¹ Hikɨta, ikɨ yaranyɨnemekɨ xeme xeneteutautsiri: " Tukari kanakaniereni xete newieka yu'hutatɨ yu'ɨitatɨ xewaukahipiteni." ² Mɨta inɨatsika xuawe'kɨ, waɨkawa tsitiane tixɨaweriwe'kɨ, yu'xexuitɨ ukitsi mekewareuxeiyani yu'ɨitama meta siere ukari mekewareuxeiyani yu'kɨnama. ³ Mɨkɨ uki neɨke yu ɨya keyatuirieka heitseriemekɨ ke'ikatekani, meta siere ɨyaya yu'kɨna hepaɨsta. ⁴ Uka wikiekame tɨrɨkariya kwahexeiya yu'waiyaritsie, kɨnaya paɨta. Hapaɨnata siere, mɨkɨ uki neɨkekame tɨrɨkariya kwahexeiya yu'waiyaritsie, ɨyaya paɨta. ⁵ Xekwateyunamierieka, aixɨ xe'tetixatamerike meta siere kepauku xete hayawarike. Pɨxeketenekahuni kepauku xeme xe'muyutinenewiwanitsie. Xemeta yexetekakɨneme xeyutinɨni tawarita xeyɨwewe, meta tɨkakame xe'utainɨata kwayɨweni xe'hauyahɨakaku kexentekakɨne. ⁶ Mɨta ikɨ pɨnexerahɨawe xemeti'maitɨkɨkanikɨ ne ne'xenɨatɨ nekwahaine. ⁷ Ne tɨtɨ pɨneteuyahɨwa yunaitɨ ne hapɨ xe'anenikeyu. Mɨta yuxexuitɨ Kakaiyari imikieri xemexeiyatɨka. Xewitɨ ikɨ imikieri hapɨ anyineme mexeiya, meta xewitɨ yukɨ aneme. ⁸ Ukitsi meyuxexui meta siere ukarawetsixi wiuratsixi, ne pɨnexerahɨawe aixɨ ane xika uyeikani ka'neuketɨ meta siere ka'wikietɨ, ne hapaɨ. ⁹ Mɨta xɨka mekayɨweweni me'tenewieka yu'kɨmanatsie, mekehe yuwitɨkɨni. Aixɨ masi kakuyineni wa'kɨmana xika meheyuwitɨkɨni tatakuri mekwateyupitɨakakɨ hipame wa'matɨa. ¹⁰ Hikɨ'ta pɨnexerahɨawe, kehate memuyuwitɨkɨ nexeyatuirieni ikɨ nɨ'ari, ne tixaɨ, pɨta mɨkɨ ta'Ukiyari: " UKA WIKIEKAME KWAYɨWE YU'KɨNA MUKUE'EIRiWANI." ¹¹ Mɨta xɨka mɨkɨ yu'kɨna ukueirieni, yu'xeɨta ke'uyeikani ka'wikietɨ yakatixaɨta mɨkɨ yu'kɨna matɨa keuyutinɨtɨani. meta, " MɨKɨ UKI NEɨKEKAME YU'ɨYA MUKUE'EIRIWANI KWAYɨWE ." ¹² Mɨta kehate memanayuhayawa, ne pɨnexerahɨawe, ikɨ yenetayɨni ta'Ukiyaritsie kwatimieme, xika xewitɨ uki yu'ɨya hexeiyani sasuni katieriekame meta mɨkɨ yu'temawieka hamatɨana uyeikatɨ mekwa uyukue'eriwani. ¹³ Xikata xewitɨ uka yu'kɨna hexeiyani sasini katieriekame meta mɨkɨ yutemawieka hamatɨana uyeikatɨ, siere mekwa uyukue'eriwani. ¹⁴ Mɨkɨ uki neɨkekame sasuni kwatierie yu'ɨyatsie kau'tsie , meta siere uka wikiekame sasini kwatierie u'tsie siere yu'kɨnatsie. Xɨka pɨkatianenike xe'niwema aixɨ meanenetɨ mekakanakɨkani, meta Kakaɨyari'ri pɨta aixɨ kawayurieka'ri. ¹⁵ Meta xɨka mɨkɨ i'teɨtameya sasuni kwatierie heyani, xeuhayawa tseapa metɨa. Xɨka yetiuyɨni, mɨkɨ'ri mepayukuxɨnaxɨani memeyuwitɨkɨkaikɨ. Kakaɨyari tatsihahɨawe aixɨ iyari tekuteni. ¹⁶ Mɨkɨtsɨta, ¿Ekɨ uka keperakumate, xɨka a'kɨna pekuwikwestɨamɨkɨ? ya'ta ¿ekɨ hapaɨna ukɨ keparakumate xɨka a'ɨya pekuwikwestɨamɨkɨ? ¹⁷ Xekeneyuhayawani kexente hauyaxiku mɨkɨ tukari Ukiyari xeuyatuiri, aixɨ xetekahutɨ kehapaɨ xe'nɨa xe'Ukiyari. Ikɨ ne nɨari kahɨkɨtɨni naitsarie teyupanie manwetɨka. ¹⁸ ¿Xɨka xewitɨ circuncidado hɨkɨtɨkaitɨni kepauku mutahɨawerietsie sasuni tiutaerienikɨ? Mɨkɨ'ta pɨkwatiyuku hekɨkɨatani incircuncisos wahapaɨ. ¿Xɨka xewiti incircunciso hɨkɨtɨkaitɨni kepauku mutahɨawerietsie sasuni titaerienikɨ? ¹⁹ Mɨkɨ'ta pɨkwatiyuku hekɨkɨatani kename circuncidado, circuncision kwahɨkɨ meta siere incircuncision tita masi raya'axe. Paɨtatsɨ masi kataya'arɨkani aixɨ hetikamietɨ Kakaɨyari kentinɨa.. ²⁰ Yuxexuitɨ xekeneu'uwani meripai xeteuhukai hapɨ akuxɨ Kakaɨyari kwaxetahɨawiwekaitsie. ²¹ ¿Xeme xetehɨkɨtɨkai xemakuwɨkai kepauku Kakaɨyari xe'utahɨawixɨtsie? Tsixekwateha'eriwani ya'umiemekɨ. Mɨta xɨka xeyɨweweni xemayukɨxɨnaxɨani mexɨiwa pɨxeketenekahuni. ²² Keanetsɨ iya mutahɨawerie mɨkɨ ta'Ukiyarikɨ makuwieka hapɨ, mɨkɨtsiri Ukiyari ekuxɨname kahɨkɨtɨni. Yexeikɨata keane makuxɨnikai kepauku mutahɨawerietsie sasuni titaerienikɨ kanakuwieka Cristo'tsie. ²³ Xemeta'ri xeniutinanaiyani raya'arɨkamekɨ, mɨta xeme xekwa'ayukuwɨtɨakari teɨteri watsie. ²⁴ Iwamari, meripai tame ketenteuhukai akuxi sasini tekateta'eriewewetɨ yaxeikɨ akuxi tekete'uhuni. ²⁵ Hikɨta, keahate mekwautineɨkixɨa, ne'Ukiyari nɨarieya nekwahexeiya wahepaɨsta, Mɨta kenentiku'eriwa nexeyatuiriemɨkɨ hauerietɨ neka'ayanutɨ sasuni xeketene'erieka netsɨ Ukiyari'tsie nehaunewaɨriyatɨ ne'naineni. ²⁶ Yatianekɨ ne pɨnetiku'eriwa tsitiane tiyahanekɨ mɨkɨ yexei'kɨa xekete'uhuni meripai kexente'uhukai hapɨ. ²⁷ ¿Ekɨ axeɨta petiuyeika peka'neɨketɨ? Tixaɨtsɨ uka pekanekuwauneni a'ɨya pe'eyeitɨanike ¿Ekɨ axeɨta petiuyeika peka'wikietɨ? Tixaɨtsɨ uki pekanekuwauneni a'kɨna pe'eyeitɨanike. ²⁸ Xɨka'ta peutineɨke, tatakuri pekwatiapitɨani. Meta siere xɨka xewitɨ uka utiwikieni, mɨkɨ tatakuri kwatiyupitɨani siere. Meta kehate memanyuwitɨni niuki tsiranyitɨ titixuawere mexi yunaitɨ mekuteni, yetiyɨwekɨ ne pɨnetiku'eriwa yu'hɨkɨate xɨka xe'uwani aixɨ kuyine. ²⁹ Mɨta pɨnepaine ne'iwama: Tukari itsipayetewi. Hikɨ uwa u'mautiyunetsie, xekenewa'hayawani iya kehate yu'ɨitama mewareu'reiya meke hautiteni me'kwawareuxeiyeni hapɨ. ³⁰ Iya kehate me'mutitsuana me'kehautiteni me'kautitsuatɨ hapɨ; meta iya kehate me'yutemamawie mekeheu'titeni me'kwayutemamawieka hapɨ; iya kehate mete na'ne me'kehautiteni tixaɨ mekwate'unanai wa'atɨ hapɨ. ³¹ Meta Iya kehate kwiepa kementeyurie pɨmekete'yumateni kename anai kwiepa tsimekwate'uyuri hapɨ, mɨta kwie anai'kuma kaneuti'hurani kumawere. ³² Ne pɨ'nereuyahɨwa kename xeme xe'xɨxɨninikeyu xe'kahauyu iyaritɨatɨ. Iya uki kwa'neɨke kaneuyu iyaritɨaka waɨkawa yu'Ukiyaritsie timiemekɨ, mɨkɨ aixɨ rei'eritɨamɨtɨ . ³³ Mɨkɨtsɨ'ta uki neɨke kaneuyu iyaritɨaka waɨkawa anai kwiepa timiemekɨ, meta siere kehapaɨ ti'nɨtɨani yu'ɨya. ³⁴ Mɨkɨ kaneutewani. Uka'ta keane kwa'wikie ya'ta mɨkɨ uka tatakuri kwarexeiya kaneu yu'iyaritɨaka waɨkawa yu'Ukiyaritsie timiemekɨ, kehapaɨ ti'utsieka waiyarieya meta siere espiritu'ya. Mɨta Uka wikie siereta kaneuyu iyaritɨaka anai kwiepa waɨkawa ranierekɨ, meta siere kehapaɨ yu'kɨna ti'nɨtɨani. ³⁵ Ne pɨnepaine xe'hetsie miemekɨ nexe'parewiemɨtɨ, ne xeme nexe'tinamirietɨ ne'kwahaine. Ne ikɨ yenepaine aixɨmanyinekɨ, xɨka paɨmɨ xetekakɨne Ukiyari aixɨ xete'haueritɨatɨ xe'pakɨne tsixekateku'eriwatɨ. ³⁶ Xɨka'ta xewitɨ uki mɨkɨ yu'niwe kapitɨaka tiwikienikɨ, mɨkɨtari uka hauyumarieka, mɨkɨ yauya ke'ipitɨaka tiwikieni, tatakuri kwatiyuku'pitɨwanikɨ yu'xeɨta u'uyeikatɨ. ³⁷ Keaneta yu'iyaritsie aixɨ ti'kamie , tixaitɨ katiyunamirietɨ, yu'hetsie hauyu'waɨriyatɨ muyeika, pɨtiu'yuhɨaweka yu'iyaritsie, yu'niwe ɨwiyatɨ tatakuri tinamirietɨ, mɨkɨtsɨ axɨ katikamie'mɨkɨ. ³⁸ Mɨtsɨ yu'hutatɨ, iya keane yu'niwe yatuani tatakuri katiyupitɨaweme tiwikienikɨ aixɨ kayɨane'mɨkɨ, meta iya keane yu'niwe kwayatuani tiwikienikɨ masi axɨ waɨkawa katikamiemɨkɨ. ³⁹ Mɨkɨ uka yu'kɨnatsie kanakuwieka mexɨ mɨkɨ ayeniereni. Xɨka'ta kɨ'naya umɨni, mɨkɨ kanakuxɨnimɨkɨ wikiekai xɨkata tawari hau'wikimɨkɨni yɨwe tiwikieni tseapa keane matɨa, yu'Ukiyaritsie xeikɨa. ⁴⁰ Ne pɨnetikueriwa xɨka yu'xeɨta u'yeikanike yu'temawietɨ masi puyeikanikeyu. Ne'ta pɨnetikueriwa kename siere ne ne'hexeiya Kakaɨyari Espritu'ya.