¹ Hik+ta netita xata iya metemamat+a´rie wa hepa+sta, mexi nunutsit+ni, m+k+ h+k+t+ni n+'ari, tsepa kutsikame h+k+ naime'tsie. ² M+ta yaukate m+k+ meni +wiyani m+ta kepaukake maya ani tukari kepauka yauya mitipiniritsie. ³ M+ta yaxeik+a, kepauka tame temut+rit+kaitsie, temu n+'aritsixit+kai mari'itsika kwiepa mu'uwa hepa+sta. ⁴ m+ta kepauka tukari maya'atsie, kaka+yari yu'niwe meyan+'a, uka'tsie n+iwakame, mari'itsikatsie n+iwakame. ⁵ M+k+ ik+ yetiuyuri tatsiti x+nake mari'itsika kwiepa muyeika hepa+sta, m+ta tey+wekax+ani niwemama temak+ne. ⁶ M+ta xeme kaka+yari niwemama xeh+k+k+, kaka+yari yu'niwe Espíritu kaneyan+'ani ta'iyaritsie, ke'ane tatsi pit+a temeh+awe: ''yau'a, ta yau yatekwamete hauye h+wa.'' ⁷ M+tari n+'ari pekwah+k+, pa+ta peh+k+t+ni nu'akame, m+ta x+ka nu'akame peh+k+t+ni, siere peh+k+t+ni mamat+ariekame kaka+yari hepa+sta. ⁸ M+ta meripa+t+ tukari mauka y+ne, kepauka xeme kaka+yari niuk+eya xekwa akumaikaitsie, xeme wa+riyarika xepit+ariet+ iyamexi wa n+'aritsixi xe h+k+t+kai, iya ke'ane t+r+kariya memexeiya , m+k+ hawaik+a mekwa yusitexi. ⁹ M+ta hik+ xemayeix+a kaka+yari niuk+eya xemaikut+, masi aix+ mek+ y+nek+, kaka+yari hepa+sta xekana matsi+k+ni, ¿Kari y+we xema nunuwani mekwa t+r+kawi m+ta mekate aya'axe wa hats+a? ¿ pa+ xetehauyah+wa hekwamek+ xemaku w+ka? ¹⁰ Xeme tukari raya'axe xe'uta, metseri hehekwa, kentiu'ane tiyuku kwapatsie m+ta witari manyeyeika. ¹¹ nepau'ma xa k+mana xeik+ari x+ka yaki uximayatsia netiutah+ni xa'hepa+sta. ¹² Né pa+ nexarayawawirie, iwamarixi, nehapa+ xe'anenet+ xekenayu yeit+a, m+ta né siere xehapa+ neneyurie. xeme tsirany+neme ne hepa+sta xekwate'utiwiwi. ¹³ M+ta xeme xete'akumate neti ku'yet+ kaka+yari niuk+eya nemutaxa xe'hats+a mat+ari. ¹⁴ Tsepa nekwiniya tsixatiuti herit+a, xeme xekwanetsiti xane'eri yata waxekwanexi haukah+a. pa+ta xeme xenetsi'ankwewi aix+ iyari né kaka+yari akerieya neh+k+t+ni hapa+, né neh+k+t+ni Jesucristo mismu hapa+. ¹⁵ ¿M+ta,hik+,kewata, xe'imikieri? m+ta né pa+nexerah+awe, x+ka y+wenike, xeme xe h+xite xewayuti't+k+riwanike xenetsi yatuirienike. ¹⁶ M+ta, ¿ xeme xenetsi akahekat+ xemak+ m+ta né susuni nexerah+awek+? ¹⁷ M+k+mexi mekani +tetsat+kani m+ta xeme mexatsi iwakut+, n+ta aix+ any+nemek+ mekway+a. m+k+mexi ne'hetsie mexatsi hauku x+rienike makaniy+aka, m+ta xeme m+k+mexi xewaraweiyanik+. ¹⁸ Aix+ kaniuy+neni katihayawat+ aix+ ran y+ne'tsie, n+ta xeik+a kepauka né xehamat+a neyukanierit+akatsie. ¹⁹ Ne't+riyari, tarieka niweriya kukuiniyari nekananaka mamatekeni xe'hetsie mieme hasta'ts+ kepauka'ke Jesucristo wewiyaka xe'hetsie. ²⁰ Pa+ nereuyeh+wa mana neyukanierit+akakeyu xe'hamat+a hik+ m+ta neniuk+ nekwapakeyu, m+ta hik+ nekwa heixeiya kenemuy+ni xeme xahepa+sta. ²¹ Yexekeneteneuta h+awi, xeme ke'ane yexetey+k+h+awe mari'itsika hepa+sta, ¿xekateku enakare mari'itsika kemaine? ²² m+ta mana pa+ reuku uxa kename Abraham hutame t+ri waruxei, xeime iya uka makuwie mat+a m+ta xeime uka x+narie mat+a ²³ M+ta xeit+ maya'n+iwax+ iya ukatsie makuwie yu waiyari'tsie, m+ta xewit+ mayan+iwax+ iya uka x+narietsie yetuiriyerie imikieritsie hakunena. ²⁴ Ik+ yetiuy+ kaniuta xatsieweni +xatsika hapa+, m+ta ik+ hutat+ ukari mekani h+k+t+ni huta xewiriyarika. m+ta xeit+ kah+k+t+ni sinaí h+riyaritse mieme m+ta m+k+ warutinitwex+ iya mexi ke'ane memaku'w+. ik+ kah+k+t+ni Agar. ²⁵ Hik+ta Agar hetsie mieme kah+k+t+ni iya h+ri Sinaí Arabia pait+; m+k+ h+ri Jerusalén'tsie mieme kah+k+t+ni, m+ta m+k+ hanakuwieka yu niwema wa hamat+a. ²⁶ M+ta Jerusalén humapait+ kuma ka x+narieka, m+ta m+k+ ka h+k+t+ni ta'tei. ²⁷ M+ta pa+ reuku uxa: '' KENEYU TEMAWIEKA,EK+,PEKANIWEWE,PEKA'UTINIWEYA,XEKENA H+AWENI M+TA XEKENEUTI HIWANI TEMAWIYAK+, XEME XEKWATE'ANAKAKUKUINE NIWEYÁ KUKUINIYARI. M+TA IYA NIWEMAMA UKA EIRIYAKAME MEKANIYU WA+KAWANI NIKE IYA UKA KE'ANE YU IKILAI MEXEIYA.'' ²⁸ M+ta xeme,iwamarixi, iya Isaac hapa+, xewiriyarika niwemama xekanih+k+t+ni. ²⁹ Meripa+t+ tukaritsie, ke'ane mutin+iwax+ yu waiyari hepa+sta iya mekananku weiya ke'ane muti n+iwax+ Espíritu hepa+sta. hik+ta yaxeik+a ti'ane. ³⁰ M+ta, ¿ke haine utsika? '' +IMARI MAKUWIE KENANYA H+WA NIWEMAMA TSIERE. M+TA IYA +IMARI MAKUWIE NU'AYA TIXA+ YU MAMAT+ARIKA KWATIWANIK+ IYA UKA X+NARIE NU'AYA HATS+A.'' ³¹ Ya umieme, iwamarixi, tame +imari makuwie niwemama tekwa h+k+, pa+ta uka x+narie niwemama te h+k+.