¹ ¡Galata'tsixi xemu'erie! ¿Ke'ane xe'hetsie kewairika putiwiwi? Xeme xe'h+xie, Jesucristo puhek+atsie hek+akamek+ kuruxitsie ukuwiet+. ² Ik+'i xeik+a nepaumaim+k+ xeme xehetsie: ¿Yumamatsie xemih+i Espiritu Santo mari'itsika n+'arieyak+ sunu yuri xete'eriek+ ketita xeteu'enik+? ³ ¿Xeme wa+kawa xepu'erie? Xete ukatsut+akat+t+ Espiritu'tsie, ¿Hik+'ta xete akah+ani p+ta yu waiyarik+ xeu'uwat+? ⁴ ¿Wa+kawa keranyinemetsie xete uyukwinit+a, xeik+a xekwaneuy+ x+ka yatiuy+ni xeik+a xete uy+? ⁵ Iya xeyatuirie xeme aku Espiritu Santo m+'ta pixuawit+a xe'h+xie tita kwatiy+we, ¿M+k+ yeti yuriene mari'itsikatsie hakunena tiy+ane, sunu enat+ aku yuri eriyayak+? ⁶ Aku Abraham hapa+: ''KAKA+YARI YURI TIUTA ERIRI M+'TA MU IN+ATSIYARIE WA'AT+ AIX+ TIKAT+A HAPA+,'' ⁷ yaxeik+a pekuyine, xeti eniet+yeikani, umaniereta, iyamexi yuri mete'erie, m+k+ Abraham meniwemama. ⁸ Kaka+yari niukieya, Kaka+yari'ri rakumait+ gentiles'tsixi waheima tanuanikekai yuri eriyarikak+, tikuxatakai Kaka+yari niukieya anyakait+ Abraham p+rah+awet+: ''A HETSIE YU'NAIT+ KIEKARI NUIWARIMAMA NENIMAYATSIKA MEYATUIRIYARIENI.'' ⁹ M+'ta, iyamexi yuri mete'erie imieri meyatuiriyarie Abraham mat+a mey+n+t+ siere, aku tewi yuri ti'erie. ¹⁰ Yunait+ ke'ane memitipine uximayatsika mari'itsikatsie m+k+ kewaiyaritsie meya'u; M+'ta p+reuku'uxa: ''KEWAIYARIET+ H+K+ IYA KE'ANE YAKWATI KAMIE NAIME NIUKITSIE KENTIN+'ARIE AKU MAKA'UXE MARI'ITSIKA XAPAYARITSIE, YEMETEKAK+NEK+.'' ¹¹ Hik+'ta pakahek+ari kename ni xewit+ kareuyah+wiyarie Kaka+yari h+xie mari'itsika utsikayak+, m+ta: KE'ANE AIX+ TIUKA IYARI PUYEIKANI YURI TI'ERIET+''. ¹² m+'ta mari'itsika utsikaya yuri eriyarikatsie kwa'ayene, p+'ta: ''KE'ANE TEWI YETIKAMIE MARI'ITSIKATSIE ITIPIT+, KE UYEIKANI KE AYENIERENI HETSIENA ITI'PIT+. ¹³ Cristo'ri tatsutinanai kewaiyaritsie aku mari'itsika M+k+ ayuyeit+aka kewaiyari tahetsiemieme, m+'ta p+'i re'uxa: ''KEWAIYARIE IYA KE'ANE AKU ITE+RITSIE MUKA'WIWA.'' ¹⁴ M+'ta Abraham imikierieya y+wet+ mayanik+ iya watsie Gentiles'tsixi Cristo'tsie Jesus, Tameta aku tey+wawet+ temak+nek+ tamamatsie temih+ni tahetsie mutipiya aku Espiritu Santo. ¹⁵ Iwamarixi, xeneneupit+a netaniuni aku tewi meiti'eniek+. Xeime niuki memekaxewiriya te+teri, xewit+ kway+we mana mauyaniuni yata menayatsa, akuri yuhutat+ me akaxewiriyayu. ¹⁶ Hik+'ta makaxewiriyarie mutaxatsiyarie Abraham m+ta siere nuiwarimama. P+kwa tiwarah+awe: ''yu nuiwarima,'' hipame yuwa+kawa waxatat+, p+'ta heitseriemek+ xeime xeik+a, ''aku yu nuiwarimama,'' aku h+k+ Cristo. ¹⁷ Hik+'ta p+nereuyah+at+ ik+ yanetay+ni: Mari'itsika, aku nua 430 witari anyayaku, wakwaheikah+wa makaxewiriyarie aku mat+ariapait+ Kaka+yari minet+akai. ¹⁸ X+ka ta'hetsie tinake makaxewiriyarie nua'ta mari'itsika, m+ta'ri kwanuaniri makaxewiriyarietsie. M+ta Kaka+yari piyatuiri Abraham mekaxewiririekaik+. ¹⁹ ¿Ke'ane pat+a, tam+, p+reuna kenik+ mari'itsika? M+k+ tiyatuiya tatakuri tete uyupit+a'k+, kepaukurike rakah+anikekai Abraham nuiwareiya nuanikekai ke'ane wahats+a makaxewiriyariekai. Mari'itsika yatuiya ta'hats+a akeritsixi mepiyatua xeime meyatuiri. ²⁰ Hik+tári, kepauku xewit+ tewi titixa'ta xeime mat+a hek+akamek+, xewit+ kwa uweni heimana tanuanike. M+'ta Kaka+yari yu'k+mana pekaxewiriyax+ heitseriemek+ Abraham hats+a. ²¹ Ya umieme'ta, ¿Mari'itsika tih+k+ ta'aurie mawetse aku Kaka+yari mekaxewiriyax+? ¡Nits+ hawaik+! X+ka mari'itsika y+wenike tukari rayatuirieni, m+ta aix+ ranyine heitseriemek+ nenuanike mari'itsika. ²² M+ta Kaka+yari niukieya p+paine kename tatakuri ukunamie. Kaka+yari yatiuyuri ik+ aku mekaxewiriyakai kename tatsikuwikwest+ani x+ka yuri tete erieka Jesucristo'tsie meyatuiriyarienikekai ke'ane yuri meteta erieni. ²³ Hik+tari, akuxi kanuawekaku yuri eriyarika, tepakuw+kai mari'itsika hetsie, te akuw+t+ kepaukurike yuri eriyarika muhek+atsie. ²⁴ M+'ta mari'itsika pat+a tati +kit+wame kepaukurike nua Cristo, temak+nek+ taheima tanuani yuri eriyarik+. ²⁵ M+ta hik+ri nua yuri eriyarika , tekwa u'uwari xewit+ taheima nuat+. ²⁶ Mets+ yunait+ xeme Kaka+yari xeniwemamat+ni yuri eriyarikatsie hakunena Cristo'tsie Jesús. ²⁷ Mana hakunena yuwa+kawat+ xeme xeputi +yarie Cristo'tsie, xeme yumamatsie xepih+i Cristo. ²⁸ Makwaxuaweri Judio'tsixi hapa+na Griego'tsixi, hapa+na mamak+w+ hapa+na max+x+nit+, makwaxuaweri ukitsi hapa+na ukari, p+'tari xeme xeyunait+ xewit+ xeh+k+ Cristo Jesus'tsie. ²⁹ X+ka xeme Cristo'tsie xete awiyani, xeme xeh+k+ Abraham nuiwarieya, m+ta xemakaxewiriyarie aku imikieri xeyaturiyarienikekai.