¹ M+k+ta ik+ hepustak+: kwinat+rieka tukaritsie pakamie ayat+r+ka+yet+. ² M+k+ta pakuneni iya te+teri wahep+sta yamakuate hauyu'eriya yu hep+stak+, tumini yamakateku'eriyat+, yu hetsiek+ xeik+a aix+mete uxaxatat+, meyuwe'e'tat+, niukik+ meteuyu'kananaimat+, yu yeyauma makawareu'eniet+, pampariyusi makaxatat+, tatakuri meteyupit+at+. ³ M+k+ yumarema aix+ makate wareu'eriyat+, xeime maka'hauneniyat+ hipame watsie mete'aj+pat+, yu iyari mamaukayeni makay+wet+, kwiya wanaket+, aix+ manyine wamehauka'h+at+. ⁴ Iya keane mawa+'wiyanikeyu mewakwamanat+, maka'hau'enanat+, meyuwe'etat+, kemete'hauyah+wa yemete kahut+ masiri Kaka+yari ma'ayexeiyanikeme. ⁵ M+k+ p+meteyu'hek+a mete uyuka'nenimayaka hapa+, m+k+tá Kaka+yari kay+weme mapayeit+aka. keneutewani m+k+ wahep+sta te+teri. ⁶ M+k+ hipat+ ukitsi meh+k+ kita metahake ukarawetsixi mamu'erie wahats+a mewa'wapirienike kemeteku'eriwa. ⁷ Ik+ ukari t+t+ metemaiku, makuay+wekax+anita metehetimani ketita tisasuni. ⁸ Tiuy+ hapa+ Janes Jambre mat+a mamanku'ui Moises hep+sta ta'aurie me'ej+wiriet+. pa+m+ta siere temaiwawemete meyuxatat+ me panku'uwe iya tita tisasuni hep+sta. M+k+ te+teri ukitsi me h+k+ yumu'u tsie makate'maiwawet+ m+k+ mepikauna iya tita yurik+ tih+k+. ⁹ Meta m+k+ tewa makwa'heyaax+ani . yumatsi+k+ré yunait+ wahep+sta kename katiyuri, yaxeik+a iya wahapa+ te+teri meyu huta me muerie wahep+sta. ¹⁰ Ek+tamasi pepiweiya yepetikamie kenetiku'+kita, aix+'petikamiet, yuri'petieriet+ petiuka'eniwat+, aix+'petiu'akaeriyat+, pakahau'amex+it+at+, ¹¹ Pe'uweiyariet+, perana'kamait+yeikat+, ne ken'nerteyuri aku Antioquía, Iconio hapa+na Listra. Yenera'newiexime neuwei'yariet+. m+k+ anime'tsie ne payat+a, m+ta Kaka+yari naimetsie netsukuwi'kest+a. ¹² Iya keane mauyar+m+k+ aix+ anemek+ Cristo Jesús hep+stak+ puweiyarieka. ¹³ Te+teri tsimete'u'iyari menteitawa kwinie mete u'iyarit+ mapak+nemasi. m+k+ mawaranku'inieni mamauyax+rienik+ hipat+. M+k+ yuk+manak+ hapa+na mapau'yax+rieni. ¹⁴ M+ta ek+ a hep+stak+, keneye'weiyani naime tita peretima aku paka'itatuayat+ titatsie yuri petiuta'eri. Ek+ perakumate keanetsie peretima . ¹⁵ Ek+ perakumate nunutsiyaripait+ pepeitimá raya'axe kakayari utsikaya. M+k+t+t+ kanyuweni petimaiweme matsi ayeit+ani wikest+arika hep+stak+ yuri petieriet+ iya Cristo Jesús'tsie. ¹⁶ Nait+ utsika Kaka+yari iyarieyak+ kaniuyu'ta'ut+ani. tati+kit+wame kah+k+t+ni aix+ tetekahunik+, heitseriemek+ temuhunik+ tatita +kit+anik+ aix+'ane hep+sta'k+. ¹⁷ Kwinat+rieka tewi Kaka+yaritsie tiwiya aix+ anenik+, aix+ it+ariekak+ heitseriemek+ aix+ tikamienik+.