¹ Ngaleso sikhatsi labafundzi beta kuJesu batsi, ''Ngubani lomkhulu embusweni welizulu?'' ² Jesu wabita umntfwana lomncane, wamhlalisa kibo, ³ wase utsi, ''Ngicinisile ngitsi kini, ningakashintji nafana nebanftwana labancane, angeke nimbone umbuso welizulu. ⁴ Ngakoke, lotitfobako njengalomntfwana ungetulu embusweni welizulu. ⁵ Loyo loyomukela umntfwana lomncane njengalona ngelibito lami, uyawungemukela. ⁶ Kodwa lokhubelisa abe munye kulaba labancane labakholwa kimi, kuncono kuye litje lekusila liboshelwe entsanyeni yakhe acwiliswe ekujuleni kwelwandle. ⁷ ''Maye kulomhlaba ngekutsi kukhona tikhubekiso! Ngobe tikhubekiso kufanele kutsi tibekhona, kodwa maye kulowo muntfu letita ngaye! ⁸ Nangabe sandla nome lunyawo lwakho lukonisa, lijube ululahle khashane nawe. ngobe kuncono kuwe kungena ekuphileni uyingini nobe uyinchute kune kutsi ube netandla totimbili nobe unetinyawo totombili kepha ulahlwe emlilweni waphakadze. ⁹ Nangabe liso lakho likonisa, likupulute ulilahle khashane nawe. kuncono kuwe kungena ekuphileni uneliso linye kune kutsi ube nemehlo omabili kantsi utawulahlwa esihogweni semlilo ^{10 11} Caphelani ningedzeleli ngisho namunye kulaba labancane. Ngoba ngitsi kini tingilosi tabo ezulwini tibubona njalo buso baBabe losezulwini. ¹² Nicabangani? Nangabe umuntfu anetimvu letilikhulu, besekulahleka yinye yato, i akatishiyi yini leti letinye letingu-99 emadlelweni aye kuyo funa lelelahlekile? ¹³ Nakayitfola, ngicinisile ngitsi kini utfokota kakhulu ngayo kunaleti letingu-99 letingakalahleki. ¹⁴ Kanjalo ke, akusiwo intsandvo yeyihlo losezulwini kutsi kubhubhe nome ngabe munye kulaba labancane ¹⁵ '' Nangabe umnakenu akonile, hamba umtjele liphutsa lakhe, kube kuwe naye kuphela. ¹⁶ Kepha nangabe angakulaleli, tsatsa munye nobe babili khona batoba bofakazi. ¹⁷ Nangabe angafuni kubalalela nabo, bika indzaba yakho yonkhe ebandleni, sale umtsatsa njengumufokati nobe umtselisi. ¹⁸ Ngicinisile ngitsi kini, konkhe leniyawukubopha lapha emhlabeni kuyawube kubpshiwe nasezulwini, nako konkhe leniyawukukhulula lapha enhlabeni kuyawube kukhululiwe nasezulwini. ¹⁹ Phinze ngitsi kini nangabe lababili benu lapha emhlabeni bavumelana nome nga luphi ludzaba labalucelako, bayawulwentelwa ngubabe losezulwini. ²⁰ Ngobe lapho kuhlangenekhona lababili nome labatsatfu egamenilami, nami ngikhona emkhatsini wabo ²¹ Kwase kuta Phetro watsi kuJesu, ''Nkhosi, umzalwane uyawungona kangaki solomane ngimtsetselela? kuze kube kasikhombisa yini?'' ²² Jesu watsi kuye, ''angikakutjeli kutsi kasikhombisa, kodvwakuze kube mahlandla lange-70 ²³ Ngako ke umbuso welizulu ufanana nenNkhosi leyayifuna ktsi tonkhe tisebenti letatiyikweleda tisale setiyikhipha yonkhe imali yayo. ²⁴ Kwekucala kwaletfwa embikwayo lesasiyikweleda emaRandi latigidzi letinyenti. ²⁵ Kepha ngoba sasite lutfo lwekukhokale sikwelede, lenNkhosi yatsi akutsengiswe ngaso, nemkakhe nangebantfwa baso nakokonkhe lesinako, kuze kutewukhokhwa lesikweledi. ²⁶ Lesisebenti sase siwa phansi sikhotsamela leNkhosi sadzimate satsi,' Nkhosi, mane ungibeketelele, khokha ngitawusi sonkhe lesi kwelede sami.' ²⁷ Inkhosi yaba nesihawu, yasesula sonkhe lesikwelede yamkhulula. ²⁸ Kepha lesisebenti saphumela ngaphandle sahlangana nalesinye sesisebenti lesikanye naye, lesasimkweleta emaDenari lalikhulu. Wamdvonsa, wamkhama, wase utsi, 'Ngibhadale longikweleta kona.' ²⁹ Kepha lesisebenti sawela phasi satincengela, satsi, 'Ase umane ungibeketelele, ngitokubhadala.' ³⁰ Kepha sisebenti sekucala sala sona. Kopha sahamba samufaka ejele size siyikhokhe lesimikweleta kona. ³¹ Letinye tisebenti letatikanye naso natikubona loko, bakwata kakhulu. Tafika tabikela inkhosi ngalokwentekile. ³² Inkhosi yase ibita lesisebenti yase itsi kiso, 'Wena skhohlakali sesisebenti, ngikucolele ngato tonkhe tikweleti takho ngobe ungincengile. ³³ Awukasihawukeli ngani lesisebenti lesikanye nawe, njengobe nami ngikuhawukele?. ^{34 35} Inkhosi yaso yaftukutsela yasinikela kubaphatsi belijele size sikhokhe sonkhe sikweleti. Kanjalo naBabe losezulwini uyawukwenta loko kini naningatsetseleli bazalwane benu ngentinhlitiyo letiphelele.''