¹ Mɨta ne, ne'iwama, nekwa 'uyɨwekaxɨa nexe'tiutaxatɨani teɨteri mete'akumate hapaɨ, pɨta teɨteri metehauyehɨwa hapaɨ, mɨta unetsiri wahapaɨ keke nu'nuiwakate Cristotsie. ² Nexetiumi tsitsikɨ mɨta waikɨ nekwaxetiumi, akuxi'aixɨ xekwa 'akuanekai waií xekwanikɨ. Mɨta akuxi hɨkɨ aixɨ xekwa 'aku'ane. ³ Akuxi xeme waií kereuyehɨwa xehɨkɨtɨni . Akuxi tixuawekaku 'ɨtetsarika mɨta tsixete hayumamatetɨ, ¿akuxi aku xekate uúwa waií kereuyehɨwa mɨta pɨxekwatekahu tewi aixɨ'tikamie hapaɨ? ⁴ Mɨta kepauku xewitɨ pɨtayɨni: ''Ne nepuweiya Pablo,'' Mɨta xewitɨ tayɨni: ''Ne nepuweiya Apolos,'' ¿tewi aixɨ tikamie hapaɨ xekwatekahu,? ⁵ Tamɨta, ¿ke'ane hɨkɨ Apolos? ¿mɨta ke'aneta hɨkɨ Pablo? Te'uximayatamete tsepa ke'anetsie suni xete'uta 'eri, Ukiratsi yuxexuime waruhayewi kemeteyurienikɨ. ⁶ Ne netiukake, Apolos tiuka'ipa, mɨta Kakaɨyari weriya yetua. ⁷ Ni tiukake, hapaɨna tiuka'ipa tixɨtɨ mekwate'hɨkɨ. Kakaɨyari kahɨkɨtɨni ke'ane weriya yetuaá ⁸ Hikɨta, tiukake mɨta tiuka 'ipa yaxeikɨa me'aneneni, mɨta yuxexuitɨ metepitɨariekuni kemete'uyurikɨ. ⁹ Tateɨtame tehɨkɨkɨ tete'uximayatsie Kakaɨyari hatsɨa. Xemeta xehɨkɨtɨni Kakaɨyari tu'tuyarimama. meta wewiyarimama. ¹⁰ Akaxewimekɨ Kakaɨri nenimayatsikayakɨ Ne netiyetuiriyerie, ti'ɨkitame hapaɨ, aixɨti'aneme netitsutɨanikɨ, ne'mikatsutɨatsie mɨta xewitɨ piyewewixime yu'hetsiekɨ. mɨta yuxexuitɨ meke i'ɨwiyani kemete 'uwewiwakɨ. ¹¹ Ni xewitɨ kwayɨwe tetexi maukayatsa pɨta ke'ane mankakerie, mɨkɨ'kahɨkɨtɨni, Jesucristo. ¹² Hikɨta, xɨka xewitɨ maukatsutɨtsie rawewieni Orokɨ, platakɨ, tetexi'witsi 'anenekɨ, mexakɨ, xatsikɨ, ¹³ uximayatsikaya kahekɨatsiemɨkɨ, hekɨariya tukari kanihekɨatamɨkɨ. Mɨta kata 'inɨatsiemɨkɨ taipa. Taií kata inɨatamɨkɨ yuxexuitɨ kemete 'uuximayataxɨ. ¹⁴ Xɨka xewitɨ 'uximayatsikakaya 'wikweka, mɨkɨ yuhetsie katihɨimɨkɨ 'imikeri; ¹⁵ mɨta xɨka xewitɨ 'uximayatsikaya 'utatani, kayukaheiweriemɨ reuyehɨanikɨ; mɨta yukɨmana kakuwikweimɨkɨ, taipa muyuta'una hapaɨ. ¹⁶ ¿Xekate 'akumate xeme kename Kakaɨri teyupanieya xehɨkɨ mɨta kename Kakaɨri Espirituya xehetsie 'uyutikitɨa? ¹⁷ Xɨka xewitɨ Kakaɨyari teyupanieya uta'una, Kakaɨyari kanika 'unamɨkɨ mɨkɨ'tewi. mɨkɨ Hɨkɨkɨ Kakaɨyari teyupanieya aixɨ'ane, mɨta xeme'hapaɨna. ¹⁸ Xewitɨ kwatiyu'itaiyani yukɨmana. Xɨka xewitɨ xehamatɨa pɨtiyukuhɨaweni kename rakumate hikɨ'witari, xeuhayewiri xewitɨ ''kwahau 'enatɨke'ayani'', mɨta rakumaitɨ kanayeiweni. ¹⁹ Mɨta timaikame 'ikɨ kwie tamatsie hasuni kwatihɨkɨ Kakaɨyarikɨ hatsɨa, paɨmɨ reuku'uxakɨ: ''MɨKɨ RAKUMATE YUXATA KAWIYAMɨKɨ YUKɨMANA TIYUKUHɨAWEKAKU.'' ²⁰ Mɨta hekwamekɨ: ''UKIRATSI KATAKUMAIKA NAIME KETIYUKUHɨAWE KE'ANE RAKUMATE YUXATA TIXAɨTɨKɨ KWATIYUNAKE 'ERIIE ²¹ Hawakɨri, we'erika teɨteri wahatsɨa! Naitɨtsɨ xepini katihɨkɨ, ²² tepa Pablo, yakatixaɨ Apolos yekatixaɨ Cefas, yakatixaɨ kwietamatsie, yakatixaɨ tukari, yakatixaɨ mɨkiriya, yakatixaɨ pini hikɨ, yakatixaɨ pini kentiyɨni. naitɨ xepini katihɨkɨtɨni, ²³ Mɨta xeme Cristo xetenpinieyatɨni, mɨta Cristo kakaɨyari katipinieyatɨni.