¹ Paɨmɨ karikɨ xewitɨ tewi tata eriyamɨkɨ, Cristo nɨ'ari hapɨ metasiere te ɨwɨyamete paleku mete ɨwiya yuri ranyɨne ti awietɨ Kakaɨyaritsie. ² Hikɨ'ta me wawiyarie tehuwemete me hikɨtini aixɨ mete kahutɨ. ³ Ne hapaɨsta yakɨ panyɨne xeme xenetsi akaxatsiriwani yakatixaɨ tsapa ke ane tewi. Ne nekɨmana nekwa yɨwe pɨnetiuneta huawe. ⁴ Ne nekwarakamate xɨkate tixau xenete atɨtɨaka ne hapaɨsta, pɨ anyɨtɨ'ta kwa anyɨne kename ne tsi nekatiuka iyari. Pɨta payani Ukiyari ke ane nehetsie aixɨ rakayurieni. ⁵ Ya umieme ne nekwa haterɨwa yɨkɨ ranyɨneme xeimetsie timieme ka aya'awekaku, Ukiyari mamietsie. Mɨkɨ ti atɨani hekɨariyatsie iya ti awietɨ makuyɨwi mɨta tɨhekɨata kentiyukɨ huawe iyari'te. Umanierita kakaɨyari waya tuiriene yu xexuime kwikari. ⁶ Hikɨ'ta, ne iwama, ne nehetsie pɨneti katɨa mɨta'siere Apolos xehapaɨsta paleku ti anenikɨ, mɨta tahapaɨstakɨ xeme xete hetimani ke anyɨtɨ manyɨne ikɨ niuki:'' kwinie hau'erietɨ pekwati kuxatani kwa reuku uxe hapi.'' ikɨ kahukɨtɨni ni yu xewit kwinie tewa kwayukakekanikɨ ni xeime hapaɨsta xeikɨa kwa ukani. ⁷ Mɨta ¿Ke'ane ti'xaɨ ti'xeiya ti'hekɨakame xeme xe'hepaɨsta mɨta hípame wa'tsie? ¿ke kuta xeme xe'anene yakɨ xekwateyatuiriyariewe? Xeme xeyatuiriyarie yakɨ , ¿ketiu xeme xepayuwe'eta pɨ xekwa uyɨni hapɨ? ⁸ ¡Ari xeme naime xete hexeiya tita xete'hauyahuwa! ¡ Pɨ xetehaeriwa kename xetuminikate! Xeme xeyunɨatɨ meripaɨtɨ xenɨatɨ xete ukatsutɨa tame tekate katsutɨawekaku! yurikɨ, pɨ nereuyahuwa xe nɨaka, tametasiere tenɨakakieyu xehamatɨa. ⁹ Ne pɨnetiku'eriwa kename Kakaɨyari tatsi'ka uitɨa nɨaritsixɨ, texeiyarienikɨ tekwiyanitsie. Tame tepayeitɨarie tehekɨakakɨ naitsarie, metasiere wa hixie akeritsixi siere teɨteri. ¹⁰ Tame tehukɨ tekwa hau'anana Cristo'kɨ, xeme'ta xehukɨ xete akumate Cristo'tsie. Tame tekwa tɨrɨkawi, xeme kɨrixɨa xetɨrɨkawi. Xeme palekɨ xepau enierie, tameta paleku tekwa enierie. ¹¹ Meripaitɨ hatiyune hikɨ yaxeikɨa tepauhakakwiku metsiere tepauhariku, wari tete hauyuku ketɨatɨkaitɨ, waɨkawa tetiweiwatɨ, teka ukitɨ. ¹² Tame waɨkawamekɨ tete uximaya ta mamatekɨ tete uximaya. Kepaukɨ temantatieriwa, tame aixɨ tetewara eriya. Kepauku temuweiyarie, tetenewie. ¹³ kepauku te itariekatsie, palukumekɨ tewara huawe. Yatɨtɨ'ta yaxeikɨa meta'te ku'eriya, xatsi hapɨ kwinie tikwematɨ. ¹⁴ Ne ikɨ yenekwa tiku utɨwa nexete winɨamitɨ, pɨta nexeti mari'itɨanike ne niwama wahapɨ. ¹⁵ Tsepa xeme xemexeiyanike 10 mil tehuwemete Cristo'tsie, xeme wɨukawame xekwa ukayau. Ne nekaratia xe yau Cristo Jesus'tsie, mɨkɨ niuki hekwatsie. ¹⁶ Ne nexe'inie ne hapɨ xete uhuni'kɨ. . ¹⁷ Ya umieme nexeneyanɨ'airieni Timoteo, aku kwinie nereiyahuwa mɨkɨ hikɨ neniwe yuri ti'erie Ukiyari'tsie. Mɨkɨ xetsi aye eristɨani ne kenere'yexeiya kenetiweika Cristo, metasiere kenetiwa ɨkɨtɨa naitsarie teyupanie mukuwetɨka. ¹⁸ Hikɨ'ta hipatɨ xeme kwinie tewa xeyuka'uitɨa, pɨxetekahu wu'atɨ xehamatɨa ne nekaranuani. ¹⁹ Neta yapauku xehatsia nepanɨan, xikate Ukiyari pɨreuyahuaka. Mɨta ne neretimani kemente unuka mikɨ kwinie tewa meyuka'uitɨa, mɨta ne newaxeiya xɨkate aku tɨrɨkariya me hexeiyani. ²⁰ Kakaɨyari kwieparieya kwa hukɨ xeikɨa kwinie hatɨkuxatani pɨta tɨrɨkariya. ²¹ ¿ Xeme tita xetehauyahuwa? ¿Neta xehatsia netiyemie iwaɨya ne akwetɨ nusu palekumekɨ espiritu aixɨ aneme?