¹ Ne ik+ mari'itsika neyatua Kaka+yari h+xie siere Crisro Jesus h+xie, aku M+k+ mentah+ani mayeniere hapa+na siere ke'ane m+ki, m+k+ muyuhek+atak+ Yu Kwieparitsiek+. ² Kaka+yari nieukieya nekuxatani. aix+ neuku aneneni kepauku p+reuyewekani kepaukuta p+kwareuyewekani. Nemari'itani, newarate'ani tatakuri makwateyupit+aka, petiwa +kit+at+ pa'anewat+ pawawet+. ³ M+ta tukari paya'ani kepauku te+teri yu mamatsie mekwa ih+ni ik+t+arika. ta'aurie mawetse, p+ta ti'+kitame mawatiwauni p+meteku +kitame yu waiyaritsie kemete hauyah+wa. Pa+m+ mete enanat+ yunakateta tsikwaki mehexeiyat+ mapak+ne. ⁴ Yu'nakate meti awieta tita aix+ ranyine hepa+sta, m+ta mapanuax+ani nuiki itarikatsie. ⁵ M+ta ek+, a mu'utsie aix+ ne'aneni naime pinitsie. Tseapa petikwine, uximayatsika naya'at+a aku petixaxatame, naya'at+a a uximayatsika. ⁶ M+tari paya axe ne nemierieni. Tukari paya axe nekumawere. ⁷ Nepunekuh+a temuyu iwar+metsie, nepantineri iwarikatsie; nepiti'utax+ sasuni neti'erie. ⁸ Kuruna aix+ ane puti'utsie nehepa+sta, m+k+ kuruna Ne Ukiyari, aix+ rakayuruwa aix+ tiuka iyari, netsiyatuirieni tukari maya anitsie. M+ta ne xeik+a kwanietsi yatuirieni, siere iya yunait+ ke'ane memikwewie keapuku tawari hamie. ⁹ mex+iwa neu aku ha'arit+a pamamie nehats+a. ¹⁰ Mets+ri Demas kaneniukwe eirieni. M+k+ kwiepa kentiy+ane p+ta rankuwei p+ta pet+a Tesalonica. Crescente'ta Galacia pet+a, iya'ta Tito Dalmacia pet+a. ¹¹ Xeik+a Lucas nehamat+a kaniere. Marco netiwawa m+ta nawit+ki ahamat+a m+k+ wa+ka tiparewiwe uximayatsikatsie. ¹² Iya'ta Tíquico Éfeso nepein+'a. ¹³ Ne tsaketa Troas nemeikwe'eiri aku Carpo hats+a, nahurí kepauku pamamie, siere xapa'te, aku masi nawitsie raka'uxa. ¹⁴ Alejandro, tiuyamate cobre wewiyaya, tsitikat+a nehepa+sta. Ta'Ukiyari rekapit+ni m+k+ ketikat+a. ¹⁵ Ek+ siere ne a'+wiyani m+k+ hepa+sta, m+k+ tatsitawe'eriekai niuki tekuxatakaitsie. ¹⁶ Kepauku mat+ari nemunekuh+atsie, ni xewit+ nehamat+a kwa uyuhayawax+. P+ta yunait+ menetsukwe'eiri. Ni xewit+ kwa in+atsiyarieka yamamuy+k+. ¹⁷ M+ta Ukiyari ne aurie putiwekai M+k+ t+r+kariya netsupit+a, ne hetsie hakunenik+, aya ar+kamek+ niuki neyatua maya anik+ m+ta yunait+ Gentil'tsixi niuki me enienik+. Nepuku wikwest+ari maye teta'na nepayahanie. ¹⁸ Ne Ukiyari netsikuwikwest+ani tseapa keranyinemetsie m+ta netsikuwikwest+ani Yu Kwiepari kiekaritsie. M+k+ xeik+a raya'axe tukari mautiyune m+ta tukari mankayeika. p+ke'aneni. ¹⁹ Wa+ritsika newayatuiri iya Prisca, Aquila, iya siere Onesíforo kien metama. ²⁰ Erasto Corinto puyuhayawax+, m+ta Trófimo nepeikwe'eiri tikuyeme muwa Mileto. ²¹ Neu atamex+it+a namie akuxi +wi kawiwikaku. Eubulo wa+ritsika metsihen+ airiwa, hapa+na siere Pudente, Lino, Claudia m+ta siere yunait+ iwamarixi. Ta Ukiyari a espíritu'tsie keyukatet+aka. ²² Imikierieya xehamat+a keyukanierit+aka.