¹ Tame pɨtete'enana kename xeme tatakuri xeteyupitɨa ukitsi meta siere ukari wamatɨa, mɨkɨ tatakuri akuxi ni'kwatiyupitɨaritɨ getil'tsixi watsata. Tetehahɨaweruwatɨ kename xewitɨ uka'hupu yu'yau ɨyaya matɨa. ² ¡Xeme xeteneukatawe'erie ye'xeyɨa! ¿Masi pɨta xeyu'iyaritɨakake? Keane mɨkɨ yetikatɨa kawayahɨiyamɨkɨ xe'tsata. ³ Xepatsɨ ne'tewapaitɨ nemuyeika tewiyari, mɨta espiritu'tsie ne'nekanieritɨa a'hula, ne'tsɨri iya ne'nentahɨani keane yentikatɨa, heyemekɨ xehamatɨa nemuyeikani hapɨ. ⁴ Kepaukuta xeme xenyukuxeɨrieni mɨkɨ ta'Ukiyari Jesús matɨa, ne espiritu'ta muwa siere yukanieritɨakatsie, ta'Ukiyari Jesús tɨrɨkariyayatsie, ne ne'nentahɨaniri ikɨ tewi. ⁵ Ne yenetiuyurieni ikɨ uki Tɨkakame hatsɨa neiyatuanike mɨkɨ waiyarieya tatsanakɨ, mɨta espiritu'ya kuwikwestɨarieni kepauku Ukiyari hamietsie. ⁶ Mɨkɨ mauyu'ɨ aixɨ kwa'ane. ¿ Xeme kuta xekateakumate kename xɨka etsiwa pa'puputsariyame tɨxitsie hahautiwiwieni xeimieme ta'putsare waɨkawa? ⁷ Xeme xekenekahauxinani mɨkɨ pa'puputsariyame hartiane, mɨta xeme xehɨkɨtɨni'kɨ hekwame tɨxi, pani aixɨ ane xehɨkɨtɨni pa'puputsariyame xekahexeiyatɨ. Mɨkɨ Cristo, ta'tewa muxa Pascua'tsie mieme, kaniumierieniri. ⁸ Mɨta xeketanepitɨaka tame tetakuxeɨrieni wiesta tewewiekuni, mɨkɨ pa'puputsariyame tsitiane meta siere tsiranyine kaxuawekaku. Paɨta'ta tame tetakuxeuriekuni pani axɨ aneme tehexeiyatɨ pa'puputsariyame aixɨ manyine'kɨ meta siere aixɨ ane'kɨ. ⁹ Ne u'tsika nexeuta'utsiri kename xekwayutinɨnɨweni teɨteri kehate tatakuri meteyupitɨa mɨkɨ ukitsi meta siere ukari wamatɨa. ¹⁰ Ne pɨnehaitɨ nekwahaine teɨteri aixɨ mekwatekahu anai kwiepa, meta siere naime metetemawie, mete'itawa, teyunaime metewarayexeiya, xɨka xeme xehautewarikuni wa'hapɨsta, pɨtatsɨ xeme anai kwiepa xenekumawere. ¹¹ Yaumiemeta ne nexeti'utɨirie kename xeme xekwayutinɨnɨweni xeime matɨa keane hasuni tierie tiyukuteruwa, mɨta tatakuritsie u'yeikatɨ mɨkɨ ukari wamatɨa meta siere ukitsi wamatɨa, siere keane naime reuheiwe'erie, yakatixaɨ teyunaime tiwarayexeiya, keane tsitiutaine meta tsiti'itɨa, meta siere keane kwinie tiyu'iwie, keane ti'itawa tinawaya. Ni hamatɨana xekwatenekwaka mɨkɨ yetikamie tewi matɨa. ¹² ¿Ne kuta mana nereuneyahatɨa newatixanetakɨ kehate iya teyupani warie memu'uwa? Mɨta paɨta, ¿Ketiu xeme xe'waxaneta teyupanie meya'uwa? ¹³ Pɨtatsɨ Kakaɨyari kawatixanetamɨkɨ iya yunaime kehate wapaitɨ memu'uwa. "XEKENEWAYAHɨWA IYA TEWI TSITIUKA'IYARI XEME XE'TSATA"