¹ Ya umieme, ne niwe. kene at+r+kariyani imikieri pemexeiyak+ Cristo Jesus'tsie. ² M+ta yepetiu enax+ ne hapa+sta yuwa+kawa neneriemete watsata, keneukuhayawa te+teri paleku mete uhukame, mey+wawet+ memak+ne hipame siere metewata +k+t+ani ³ Keteuka kwikwineni ne hamat+a, ke hap+ reuyuku xeiya xutar+ya Cristo Jesus. ⁴ Xewit+ xutar+ kwua y+we ti uximayaka x+kate akux+ akuwieka tukari mankayeika'tsie timieme. x+kate p+ti aneni aix+ kwatixeiririe xutarutsix+ wa ukiyari manyaka. ⁵ Siereta, x+kate xewit+ yu iwaneni nanautsame, m+k+ kwua antimaniyarieni kuruna yats+ x+kate palekumek+ yu iwaneni +kitsika kemany+ni. ⁶ P+reuyewetse ti etsame tiyetuiriyerieka yapa+meme tita mat+ari tik+ itsanarieni. ⁷ Kene aku h+aweni kenemera h+awek+, Kaka+yari metsi'ya tuirieni'k+ petimaiweni naime. ⁸ Kenaye'eri Cristo Jesus, n+iwarieya David, aku manku hanie m+kite watsata. M+k+ ka huk+t+ni ketente uyuhayawax+ niuk+ hekwuamek+, ⁹ Ya any+nemek+ ne netikwui+ne ne hu+yat+ wa hat+ri netinemiekame hap+. M+ta Kaka+yari niukieya kwua akuwie. ¹⁰ Ya umieme, ne nepetikieka netinewie ke anek+ iya memanayahapaniek+, m+k+'siere mekaxeiyak+ wikwest+arika aku Cristo Jesus'tsie, kwinie raya axe kwa hau axe. ¹¹ Yamany+ne niuki yuri xayeit+aka: ''X+kate M+k+ mat+a te ukwini, M+k+ mat+a siere tekuwikweni. ¹² X+kate tame tete unewieni, tamesiere Hamat+ana tepetan+'ani. X+kate'ta tame te itatewiya, M+k+'siere tatsi hetatewiya. ¹³ X+kate tame tete i'itaiy+ni, M+k+ kwata'ti ita+ya, M+k+ yuk+mana muyuti tawe'erieni kway+we.'' ¹⁴ Kenatiweni pewaraya erist+wat+ ik+k+. P+tewaruta h+awi Kaka+yari huxie niukik+ mekwayu kwit+weni. Yahatikamiet+ aix+ kwa any+ne. Ya humieme kwiya ratiniere ke ane men enanak+. ¹⁵ Aix+ paleku keneu ayuri pe'ayaxatatsie pepit+arieni Kaka+yari h+xie ti uximayatame hap+ kahauyutewiyat+. Palekumek+ ti +k+t+at+ niuki yuri. ¹⁶ Pekwua tikuxatani itarika, ke ane aku niuki metsi heuya h+ani. ¹⁷ Niuki tayeix+ani kwiniya hap+, aku wahap+ Himeneo metasiete Fileto. ¹⁸ M+k+ ukitsi meh+k+t+ni memanayak+. M+k+ p+memait+ka kenameri me ankuhapanie memukwikai kenameri p+tiuy+. M+k+ hipame yuri mete erie mewareuya x+r+wa. ¹⁹ M+ta, Kaka+yari niukieka yuri h+k+ kanierie. P+reuku uxe'ta: '' M+k+ ukiyari waxeiya ke'ane meniwemama ,'' m+ta ''ke ane iya kentitewa mitater+wa ta ukiyari, wake un+'aka naime tsirany+ne. ²⁰ Tuminake kiena kwaxuawe xeik+a xarite wewiyat+ oro'k+ metasiere plata'k+. P+ta siere xarite wewiyat+ mexak+ metasiere haxuk+. Hipat+ tikumay+iwa kwinie raya ar+kametsie hipat+ta tsepa titatsie. ²¹ X+kate xewit+ uyuta itieni yuk+mana tsiti'anek+ m+k+ payani xari ya'at+. Ti utsieni xeitapa y+wet+ ti +kitame hepa+asta. M+ta timaiwet+ tita naimetsie uximayatsika aix+ many+ne. ²² Neu ata'una temari tita mete'temawietsie. Neuweiyani p+ta tita heitserie, sasuni eriyarika, nake'eriya m+ta uxipiya, hipame wamat+a ke ane ukiyari mewaut+we yu iyaritsie aix+ me anenet+. ²³ M+ta siere wateukah+aka iwaurika tsirany+ne kwayumain+a perakumate ek+ kename m+k+k+ he'uyutimieni. ²⁴ Ukiyari n+'arieya kway+we yumieneni. P+ta aix+ ketikamieni yunaime wahepa+sta, y+wet+ tiuta +kit+ani meta siere tiukanewiet+. ²⁵ Warate'at+ palekumek+ ke ane yuri mekwa te'erie. P+tiuy+we Kaka+yari wayatuiriewe meyutimaix+ani memekaxeiya yuri many+ne. ²⁶ M+k+ mepak+ne mekatar+wet+ tawaari m+ta mekuwikweni t+kakame in+atsikaya'tsie memakuw+kaitsie m+k+k+ meta siere kemteyuku h+awek+.