¹ Y+we ne ne'maune +ka, m+'ta yenetiku'eriwat+ tixa+ nekwara'iwa. M+ta nepumieni Ukiyari neti'xeiyast+ak+ neti'hein+t+ak+ nepumieni. ² Nepixexeiya xeime tewi Cristo'tsie 14 witari mautinena, waiyarieyatsie sinu tseapa ka'waiyarieyatsie, nekwarakumate, Kaka+yari xeik+a rakumate, pankuhanie taheima pautimie hairieka haiwiyaritsie. ³ Nerakumate kename ik+ tewi, waiyarieyatsie sinu tseapa kawaiyarieyatsie, nekwarakumate, Kaka+yari rakumate, ⁴ pankuhanie pewit+kie witsitiu'anetsie m+ta pu'enax+ wa+kawa niuki timai'weme wa'at+ xeime yatiutah+awe kay+wet+. ⁵ M+k+ tewi hepa+stana nepaune'+ka. Ne'ta nehetsie nekwahaune'+ka, h+rix+a newaiyaritsie kene'it+a. ⁶ X+ka ne nehaune'+kake, nekwa rukut+nike, p+ta tita tiyuri netikuxatanike. M+ta neyune'wa nekwahaune'+ka, kataku xewit+ p+tiu'erienik+ nehetsie antiyakamek+ aku kenti'niere ne'hetsie, yata kentiu'enax+ ne'hepa+sta. ⁷ Hapa+na'ta neyune'wani nemaune'+ka aku tita t+r+ka+yeme netiu xeiyast+ariek+. Ya'umieme, kataku ne ne'uta newe'etak+, newaiyaritsie xuiya nepauketsiyarie, T+kakame n+'arieya peiyan+'a nehetsie netikwinit+akak+, kataku nehaune'+t+ ne'ayanik+. ⁸ Haikak+ Ukiyari nepitawawiri ik+ yamanyinek+, aku nestsi nawairienik+. ⁹ M+'ta M+k+ p+nera'h+awe: ''Ne imikieriri panayuhayawa a'hetsie, m+ta ne t+r+kariya aix+ tikuyuruwa aku titatsie pakwatiy+we.'' Ya'umieme p+ta nepaune'+ka titatsie nekwatiy+we, aku Cristo t+r+kariyaya nehetsie yuhayawa. ¹⁰ Ya'umieme nepaunetemawie Cristo'tsie hakunena, titatsie nekwatiy+we, nematieriwatsie, nekway+wenitsie, nemuweiyariekatsie m+ta siere tixa+t+tsie nekwatiy+wenitsie. M+ta kepauku nekway+wenitsie, anam+ t+r+ka+yet+ neh+k+t+ni. ¹¹ ¡Neu'eriet+ nepat+a! Xeme wa+riyarika xenetsi upit+a yene'aneni, p+ta ne raya'ar+kame xenetsi ayeit+anikekai xeme. M+ta tixa+t+tsie ne waheima nekwahaukawe aku m+k+mexi N+'aritsixi mete uyuter+wa, meta ne't+t+ tixa+ nekwatih+k+. ¹² Heyeme tita ti'yuri ti'hek+ariwe aku N+'ariwame yatiuyuri xeme xe'h+xie paleku makamex+itat+, tihek+akame kwatiy+we hapa+ m+ta wa+kawa tiuy+ t+r+ka+yemek+. ¹³ M+'ta ¿Kexe anekai xeme xekate aya'ar+kakai hipame wa'hepa+sta aku mamuyukuxexe+riwa, m+'ta ne xe'hetsie tixa+ nekwaxeti wawiriekake? ¡xeteneneuyah+wiri ik+ yamanyinek+! ¹⁴ ¡Xeunieri! nepunekuha'arit+ari xe'hats+a neyemieka hairiekamexa. Hawaik+ xe'hepa+sta ika nekwa ayani, m+ta nekwareuyah+wa tita xeme xete hexeiya. Ne p+ta xeme nexe hauyah+wa. M+'ta niwemama kway+we mete utani yu yeyeuma wahepa+sta, p+'ta yaukate p+reuyewetse mete'utanike yuniwema wa'hepa+sta. ¹⁵ Ne ne'hetsie nene'temawiet+ nerexeiya netitax+t+ani, m+'ta siere xe'hetsie nepitax+t+ani. X+ka aku nexe hauyah+aka wa+kawa, ¿ne masi etsiwa xeik+a nereuyah+iya? ¹⁶ M+'ta heyeme yeti'ane, ne nekwa at+a heteriya xehepa+sta. M+ta, wa+kawa nenekuh+awe, nexe ukaxei xete itakame. ¹⁷ ¿M+'ta ne xeme nekwa xe'unanaima aku xeime nekwa hen+'a? ¹⁸ Ne wa+riyarika nepipit+a Tito kehauyanike xe'hats+a, m+'ta siere xeime hamat+ana nepen+'a. ¿Sunu Tito xeme xehenanaima? ¿Tame xe'hamat+a tekate uhu'kai a'xeik+a? ¿A'xeik+a tekate u'uwakai? ¹⁹ ¿Xeme p+xeteku'eriwa kename hik+ tukari mankayeika tame teputaku'h+pa xeme xe'hats+a? Kaka+yari h+xie, tame Cristo'tsie tapakaw+ p+tehait+kait+ naime hetsiena ti'mieme. ²⁰ M+'ta nepau'ma kepauku xe'hats+a ne'mie m+ta nekwa xekaxeiya kehapa+ nekwareuyah+wa. Ne'pauma xeme xenetsi kaxeiya xeme kexete hauyah+wa. Ne'pauma x+ka utixuawere tierika, +tetsarika, hax+a tixuawere, tewa hayukake'kani, yu'hetsie xiek+a +rika, wawiyarika, +'rika hapa+na au'eriet+ teyu'xamurieni. ²¹ Ne'pauma kepauku ne nemayeneni, Ne Kaka+yari netsi'tewiya xeme xe'h+xie. Ne'pauma p+netinemani hipame wa'hetsiek+ tatakuri mete uyupit+a mat+aripait+, m+ta makwa uyuti'iyariet+a yu'tatakurik+ m+ta (tatakuri meteyupit+a ukitsi mat+a ukitsi m+ta ukari mat+a ukari) m+ta kemete hauyah+wa yu'waiyaritsie m+k+mexi yemey+akai.