¹ Ik+ yarany+nemek+, Né, Pablo, Cristo'k+ kaxariyari ne nayeweni xa k+mana gentil'tsixi. ² ne pa+nera eriwa kename pa+xete ha'enawawe uximayatsika ne´yatuiriyarie kaka+yari imik+erieya hepa+sta, m+k+ netsiyatuiri xe'hetsie mieme. ³ Né neraka ut+wa tita neti xeiyast+arie netiyatuiriyarie. ik+ sasuni awiet+me ik+ ne nepita ut+a etsiwa wa'uya kaimek+ xeime xapatsie. ⁴ Kepauka ik+ ya rany+ne xemekater+watsie, xemeiti eniet+k+ne ne kenem+reiti'enie ik+ sasuni awiet+me Cristo hepa+sta. ⁵ Hipame nuiwaritsie ik+ yuri ranyine kwayatuiya kwa'u hek+atsie ukitsi wa'niwema wa'hepa+sta. m+ta hik+ke kaniu hek+are Espíritu hepa+sta aix+ me it+arie n+'aritsixi m+ta temaikate wa'tsie. ⁶ Ik+ sasuni awiet+me m+ta gentiltsixi kaka+yari memankwewi m+ta ya xeik+a m+k+ meteneu kwewiekuni judio'tsixi sasuni mete'uta eri. meta teyupani waiyarieya. m+k+ siere mana meniya'uka kaka+yari xewiriyarikayatsie m+ta m+k+ sasuni mete'uta eri'k+ Cristo hetsie kaka+yari niukieyatsie. ⁷ M+ta Né nepaneyeit+a n+'ari kaka+yari niuk+eya neku xatanik+, m+ta neyatuiriyarie kaka+yari tirikarieyak+. ⁸ Kaka+yari netsiyatuiri ik+ imik+eri ne hetsie mieme, tsepa né tixa+ nekwati h+k+ kaka+yari hepa+sta nehau tewat+. ik+ imik+eri, niuki né netaxata gentil'tsixi wa'tsata kaka+yari imikierieya ⁹ Né neti hek+ata naime te+teri iya wahepa+sta ke'ane h+k+ kaka+yari mita wewi awiet+me kentiyuku h+awe. ¹⁰ Ik+ yatiuy+ m+ta hik+ta, teyupanie hepa+sta, tatuwanitsixi m+ta its+katari ta heima witsiraku anetsie meketeha maiyuni wa+kawa kenti y+we kaka+yari maiyaya. ¹¹ Ik+ pa+ tiy+ni kaka+yari kentiuy+ h+awiya kwati x+we'tsie m+k+ puy+wekax+a uximayatsikaya'tsie Jesucristo ta Ukiyari. ¹² M+ta kaka+yari hepa+sta tekwa'haumama m+ta sasuni teteherie mana hekunena ta'sasuni eriya temexeiya m+k+ hetsie. ¹³ m+ta pa+ nexerah+awe xekwa'akanuat+k+kani ne'kwiniyatsie xe hetsie miemek+ . ik+ xe hetsie miemek+ kaxeriyarie nekanayeweni. xekeneyu temamawieka ik+ hepa+sta. ¹⁴ Ik+ ya any+nemek+ nekaniti tunumakekani yaukame h+xie, ¹⁵ M+ta iya nait+ maretsixi ta heima yuawitsie m+ta kwiepa meniuti ter+warieni. ¹⁶ Né neyunenewie m+ta m+k+ tiwayatuirienik+,wa+kawa imikierieya hepa+sta, kaka+yari nepayawawirie, Espirituya hepa+sta, kexatsi ayax+rieni xet+r+kawime, ke´ane xe'hetsie yukanierit+a. ¹⁷ Né neyunenewie m+ta Cristo yukanierit+akak+ xe'iyaritsie sasuni eriyatsie hakunena. né neyunenewie xeme xemu'hunik+ xet+r+kawit+ m+ta ki hapa+ hetsiena xeke'awewiyaka. ¹⁸ Xeme xekeyukanierit+aka h+iyayatsie m+ta xemeti enat+k+nek+, nait+ xeyun+t+ ke'ane sasuni xete'erie hetsiena, ke'ane h+k+ mata'yawa, mayetewi, mutewi m+ta kemauka tewa Cristo nake'eriyaya. ¹⁹ Né neyunenewie xeme xey+wawet+ xemak+ne xetehetimani kename Cristo nenimayatsikaya t+r+ka+ye. pa+ xeketeka huni m+ta xekeh+p+neni kaka+yarik+. ²⁰ Hik+ta m+k+ ke'ane y+we kentiuyurieni naimetsie pini, naimetsie tita tetewawa yata teyuku h+awetsie, t+r+kariya ti uximaya ta hetsie, ²¹ m+k+ aix+ ke it+arieka teyupanie m+ta Cristo'tsie naime nuiwaritsie tukarik+ m+ta tukarik+. Pa+ ke'aneni.