ke ane niuki ɨkitɨarie naime kanikuxatamɨkɨ tita aixɨ tikuxaxatsiwa aku ti ɨkitame mi 'ɨkitɨa. ⁷ Xe kwa te yu itaiyani. Kwa yɨwe Kakaɨyari he tiu itaiya, tsepa tita tewi tiu ka'e, mɨkɨ imɨari kaka itsanamɨkɨ. ⁸ Iya ke ane imɨari ka eni yu waiyaritsie ku eriwatɨ, uniya kaka itsanamɨkɨ. Iyá ta ke ane imɨari ka eni Espiritutsie, kaka itsanamɨkɨ tukari kwa xɨwe aku Espíritu miyatua. ⁹ Kataku te te ku hayeikawani haixɨ te te kahutɨ, kepauku tukari maya ani ikwaxi teka tɨmɨkɨ, xɨkate te ka te'uhayawa. ¹⁰ A'namɨke, ke tente yɨwaweni, teuteri aixɨ te kete waku'eriyani, waɨkawamekɨ wa hetsie kehate sasuni mete'erie. ¹¹ Xeke neu xeiya utsika nenekamekɨ raka utseme ne mamakɨ. ¹² Kehate iyá yu waiyaritsie aixɨ mete hauyu we'etamɨkɨ waɨriyarika mexetsipitɨatɨ me hɨkɨ xe yu circunsición xe yu wewirienikɨ. Iyaamexi xeikɨa pɨ metekahu kataku me utixani'eriwakɨ Cristo kuruxieyatsie hakunenakɨ. ¹³ Kehate Circunción me hexeiyayatɨtɨ mari'itsika kentinɨ'a me kwa i'uta, yatɨtɨ pɨ mete hau nake'erie circunsición xe yu wewirienikɨ me yɨwekaxɨanikɨ me yuti we'etake xe waiyaritsie. ¹⁴ Kataku ne heiwa ne ka uyu tawe'eta xeikɨa ta Ukiyari Jesucristo kuruxieyatsie timiemekɨ, kɨmanakɨ tewi ken tiu ka'iyari kaniukawiyani ne hetsie metata ne nepu kawiya tewitsie ken tiuka'iyari. ¹⁵ Circunsición hawaitɨ kwa re nake, hapaɨna ke ane circunsición kwa he xeiya, pɨta kata ya'akani hekwamekɨ hemu ti nuiwa. ¹⁶ Yu naitɨ kehate yamete kahu ikɨ mari'itsika ke maine, wa hetsie kaiwatɨ ke tiu makani meta neniayatsika ke xuaweni wa hetsie, hapaɨna kehate Israel men kiekatari Kakaɨyaritsie me miemetexi. ¹⁷ Hikɨta ana tiya hanetɨka kataku xewitɨ tsi neti iyaritɨaka, ne waiyaritsieri ne peixeiya Jesús tepɨaya. ¹⁸ Ta Ukiyari Jesucristo imikierieya xe espiritutsie keyu kanieritɨaka, iwamarixi. Pɨ ke aneni.