¹ P+neputay+wekaku kename xeme xey+wawe xenete'unewirieni tsepa kenemutay+. ¡m+ta sasunimek+ xeme xekwanetenewirie! ² Ne +tetsak+ xek+mana. Ne nepexeiya Kaka+yari +tetsarikaya xek+mana, kepaukupait+ nemekaxewiriyax+tsie xetiwikenitsie yuk+na mat+a. Ne nepekaxewiriyax+ kename nexehek+ata aix+ xe'aneneme Cristo hats+a. ³ M+ta ne'pauma x+ka xehauhut+, ku'u muy+ Eva munanaima hapa+, xeh+awiya hauyeweni tsirany+nemetsie tewapait+ aix+many+netsie m+ta aix+ anetsie Cristo hapa+sta. ⁴ X+ka xewit+ hamieni yuk+ tikuxatat+ Jesús hapa+sta keyuri tame temikuxata. Xemenkwewieni espiritu yuk+ aneme ke'ane yumamatsie xemuh+i. Kename xeme xe'ankwewi Kaka+yari niukeyatsie utikaikame ke'ane xemankwewi. ¡Xeme xetenewie 'ik+ yemany+nek+ m+ta palekumek+! ⁵ Nets+ p+netinekuh+awe kename ne nekah+k+ nekwaraye 'axe ke'akuxi 'iyamexi n+'aritsix+ wahapa+. ⁶ Ne'tsepa wa+kawa nekatiuneti'+kit+a. kenetiy+we m+ta naimetsie, tame texetehaxaxat+wa 'ik+ yamany+nek+. ⁷ ¿Tatakiri ne tiunepit+a ne xetiuta'uximayatsirieka xete'ayeat+ xemayeit+arienik+? Ne'xetiutaxat+ak+ nekaxewiyat+ Kaka+yari niukeya. ⁸ parewiya neputana ke'eri xeitaparie netita 'uximayatake xehetsie mieme. ⁹ Kepauku ne xehamat+a nemuyeikakaitsie wa+kawa ne reuyeh+at+katei, ni tixa+ nekwaxetiutawawiri. Hipat+ ne'iwama Macedonia me'anex+aka 'imikeri meneteyetuiri. Naimetsie neyu'uta xeme xekwa hauyu'iyarita+kak+, m+ta yaxeik+a netikamieni. ¹⁰ hasunik+ Cristo nehetsie yukanierit+a, m+k+ rakumate neti'uximayatsirie kepauku retimani Acaya. ¹¹ ¿Ketiu? ¿Ketiuru nekwaxehauyeh+wa? Kaka+yari rakumate. ¹² M+ta nekwatihayawa, neti'uximayat+ yaxeik+a m+k+mexi mete'uximaya yaxeik+a tame ketente 'uximaya. ¹³ m+k+mexi yeyupat+ te'itawamete n+'aritsixi te'uximayatamete mete'itat+.Cristo n+'arimama meyuxatat+. ¹⁴ 'Ik+ ni kwahekwame, t+kakame t+t+ kayuhek+atam+k+ni akeri hek+ariya mexeiya hapa+. ¹⁵ Ni m+k+ kwahekuame meta x+ka hapa+na n+'arimama meyuxatani kename aix+ metekahu aix+ many+netsie. Wahuyeta katakamieni wa'uximayatsikatsie kenreuyewetse. ¹⁶ Hekwamek+ yenepaine: kename xewit+ p+katiyukuh+awe kename ne ne h+k+ ti'itawame. x+ka p+'xeteyukuh+aweni, xenenankwewi ti'itawame hapa+ 'echiwa ne'neyutiwe'etakeyu. ¹⁷ Ik+ kenemaine ya'many+nek+ hasuni ne'ayeit+t+ we'eriya Kaka+yari p+kwatinake'erie, ne p+ta ti'itawame hapa+ ne hait+ nepaine. ¹⁸ yuwa+kawa te+teri meyuwe'eta waiyari kenreuyeh+wa, ne hapa+na ne'yutiwe'etá. ¹⁹ Xeme xetewanewirie xeyutemamawiet+ te'itawamete, ¡hasuni xeteyu'eririet+ xeme kename xete'akumate! ²⁰ Xeme xetewanewirie ke'hate mexe'akuw+t+a, mexetikwani, p+'metehau'yukuparewie xek+mana, mete aye'at+ mepayuyeit+a, keyuri xeme, x+ka metehaunanaimaka xeh+xie. ²¹ Ne p+'netay+ni ne'haunetewiyat+ kename tame tekat+r+kawit+ 'ik+ yetete'uyurik+. yat+t+'ta xewit+ mayukawe'etat+yeika, netikuxata kwa'hau'ena meta ne hapa+na ne'yutitiwe'etaá ²² ¿M+k+ meteh+k+ hebreotari? Ne hapa+na. ¿M+k+ meteh+k+ israelitatari? Ne hapa+na. ¿M+k+ meteh+k+ Abraham nuiwarimama? Ne hapa+na. ²³ ¿M+k+ meteh+k+ Cristo n+'arimama? (Ne netiuxaxata ruku hapa+.) Ne hapaɨna nehɨkɨ. Ne nera uximayatawe wa+kawa hahetetemetsie, mɨixa nemantahɨiwatsie, neti weiwatɨ kaheka 'inɨarimekɨ, m+kiriya hawarinetikuwikweiyatɨ. ²⁴ Judiotsixi menetsihaukuwaxɨa auxuwimexa ''40 xeime anakawekame paɨmemekɨ).'' ²⁵ Haikak+ nepautiweiyax+a k+yek+. Heiwa ne'pautituaxiex+a. Haramaratsie haikak+ ne pukayunix+ t+ma. xeit+kari xe'tukari nepuyuri haramatsie. ²⁶ Muixa nepuyatɨa, aki'utia kweritianekaku, tenawawayamete watsata, ne iwama ne kie kietari watsata, gentiltsixi watsata, kweriwa'anek+a kiekari anyawatsie, kweriwa'anek+a tiumawitsie, kweriwa'anek+a haramaratsie, kweriwa'anek+a iwamari te'itawamete watsata. ²⁷ Ne netiuta'uximayataxɨ t+r+ka+yememekɨ meta mɨiwa inɨatsikatsie, wa+kawamexa t+kari nekakut+, ne'hauhakam+t+ hapaɨna ne'hauharim+t+, wa+kawamexa ne'nehakietɨ, ne'hauxerim+t+ hapaɨna waɨkawa kemari ne karexeiyatɨ. ²⁸ Mɨkɨkɨ xeikɨa kwatiane, hapaɨna nepauyuhɨawe meyunaime wahetsie miemekɨ kehate mete'awiya teyupanie man'utɨka. ²⁹ ¿Ke'ane kwahaut+r+ka+ye, ne hapaɨna pɨ nekatiane? ¿Ke ane metih+iya, nekatiutatawe hax+ak+ hetiuyɨkɨ? ³⁰ X+ka neyutawe'etam+k+, ne'netawe'eta tita tihekɨa nekwatɨrɨkaɨyekɨ. ³¹ Kaka+yari meta Jesús Ukiyari Yauya, aku Iya ti kwitɨarie tukarik+, ¡m+k+ katakumaika kename ne nekati'ita! ³² Damasco kwieyaritsie, tatuwani rey Aretas inɨakaku mɨkɨ tanierekai Damasco kiekariyaritsie netsiwiyake. ³³ Mɨta ventana ne'patuiya tsamuritsie ne'ayakaitɨ ana yenetiwaruwikei.