¹ Né, Pablo, né yaxeik+a, xeme nexatsi ayawawirie tewa nekanekaket+ m+ta aix+ iyari Cristo hepa+sta. né nepuma xe h+xie memutakekatsie, m+ta wa+kawa net+r+ka+ye xe hamat+a nekwaneka nierit+akatsie. ² Né nexatsi´ayawawirie, kepauka Né xehamat+a neyukanierit+aka´tsie, t+r+kariya wa+kawa nekwa hauye h+aka sasuni heriya nehexeiyat+ ne hetsie. ne pa+ netineku h+awe kename t+r+kariya ne hauye h+at+ ne´ayani kepauka iyamexi wa h+xie neta kenitsie ke´ane pa+ meteyuku h+awe kename tame te´u´uwa ta waiyari kereuye h+wa. ³ M+ta tsepa tame temaye niniere ta´waiyaritsie, imieri tekwa wewie ta´waiyari kereuye h+wa. ⁴ M+ta tame titak+ teteyu kwit+we ta waiyaritsi watimieme. pa+ta, m+k+mexi kaka+yari t+r+kariya wayatuirieni t+kakame t+r+karieya meti unax+anik+. tixa+ warayani iyamexi kememait+ka ta hepa+sta. ⁵ Tame siere teteniti unani sesuime pinite teuteri mete wewie wapai meyuka uit+a ke´ane mantaka kaka+yari maiyaya hepa+sta. tewarewit+k+ni teuteri ke'ane tsimeteyuku h+awe teteniwa +kit+aka kaka+yari kentin+'a. ⁶ M+ta aix+ teyukuyuruwa tewa kastigaruwanike ke'anemexi iya mekwa hau'enana wa hepa+sta , yapauku ke aya'ani mehau enanat+ memak+nek+. ⁷ Xekeneunieri tita xeh+xie tiyu hek+a. x+ka xeit+ sasuni ti erieka kename Cristo hetsie mieme h+k+, yu hetsie ke'aye erieni m+k+ kename siere Cristo hetsie mieme h+k+, mita yaxeik+a siere tame hetsiena mieme te h+k+. ⁸ M+ta tsepa né etsiwa kwinie nemikuyuruwa n+'aritsie, iya ukiyari tatsiyatuiri xeme texatsi anku hapanik+ nita hawaik+a tekwaxetsika unanik+, né nekwaneti tewiya. ⁹ Né pa+ nekwareu'yeh+wa pa+ tiuyu hek+k+areni kename nexemariuta ne'xapak+. ¹⁰ M+ta h+pat+ teuteri pa+ memait+ka: ''m+k+ xapaya kataya akani m+ta t+r+ka+yet+, m+ta ta h+xie mutakekatsie m+k+ kwatiuka newie kwinie kwatiu xaxata. kwaraya axe niukieya te enieka ¹¹ Xenewareu hayawa mik+mexi teuteri mekeheti enanani kepauka xe hamat+a temeyukanierit+akatsie tame pa+ tetehekak+ne ketemute u'ut+a ta xapatsie tewa te u´uwat+. ¹² Tame tewa tekwahek+ka xekwatatsi in+atani iya wa mat+a ke'ane witsi mete hauyu heriya yu hetsie. m+ta kepauku m+k+mexi meyuku +n+atatsie m+ta meyuku in+n+ata yu hamat+a, m+k+ mekwa hei xeiya memeti enat+k+ne. ¹³ Tame, yat+t+ta, tekwayu we'eta nekatiyurienetsie. pa+ta, seik+a pa+ netikayani kewa xeik+a kaka+yari ti pit+atsie, m+ta tame xeik+a tete uximaya m+k+ ketatiu'ta h+awix+ kewa xeik+a uximayatsika temeh+ka. ta uximayatsika'tsie, mana siere xekaniye'uka xeme. ¹⁴ M+ta tame kwinie tewa tekwatehau hat+k+ kepauka xeme texatsi'uku axix+tsie. tame meri temak+ temaya ax+a, meta siere texe'uku axix+ Cristo niukieya teputa xaa' ¹⁵ Tame tekwatawe'eta uximayatsika kaka+yari hipame wayatuiritsie, uximayatsika temuta h+ni hapa+. pa+ta, tame pa+ tetehautakwewie mexi xa'sasuni eriyerika were, kewa uximayatsika temeh+ aix+ keti it+arieka wa+kawa keti aneni, m+ta xeik+a kewa at+ repit+arit+. ¹⁶ Ik+ tame pa+ tetehauye h+wa, m+ta tey+wawet+ teke ak+ne niuki tetaxata humapa+t+ xe'aurie kiekaripa. tame tekwatatiwe'eta uximayatsika muyuh+k+ xeime uximayatsikayatsie. ¹⁷ M+TA KENEPIT+AKA KE'ANE YUTA WE'ETA, KE YU WE'ETANI UKIYARITSIE.'' ¹⁸ M+k+ kwah+k+ ke'ane yu k+mana yuhetsie witsi reuyu'eriya, p+ta kah+k+t+n+ ke'ane ukiyari ya'xa. .