¹ Kwatsi Jesu asacedze kukhuluma lawomagama, wesuka eGalile waya eveni laseJudiya ngesheya kwemfula iJodane. ² Ticumbi letikhulu tebanftu tamlandzela, wabaphilisa khona lapho. ³ BaFarisi beta kuye, bamlinga, batsi kuye, ''Kusemtseftweni yini kutsi indvodza idivose umkayo noma ngasiphi sizatfu?'' ⁴ Jesu waphendvula watsi, ''Anikafundzi yini uMdali ekucaleni wadala lomdvuna nalomsikati? ⁵ Umdali waphindze watsi, 'Ngenca yaloko indvodza iyawushiya uyise nenina inamatsele kumkayo, labo bobabili sebayawuba munye ngekwenyama. Ngako abasesiko babili kepha sebamunye. ⁶ Ngoko ke loko lokuhlanganiswe nguNkulunkulu, akungabe kusahlukaniswa ngumunftu.'' ⁷ Batsi kuye, ''Yini Mosi wasinika umyalo wekutsi indvodza ingamnika umfati wayo incwandzi yedivosi bese iyamlahla?'' ⁸ Watsi kibo, ''Ngobe tinhlitiyo tenu ticinile, Mose wanivumela kutsi nidivose bafati benu, kepha kusekela ekucaleni akusiyo leyondlela. ⁹ Ngitsi kini, loyo lodivosa umfati, ngaphandle nangabe uphingile, nobe ushade lomunye, uyaphinga; indvodza leshada umfati lodivisiwe uyaphinga.'' ¹⁰ Bafundzi bakhe batsi kuye, ''Nangabe loku indzaba yendvodza nemfati wayo, akusiko kahle kushada.'' ¹¹ Kepha Jesu watsi kibo, ''Akusiye wonkhe muntfu lomukela lemfundziso, kepha ngulabo kuphela labavumeleke kutsi bakwemukele. ¹² Ngobe kukhona batsenwa lebebavele banjalo kusukela etiswini tabomake babo, phindze kunebatsenwa labatitsenwa bantfu, kukhona nebatsenwa labatitsena bona ngenca yembuso welizulu. Loyo lokhona kwemukela lemfundziso lena, akayemuke.'' ¹³ Bantfwana labancane baletfwa kuye khona atobabeka tandla atsandaze, kodva bafundzi bakhe babekhuta labo bantfwana. ¹⁴ kodvwa Jesu watsi, ''Vumelani labantfwana labancane, futsi ningabaleli kutsi bete kimi, ngoba lizulu ngelabo. ¹⁵ Wababeka tandla labantfwana, wase uyasuka uyahamba. ¹⁶ Kwase kufikalijaha ku Jesu latsi, ''Mfundzisi, ngingahle ngenteni lokulungile kuze ngitewuba nekuphila lokuphakadze?'' ¹⁷ Jesu watsi kuye, ''ungibutelani ngalokulungile? Kunye kuphela lokulungile, kodvwa nawufuna kungena ekuphileni, gcina imiyalo.'' ¹⁸ Lelijaha latsi kuye, ''Yiphi imiyalo?'' Jesu watsi, ''ungabulali, ungaphingi, ungebi, ungafakazi emanga, ¹⁹ hlonipha uyihlo nenyoko, utsandze makhelwane wakho njengoba utitsandza wena.'' ²⁰ Lelijaha latsi ku Jesu, konkhe loku ngikugcinile. yini lesengikudzinga?'' ²¹ Jesu watsi kuye, '''nawufise kuba ncono, hamba, utsengise konkhe lonako, uphe labaphuyile, uyawuba nemcebo ezulwini; utawubese uyangilandzela.'' ²² kodvwa lelijaha nalikuva loko, lahamba lidzabukile, ngobe belicebe kakhulu. ²³ Jesu watsi kubafundzi bakhe, ''ngicinisile ngitsi kini, kulukhuni kumuntfu lonjinge kakhulu kutsi angene embusweni welizulu. ²⁴ Ngiyaphindza futsi ngitsi kini, kumelula kutsi likamela lingene embotjeni yenyalitsi, kunekutsi umuntfu lonjingile angene embusweni waNkulunkulu.'' ²⁵ Batsi nabeva bafundzi baJesu, bamangala batsi, ''pho, ''Ngubani longasindziswa?'' ²⁶ Jesu wababuka watsi kubo, '''kute umuntfu longakwenta loku, kodvwa nga Nkulunkulutintfo tiyenteka.'' ²⁷ Phetro waphendvula watsi kuye, ''asewubuke, sishiye konkhe salandzela wena. kepha siyawutfolani?'' ²⁸ 28 Jesu watsi kubo, ''Ngicinisile ngitsi kini, emnyakeni lomusha lapho khona indvodzana yemuntfu ihleti esihlalweni sebukhosi, nonkhe nine leningilandzelako nonkhe niyohlala etihlalweni leti lishumi nakubili, nehlulele netive letilishumi nakubili taka-Israyeli. ²⁹ Wonkhe umuntfu loshiye likhaya lakhe, bomnakabo, bodzadzewabo, nome uyise, nome unina, nome bantfwana, nome emasimu ngenca yami, uyawemukela ngaloku phindziwe, adle nelifa lekuphila. ³⁰ Kodvwa labo bekucala bayoba bekugcina, futsi bekugcina bayoba bekucala.