¹ Lapho ke umbuso welizulu uyawufana netitfombi letilishumi letatsatsa tibane tato taya kuyawuhlangana nemyeni. ² Letisihlanu tato tatitilima letinye letisihlanu tato tatihlakaniphile. ³ Ngoba ngesikhatsi letintfombi letatilibele titsatsa tibane tato, atizange tawatsatsa emafutsa. ⁴ Kepha letatihlakaniphile tatsatsa titja temafutsa kanye netibane tato ⁵ Kwatsi lapho umyeni asebambekile, base bonkhe bafikelwa butfongo balala. ⁶ Kepha phakatsi nebusuku kwaba nekumemeta, 'Buka, umyeni! Phumani nimhlangabete.' ⁷ Tonkhe letitfombi tase tiyavuka talungisa tibane tato. ⁸ Leti letatitilima tase titsi kuletihlakaniphile, 'Sipheni incenye yemafutsa enu ngobe tibane teftu setiyacisha,' ⁹ ''Kepha letihlakaniphile taphendvula tatsi, 'Njengoba angeke enele kitsi nani, hambani lokungenani niye kulabawatsengisako niyetitsengela nani.' ¹⁰ Batsi basehambile baye kuyotsenga, umyeni wefika, labo labebalungele base bahamba naye baya edzilini lemshado, umnyango wase uyavalwa. ¹¹ "Emvakwaloko tafika leti letinye tintfombi tatsi, 'Nkhosi, nkhosi, sivulele.' ¹² "Kepha waphendvula watsi, 'Ngicinisile ngitsi kini, anginati.' ¹³ Ngako-ke lindzani, ngobe anilati lilanga noma lihora. ¹⁴ "Ngoba Kunjangalapho indvodza leyatsi seyitawuhamba iye kulelinye live. Yabita tisebenti tayo yatinika emandla etikwelifa layo. ¹⁵ Kumunye wabo wamnika emathalenta lasihlanu, kulomunye wamnika mabili, kwatsi kulomunye wamnika laba linye lithalenta. Nguloyo wemukela linani lelingangemandla akhe, yase lendvodza iyachubeka neluhambo lwayo. ¹⁶ Lona lowemukela emathalenta lasihlanu wahamba masinyane wawatalisa wakha lamanye lasihlanu emathalenta. ¹⁷ Kanjalo nalona lowemukela emathalenta lamabili wawatalisa atala lamabili. ¹⁸ Kepha lona lowemukela lithalenta linye wahamba, wemba umgodzi emhlabatsini, wayifihla imali yenkhosi yakhe. ¹⁹ Emvakwesikhatsi lesidze lenkhosi yaletisebenti yabuya kutewutewubalisana nabo. ²⁰ Lesisebenti lebesemukele emathalenta lasihlanu sefika saletsa lamanye lasihlanu. Satsi, 'Nkhosi wanginika emathalenta lasihlanu. Bheka sengakhe lamanye lasihlanu'. ²¹ ''Inkhosi yaso yatsi kuso', 'wentekahle, sisebenti lesihle nalesetsembekile! Ubenekwetsembeka nasetintfweni letincane. Ngitakubeka wengamele tintfo letinyenti. Ngena ekujabuleni kwenkhosi yakho'. ²² Sisebenti lesasinikwe emathalena lamabili seta satsi, 'Nkhosi, wanginika emathalenta lamabili. Buka, sengakhe lamanye lamabili emathalentha. ²³ 'Inkhosi yaso yatsi kuso 'Wentekahle, sisebenti lesihle nalesetsembekile! Bewetsembekile nasetintfweni letincane. Ngako ngitakubeka wengamele tinfto letinyenti. Ngena ekujabuleni kwenkhosi yakho'. ²⁴ Kawse sisebenti lesasinikwe lithalenta linye sase siyefike satsi, 'Nkhosi, ngiyati kutsi ungumuntfu lofuna tintfo ngendlela yato. Uvunalapho ungazangesewuhlanyele khona, ubutsa lapho ungazange usakate khona. ²⁵ Bengesaba, ngakoke ngihamba ngayolimbela lithalenta lakho. Buka ke unako lapha lokungokwakho. ²⁶ Kepha inkhosi yaphendvula yatsi kuye, Wena, 'sisebenti lesibi nalesivilaphako, bewati kutsi mine ngivuna lapho ngingaka hlanyelikhona, ngiphindze ngibutse lapho ngingaka sakati khona. ²⁷ Ngabe utsetse lemali yami wayifaka ebhange, bengitayikhandza seyinentalo. ²⁸ 28 ngako tsatsani lelithalenta, nilinike lenceku lenemathalenta lalishumi. ²⁹ Ngobe ngulowo naloyo lonako, lokuningi uyakwengetelwa - ngalokuningi kakhulu. Kepha kulowo nalowo longenalutfo, ngisho naloko lanako uyawukwemukwa. ³⁰ Lahlani lesisebenti lesingenalusito ngaphandle ebumnyameni, lapho kunekukhala nekugedletela kwematinyo. ^{33 31} Ngesikhatsi Indvondzana yeMuntfu ita ngenkhatimulo yayo nato tonkhe tingelozi kanye nayo, iyawubese ihlala esihlalweni sayo senkhatimulo, ³² Ngaphambi kwayo kuyawubutsana tonkhe tive, iyawubese yehlukanisa bantfu labanye kulabanye, njengemelusi ehlukanisa timvu netimbuti. Utawubeka timvu ngasekudla sakhe, kepha timbuti ngasencele sakhe. ³⁴ Lapho ke iNkhosi iyawutsi kulabo labangesekudla sayo, 'Wotani, nine lenibusiswe nguBabe, dlanini umbuso, lolungiselelwe nine seloku kwasekelwa umhlaba. ³⁵ Ngobe ngangilambile nangipha kudla; Ngangomile nangipha kwekunatsa; ngangisihambi nangingenisa emitini yenu; ³⁶ Ngangingcunu nangingcokisa; ngangigula nanginakekela; ngangisejele, neta kimi'. ³⁷ Laba labalungile bayaphendvula batsi, 'Nkhosi, sakubona nini ulambile sakondla, nome womile sakunatsisa? ³⁸ Sakubona nini usihambi sakwemukela emitini yetfu, Noma ungcunu sakwembatsisa? ³⁹ Sakubona nini ugula, noma usejele sata kuwe? ⁴⁰ Inkhosi iyawubaphendvula itsi, 'Ngicinisile ngitsi kini, Konkhe loko lenakwentala munye walabancane kubomnaketfu, nanentela mine.' ⁴¹ ' Iyawubese itsi kulaba labangesancele sakhe, 'Sukani kimi, nine lenicalekisiwe, niye emlilweni waphakadze lolungiselwe umkhohlisi netingelosi takhe, ⁴² ngoba ngangilambile, kodvwa aningiphanga kudla;; ngangomile, kepha aningiphanga kwekuatsa; ⁴³ Ngangisihambi,, kodvwa aningingenisanga emitini yenu; ngingcunu, kodvwa aningigcokisanga; ngigula, futsi ngisejele, kodvwa aninginakekelanga.' ⁴⁴ "Kanjalo nabo bayophendvula batsi, 'Nkhosi, sakubona nini ulambile, nome womile, noma usihambi, noma ungcunu, noma ugcunu, noma ugula, noma usejele, sangete sakusita? ''' ⁴⁵ Kanjalo iyawubaphendula itsi, 'Ngicinisile ngitsi kini, Loko leningakwentanga kumunye walaba labancane, anikwentanga kimi. ⁴⁶ Labo-ke bayawuhamba baye ekujezisweni kwaphakandze, Kodvwa labalungile ekuphileni kwaphakadze.''