¹ Kepauka ne mantɨa'tsie nerekuwau'tsie xe'hatsɨa, iwamarixi, ne kwa hantɨa yɨkɨ manyɨnekɨ niuki meta tiyu'mainɨakɨ. ² Mɨta ne pakaxewixixɨ tixaɨ ne katimaimɨtɨ kepauka mu'yeikakai'tsie xe' hatsɨa, meta hawaikɨ mɨkɨ tsie Jesucristo mu'kawiya. ³ Mɨta xe'hamatɨa ne muyeikakai ne kayɨwetɨ, mɨta siere ne haumakaxetɨ,waɨkamekɨ ne uyɨyɨakatɨ. ⁴ Ne niuki meta ne waurika kwa'akɨ ne niuki kwa'aíwariekɨ tiyu'mainɨakɨ. Mɨta Espíritu tɨrɨkaɨyemekɨ katiu'yɨni tiyumainɨakɨ, ⁵ Xeme xe'yuri eriyerika kwa reuwiyanike tiyumainɨakɨ tewi'tsie, paɨ'ta Kakaɨyari tɨrɨkarieya'tsie. ⁶ Hikɨ'ta tame niuki yumainɨa tekuxatani iyaá me mauyumate wa'hatsɨa, Mɨta hawaikɨ kwie'tama yumainɨakɨ, meta ni'itsɨkate ikɨ witariyari keane me mu'kumamawire. ⁷ Paɨ'ta te niuniukani Kakaɨyari niukieya tiyumainɨakame sasúnikɨ ti'awiwetɨkɨ, tiyumainɨa awietɨkɨ Kakaɨyari kaneka'xewiriya akuxi witariyari ka'aya'awekaku ta hetsie mieme raya'axekɨ. ⁸ Ni'xewitɨ itsɨkate ikɨ witariyari mekwa'hetima ikɨ tiyumainɨa, xɨka xe'heitimanike a'na tukari'tsie, Ukiyari raya'axe xekwaukawiwanikekai. ⁹ Mɨta reuku'uxa hapaɨ: '' XEWITɨ HɨXI KWATINIERIWE HAPAɨ, XEWITɨ KWATI'ENAWE HAPAɨ, XEWITɨ KWATI'YUHɨAWIME HAPAɨ, MɨTA PINI KAKAɨYARI AIXɨ TIUKUYURI WA'HETSIE MIEME KEANE IYAMEXI ME MEIYA'HɨWA ¹⁰ Ikɨ ka'hɨkɨtɨni pini Kakaɨyari ta tiuxeiyestɨa tame Espíritu'kɨ. Mɨta Espíritu naime kati wauneni, meta Kakaɨyari pinieya ti ewiekɨ. ¹¹ ¿ke ane ra'kumate tewi kwaxuaya'tsie timieme meta tewi Espíritu'ya mɨkɨ tsie? Mɨta siere, xewitɨ Kakaɨyari pinieya ti ewiekɨ kwarakumate, ni'hapaɨna Kakaɨyari Espíritu'yakɨ. ¹² Mɨta siere tame kwie'tama espíritu'ya te kwa'ankwewiwawe, paɨ'ta Espíritu Kakaɨyari'tsie mayenenakɨ, Kakaɨyari pini kati'yetuaka karaya'aka tame tete'hetimamatenikɨ kɨmana. ¹³ Tetenikuxatani ikɨ pini'tsie niukikɨ meta tiyu'mainɨakɨ tewi niukieya kwati'ɨkitanikɨ, paɨ'ta espíritu kemɨ'tati'ɨkitɨá. Mɨkɨ Espíritu kani'kuxatani niuki kahekɨakamekɨ meta tiyumainɨakɨ kahekɨakamekɨ. ¹⁴ Tewi espíritu kwa hexeiya mɨkɨ kwa'rankwewíe tita pini Kakaɨyari espíritu'ya ti hetsiena, mɨta mɨkɨ wa'hespsta kwati'sasúnikɨ. Mɨkɨ me meitimani me kwayɨwawe me meiti'enieni ka'hekɨakamekɨ. ¹⁵ Keane espíritu me xeiya mɨkɨ naime pini'tsie aixɨ katakayuruwani, mɨkɨ'ta kwa akuwie aixɨ rakayɨne'tsie hipame wa'hetsie. ¹⁶ MɨTA, ¿KEANE YɨWE METIMANI UKIYARI KWAXUAYA, MɨTA MɨKɨ TITA'ɨKITɨANI KE MɨTIYURIENI?'' Mɨta siere tame Cristo kwaxuaya tene'xeiyani ta'mu'utsie.