^{1 2 3} Yeti'anek+ nemantah+iya neyaka Kaka+yari'k+, yaxeik+a nepaine xekeneu huni aix+ iyari xemuta h+awerie'k+ ye man y+ne. Xekeneu uwani xeka yu we'etat+, aix+ xete u iyarit+ xekayumex+it+at+, xeteyunewiriet+ hipame wamat+a aix+ xete hauyu eriyat+. Aix+ xeketene yurieka tepi +wiyani teyun+ka'k+ Espiritu'tsie teyuwiyat+ kaiwat+ tiumakanik+ ⁴ Xew+t+ waiyari huk+ yaxeik+a, yuxewit+ espiritu. yaxeik+a xeme xeputa h+awerie xete'ta kwuewiekak+. ⁵ Xewit+ xeik+a wa Ukiyari, yuxewi xeik+a yuri eriyarika, heiwamieme xeik+a hapuka +yarieni. ⁶ Xewit+ xe+ka Kaka+yari h+k+ Tayau teyunaime. M+k+ naime watsie panyaka, tinaimetsie, tiyunaimetsie. ⁷ Teyuxexuit+ tete uyatuiriyarie imikieri akaxewimek+ in+atsiet+ imikierieya Cristo. ⁸ Mutaine hap+ utsika: ''KEPAUKU M+K+ MET+A TAHEIMA MAUTITEWATSIE, YUWA+KAWA WAREWIT+ MAMAKUW+'KAI, TIWAYATUIRI IMIKIERI KIEKARIPA'TARI.'' ⁹ M+k+ ke any+t+ many+ne: '' M+k+ mantit+a'', pa+m+ta siere M+k+ paukat+a maukatewa'tsie hupait+ kwieta? ¹⁰ Iya ke ane maukat+a, mik+ yaxeik+a h+k+ aku mantit+a taheima watapait+ mantiniere. M+k+ y+wet+ mayanik+ naime titihuniya. ¹¹ Cristo imikieri yatua: niuki tuayamete, temaikate, texaxatamete, teh+wemete meta siere te +kitamete. ¹² M+k+ aix+ warukuyuri yuri mete'erie mete'ta uximayatak+, paleku mewerenik+ Cristo'mat+a. ¹³ M+k+ yetiyuriene tanait+ tame temi axe teyun+ti yuri tete'erieka'k+,te hexeiyat+ kentiku eriwa Kaka+yari Nu'aya. M+k+ yetiyuriene tame te tsetse it+ temak+nek+ iya wamat+a ke ane memanku axix+'r+ Cristo. ¹⁴ Ik+r+ yeti ane tame tekwua h+k+t+ni'k+ t+r+ wahap+. tekwua anaw+t+arieka tekwua wax+riet+weni. Ik+ kah+k+t+ni tame eka kuatatsi het+k+nik+ haueriet+ kerany+t+ka +k+t+arika, te+teri mete itawamete y+k+ mete uxaxatat+. ¹⁵ P+ta, tame te kuxatani palekumek+ yuri many+ne m+ta tetiwewere naimek+ Hetsiena, aku M+k+ h+k+ mu'ukame, Cristo. ¹⁶ Cristo payeika yu xewit+ yunaimek+ yuri mete erie. meyu n+'i yu tatak+, ya umieme yu nait+ waiyari mewere m+ta aix+ meyuyurie yunait+ meyunake'eriet+. ¹⁷ Yeti anek+, ne nepaine newara te'a Ukiyari hapa+sta: xeme xekwua uhuni gentiles'tsix+ wahap+ aku memu'hu ke hapa+ hau'eriet+ xeik+a meteyu'ku h+awe. ¹⁸ M+k+ mehuk+ y+k+ meteyuku h+awe. mekwa hau'anana, ya umieme mekwua yutemamawie tukari Kaka+yari wayatuirie. ¹⁹ M+k+ tewiyari mekwua hexeiya xeik+a tsirany+netsie mete hauyuyahat+a meyu x+yarit+a tita aix+ kwati ane'tsie heyemek+ts+ wa+kawa. ²⁰ M+ta ik+ kwua huk+ keme xetehetima Cristo'tsie. ²¹ Ne p+nepaine xeme xemu enana Hap+stana. Ne p+nepaine xeme xeh+k+ xete uta +k+t+arie M+k+'tsie kename yuri h+k+ Jesus. ²² Xeme waxete haukah+ani kexeteyuriekai meripa+t+, meripa+t+ kexetekahukai. M+k+ tewi meripa+t+ mieme waxekeneukah+wa m+k+ xetewi meripa+t+ mieme payap+ni tsiti aneme xeik+a rexeiya itarika. ²³ Xeuhayawa meripait+ timieme x+ka xeme xey+weni xeti hekuare Espiritutsie yumu'utsie. ²⁴ P+xeketeneuyuri xetiket+arienik+ hekwamek+ tewitsie, M+k+ Kaka+yari p+reuyah+wa. Putawewiya aix+ many+netsie a+x+ anetsie yuri h+k+. ²⁵ M+k+ yeti anek+, xeuhayawa itarika. ''YURI XEUTINIUKANI, YU IWAMA WAMAT+A,'' m+k+ teh+k+ teyun+'+ teyunait+. ²⁶ TSEPA XEMUYAHA'A, XEIK+A TATAKURI XEKUATEYUPIT+AKA.'' Kataku xetepit+aka tata'ta mankayune akuxi xeha akaku. ²⁷ Kataku t+kakame xe ip+t+aka. ²⁸ Xewit+ xika tiunawani tawari kwuatinawayani, p+ta m+k+ keti uximayaka, palekumek+ ti uximayat+ yu mamatek+, m+k+ pa+m+ hipame waparewieni iya te+teri tixa+ mekwua tehexeiya. ²⁹ Tixa+t+ tsiti anet+ niuk+ ateta kwuarayeneikani. P+ta niuki aix+ anent+ tiyuparewiwet+, aix+ meteka herienik+ iya ke ane memetsita enie. ³⁰ Kataku uyuti heiwerieni Espiritu Santo Kaka+yari, M+k+ xeik+a k+mana xemutitep+at+arie kepauku maya ani xekuwikwuest+arieni. ³¹ Xeitapa xekeneuh+wa tsiwiriya, hekariya, hax+a, iwarika tsirany+ne naime tita tsiti'ane. ³² Aix+ xeketeneyuku eriyani. Key+y+lini xe iyari. Xete hauyuyah+wiriet+, Kaka+yari hapa+ Cristo'tsie xereuyah+wiri.