¹ Meripait+ xeme, xekwa hauyu'wa+riyakai Cristo'tsie, xekwa'y+wekai yexetekak+ne Kaka+yari kenti'n+'a, p+tiuyu'hek+k+arekay xe kwikwi'ini hapa+. ² heiwa p+xete'uyaxix+ yu wa+kawa te+teri me'ane hapa+ ana hik+ kwiepa me miweiya t+kakame, its+kame tsitiuka'iyari mayuyeit+a espíritu tsiti'anetsie kayuhek+akamek+. T+kakame espíritu tsitiuka'iyari h+k+, hik+ ti'uximaya te+teri watsie Kaka+yari makua hau'enie'aku. ³ Táme heiwa tanait+ meripai mana tepu'hukai te+teri Kaka+yari mekua'hauenie watsata, táme tsiteteka'hukai ketenté hauyah+akai , ta waiyari kenti'náke pa+ta ketenteyuku'h+awekai, Ya'umieme Kaka+yari pau'ha'akai ta hep+sta ya xeik+a iya wa'hapa+ te+teri haxamenteka'hu wa'hep+sta. ⁴ Kaka+yari'tá ay+weka wa+ka nenimayatsika pexeiya tahep+sta wa+ka aix+ tiuyuka'eriya ya'umieme táme aix+ tatiuti'eriyax+, ⁵ Táme te'h+k+t+kai te+teri tekwikwi'it+ hapa+, tekway+'wekai aix+ tetekak+ne Kaka+yari hep+sta, M+k+tá tatsi antanierit+a tawari ta tiuwiyast+a Cristo'tsie. Nenimayatsikak+ xeik+a xeme xepuku'wikwest+arie. ⁶ Kaka+yari tatsi'ankuhapa wapai tatsi'hautiyatsax+ yuawitsie ta'heima cristo mat+a ⁷ Kehapa+t+t+ ik+ tukari makamie'tsie M+k+ tati'xeiyast+anike wa+ka kentiuyu'kanenimaya, i'hek+atat+ nenimayatsika Jesucristo'tsie ⁸ Kam+ts+ nenimayatsika'k+ xeme xepuku'wikwei yuri xete uta'erik+, ik+ xe hetsie kwayat+a, Kaka+yari imikierieya p+ta'p+h+k+, ⁹ Xewit+ haix+ tikat+ak+ hawaik+ xewit+ kwa hayu'+renik+. ¹⁰ Táme Kaka+yari wewiyamama teh+k+, temutiwewiya Jesucris'tsie haix+ teteka'hunik+ Kaka+yari p+tiuyu'h+awix+k+ meripait+ reukayune'tsie, Ik+ tame teny+wenik+ temu'hunik+ m+k+tsie. ¹¹ Yaumieme xeke'naye'eriwani heiwa xeme xeh+k+t+kai te+teritsixi yu waiyaritsie xekua judio'tsixi't+kaik+. Xeme xete'umamatiwakai ¨insircuncisos¨ ya umieme yetiu'ter+warie waiyaritsie tewi mamayak+ xeik+a meteyurie'kai. ¹² Meripait+'ts+ xeme xepautewakai Cristo hepa+sta, k+kamete hapa+ Israel kiekariyari'tsie, xexe+matiwakai kenti'waxewiririekai n+t+arika hep+sta, tixa+tsie xekwate'hauyuwa+riyat+ ni Kaka+yari'tsie ana'hi kwiepa. ¹³ Meta hik+ Jesucristo'tsie, xeme heiwa xemautewakai Kaka+yari hats+a hapa+na, xepauhurat+arie hulawa Kaka+yari hats+a Cristo xuriyayak+. ¹⁴ M+k+ts+ kanih+k+t+ni mi'at+a aix+tianeme tatsiyatuirie, M+k+ tiuyuri teyu'hutame taxewime, tatsi'ayeit+a. Yu waiyarik+ pika'unax+ teki tatsi'hatewariyakai. ¹⁵ Ik+ h+k+, mikumaweriyax+ mari'itsika +kit+arika mikatsut+anik+ M+k+ mita'wewienik+ hekuame tewi Yuk+manatsie , iwewiet+ paleku ti'anenik+. ¹⁶ M+k+ tiuyuri tatsi'n+t+am+t+ tanaime kiekaritari, xei waiyaritsie Kaka+yari hep+sta, iya curuxitsie mana pími mekuayu'uxiekak+ xeime matia xeime. ¹⁷ Jesus paukuyeix+a ai'manyine kuxatat+ xeme wa+ka xemautewakai'k+ hapa+na aix+ ti'aneme iya mamau'hurakai. ¹⁸ Jesús hepa+stak+, teyunait+ tepei'xeiya temauta'hax+ani xei'iyariyarik+ ta Yau hats+a. ¹⁹ Ik+ yeti'anek+, hik+ xeme te+teri yutsata xekuaxe+matiwari ni k+kamete xekwah+k+. Ta'aurie mawetsek xeme xe'h+k+ wahamat+a xemaya'u kiekatari iya'wamat+a Kaka+yari keane waranaya'hapakai xe'aya'ut+ iya Kaka+yari niwamama wamat+a. ²⁰ Xeme tetsari xepak+ iya memi'katsut+a n+'ariekate hapa+na temaikate, yaxeik+atá Jesucristo yuk+mana teté tiukatsut+a h+k+. ²¹ M+k+ tsie, nait+ kwí reuwiyat+ payeika táwere tiyaní teyupani hapa+ ta Ukiyaritsie. ²² M+k+tsie p+h+k+, xeme yaxeik+a xeputawewiya yunait+ kita hapa+ kewa Kaka+yari meyukanierit+aka yu Espiritu'k+.