¹ Pablo, Cristo Jesus n+'arieya Kaka+yari p+reuyah+akaku, p+ti'anekaku akaxewikaku tukaritsie aku Cristo Jesus meixeiya, ² a'hetsie mieme ek+ Timoteo, neniwe nemetsihauyah+wa: Imikieri, nenimayatsika m+ta uxipiya Kaka+yari Ta'Yau miyatua m+ta Cristo Jesus Ta'Ukuyari. ³ Panpayusi Kaka+yari nerah+awe, aku neti'uximaya ne nuiwarimatsiepai hakunena aix+ netikamiet+, mexi nemetsi ha'eriwa tukari mankayeika nene newiyatsie, hek+ta m+ta siere t+karik+. ⁴ M+ta mexi akuxi neha eriwat+ kepeti aheiwerie, nemetsihauxeiyam+k+, pa+m+'ta netemawiya paya'ani. ⁵ Nepa'eriwa sasuni peti'erie heitseriemek+, aku siere a'teukari Loida sasuni ti'eriekai, m+ta siere a tei Eunice. M+ta p+nera eriwa kename a'hetsie siere ayeniere. ⁶ Yamanyinek+ nemetsi aye'erist+ani kenantanieriet+a Kaka+yari imikieri aku metiyaturi aku kepauku aku nemunetanenewi a'hetsie nehautimet+. ⁷ Mets+ Kaka+yari katatsiyatuiri ta espiritu'tsie temamaka, p+ta tit+r+ka+yeme, aku nake'eriyarika m+ta siere teyukemakakak+. ⁸ M+ta pakwa atewiyani niuki paku xata aku ta'Ukiyari hepa+sta, ni siere nehepa+sta, ne Pablo, aku kaxariyari nemayewe. P+ta keneyatuaka tiyukukuit+ Kaka+yari niukieya aku Kaka+yari t+r+kariya kemetipit+a. ⁹ Kaka+yari h+k+ aku tatsi ukuwikwest+a, m+ta tatsi anayahapa tatakuri tekwate hexeiyanik+. M+k+ yatikat+a, tame keteteyuriek+ hawaik+, p+ta M+k+ kenreuyah+wa kentiniere Yu imikierik+. M+k+ ik+ tatiyatuiri Cristo Jesus'tsie tete awiyak+ meripait+ akuxi kwie katawewiyawekaku. ¹⁰ M+ta hik+ Kaka+yari wikwest+arikaya hik+ puhek+atsie aku nuatsie iya tatsiwikwest+wame, Cristo Jesus, aku M+k+ m+kiriya ma'iwax+ m+ta tukari kwax+we pu'at+a pihek+atax+ aku Kaka+yari niukieyatsie hakunena. ¹¹ Ya'umieme mana hakunena ne netiuter+warie tixaxatame, n+'ari m+ta siere ti'+kitame. ¹² Ya anyinemek+ ne siere nerekakukuine ik+ ya anyinemek+. M+ta nekwahaunetewiya; nemekumatek+ M+k+, aku sasuni neti'eririe. M+ta ne iyari pakaxewi kename M+k+ y+we rakah+ani aku tita netita ait+a, keapauku tukari maya'anitsie. ¹³ Neuweiyani m+k+ +kitsika aix+ manyine, aku pemi'eni nehetsie, m+ta siere sasuni eriyarikatsie m+ta nake'eriyarika aku h+k+ Cristo Jesus'tsie. ¹⁴ Neuti'uta Espiritu Santo hakunenatsie, aku ta'hetsie yukanierit+a, aku aix+ ranyine Kaka+yari a'hetsie tiuhayawax+. ¹⁵ Ek+ parakumate, yunait+ aku Asia memekutei menetsukwe'eiri. Ik+'i meyun+'+ mapaya'u Figelo iya siere Hermogenes. ¹⁶ Ta'Ukiyari xeyatuirieka nenimayatsika iya Onesiforo kiena, mets+ m+k+ yareu teterekaku wa+ritsika netsiyatuiri m+ta kwahauyutewiyakai ne kaxariya nemayewekaik+. ¹⁷ Ta'aurie mawetse p+ta, kepauku m+k+ Roma meyeikakaitsie, m+k+ netsutiwau yu'+wiyat+, m+ta netsukaxei. ¹⁸ Ta'Ukiyari ke'ixeiyast+ani nenimayatsika tukari maya'anitsie. Ek+ parakumate paleku kehapa+ netiuparewi Efeso nemekateitsie.