¹ Kepauku'ta xeme xekwa heyuti enieka'tsie, ¿ xete hauyanexɨawawe tiwatixanetsiwa aku aixɨ rakayurɨwa yuri kwati'eri sunɨ pɨta yuri mete erie hatsɨa? ² ¿Xeme xekate akumate kename yuri mete erie aixɨ mete akayurieni ana'i kwiepa, Xikate'ta xeme aixɨ xete akayuriemɨkɨ kwiepa, ¿xekwayɨwawe aixɨ xete akayurieni echiwa keranyɨneme? ³ ¿ Xeme'ta xekate akumate kename akeritsixɨ watsie aixɨ tete akayurieni? ¿ Rayu'kiemakamekɨ aixɨ tekate akayurieni rahanayeneika tukari'kɨ timieme? ⁴ Xikate xeme xehukɨtɨni aixɨ xete'akayurieni ana'i kwiepa timieme, ¿ketiuru xeteku hayeikawa xanetsika iya wahatsia ke'ane mekwa te uximaya teyɨpanie? ⁵ Ikɨ yenanai'neni xema yukatewiya'tɨyekanikɨ ¿ Xewitɨ xehamatɨa kwa ayewe waɨkawa rakumaitɨ aixɨ rakayurienikɨ xekwa heyuti eniekatsie iwamarixɨ? ⁶ Ye reu'ku uxakɨ, ¡ xewitɨ sasuni ti erie mauyaneni aɨxɨ rakayɨne,tsie yaxeikɨata siere yuri ti eriekame'matɨa, mɨkɨ'ta xanetsika yatuiyani aixɨ rakayuruwa hatsia yuri kati'eriekame! ⁷ Xikate tixɨaweni xeka heyutɨ'enieka iwamarixɨ mɨkɨ re a iwarietɨ ti aneni. ¿tsepa tetepitɨani petiukwinixɨ tsiranyɨneme'kɨ? ¿Tsepa tetepitɨani tete'itaiyarie ? ⁸ Xeme'ta kwinie xete uyuri hipame xetewa itaiyatɨ, ¡ ikɨta xe iwama me hukɨ'siere! ⁹ ¿ Xeme'kuta xekate akumate ke'ane tsimete u iyari me kwua'ya tuiriyarieni Kakaɨyari kwieparieya? Itawaritsie yuri xekwate'erieka. Ke ane tatakuri meteyupitɨa ukitsi, ukari wamatɨa, tananatsixɨ mewara yexeiya, karayunitsixɨ, yu waiyari metua, meta siere iyamexi tatakuri meyupitɨa uki matɨa uki meta siere uka matɨa uka, ¹⁰ metenanawaya, mete kwieririe, tarɨwekarixɨ, meteyuwawiriwa meta siere yu iwama mete wa itaiya metewanawatsirie, Ni xewitɨ mɨkɨ kwua yemie Kakaiyari kwieparieya'tsie. ¹¹ Xeme pɨxe itɨtɨakai. Mɨta paleku xeniu'ti itiyani, paleku xeniu'ti itɨarieni, xemeri ari xepanayahapanie Kakaɨyaritsie tipiyatɨ Ukiyari Jesucristo meta siere Espititu'ya Kakaɨyari. ¹² ' Naime netipɨtɨarie tsepa kenetiuyuri.'' mɨta naitɨ aixɨ kwaranyɨne. '' tsepa'ta naime netipitɨarie kenen tiuyuri,'' neta ne kwa a iwarieni yeti anemekɨ. ¹³ ''Ikwai hukatsie timieme, metasiere huka ikwai mukayeixanikɨ,'' Meta Kakaɨyari tiyunaime tikumawiriya. Tawaiyari kwa utawewiya tsiteteyɨakakɨ ukimatɨa yakatɨxaɨ ukamatɨa. Ya xeikɨa'ta, tawaiyari Kakaɨyari tipinieya, mita mikɨ Ukiyari rakupinirieni tawaiyaritsie timieme. ¹⁴ Kakaɨyari naime tiutiwewi, kanankuhana Ukiyari meta siere tame Yutɨrɨkariya'kɨ. ¹⁵ ¿ Xeme xekate akumate kename naitɨ xe waiyari Cristo tipinieya? ¿tiyɨwe ta waiyari Cristo tipinieya tete haukupime tete unɨitɨani xeime yu waiyari tuakamematɨa? ¡pɨ kwua ti aneni!. ¹⁶ ¿ Xekate akumate xeme kename ke ane yutinɨni yu waiyari tuakame matɨa ayeika xewitɨ waiyari mɨkɨ matɨa? Kenreuku'uxa hapɨ mari'itsika: ''YU HUTATɨ MEPAKɨKA XEWITɨ WAIYARI.'' ¹⁷ Ke ane'ta makawiya Ukiyari matɨa payeika xewitɨ espíritu Hamatɨana. ¹⁸ ¡ Xekeneuyuta'una tatakuri maxuawe'tsie ! pɨxemutiyuane tatakuri tsepa keti anetɨ ta waiyari warie ti ane, meta mikɨ tewi tsiti itɨa tatakuri tiyupitɨa yukɨmana yu waiyari'tsie. ¹⁹ ¿Xeme xekate akumate kename xe waiyari hukɨ teyupanieya Espiritu Santo, aku xe hetsie yukanieritɨa aku xeme xeyatuiriyarie Kakaɨyari'tsie? Xeme xekate'akumate kename yuhetsie xekahukɨri? ²⁰ Xemeri xekate utinanaiya raya arɨkamekɨ. Ya umiemeta, kwinie raya arɨkame xekenayeitɨaka Kakaɨyari yuwaiyarikɨ.