¹ Emvakwemalanga lasitfupha Jesu watsatsa boPhetro, Jakobe, kanye naJohane umnakabo. wenyukela nabo entsabeni bababodvwa. ² Jesu wagucuka lesinye simo embikwabo. Buso bakhe bakhatimula njengelilanga, tingubo takhe taba mhlophe njengekukhanya. ³ Kwase kubonakala boMosi naElija kubo bakhuluma naye. ⁴ Phetro waphendvula watsi kuJesu, ''Nkhosi kukahle yini kutsi sibe lana. Nawutsandza, ngitowakha ematsende lamatsatfu--linye lakho, lelinye libe laMosi, lelinye libe laElija.'' ⁵ Watsi asakhuluma nabo, kwachamuka lifu lelikhatimulako, labasibekela. Kwevakala livi kule lifu litsi,''lena yiNdvodzana yami letsandzekako, lengitfokota ngayo. Mulaleleni.'' ⁶ Batsi bafundzi bakhe nabeva loko, bawa phansi ngebuso besaba kakhulu. ⁷ Kepha Jesu weta wabatsintsa watsi,'' sukumani ningesabi.'' ⁸ Batsi nababuka bangaboni muntfu ngaphandle kwaJesu. ⁹ Basehla kulentsaba Jesu tjela watsi,''Ningatjeli muntfu ngalenikubonile kuze kuvuswe iNdvodzana yemuntfu kulebafile.'' ¹⁰ Bafundzi bakhe bambuta, batsi,''Leni bafundzisi bemtsetfo batsi kufanele kutsi kufike Elija kucala?'' ¹¹ Jesu wabaphendvula watsi,''Empeleni Elija uyeta uyawubuyisela konkhe esimeni sako. ¹² Kepha ngitsi kini, Elija sewufikile, kepha bantfu abamboni. kepha, benta konkhe labafisa kukwenta kuye. Kanjalo, neNdvodzane yemuntfu iyawuhluphekela etandleni tabo.'' ¹³ Basebafundzi baya bona kutsi abekhuluma kubo ngaloJohane uMbhabhatisi. ¹⁴ Kwatsi nabefika esicubini sebantfu, kweta iNdvodza kuye, yaguca embikwaJesu, yatsi,'' ¹⁵ Nkhosi, yiba nemusa endvodzaneni yami, ngoba inesitfutfwane ihlupheka kabi. Iwela futsi emlilweni nasemantini. ¹⁶ Ngiyiletse kubafundzi bakho behluleka kuyelapha.'' ¹⁷ Jesu waphendvula watsi, ''kungatsembeki nenkhohlakalo yesitukulwane, kuyawuba ngunini nginani? kuyawuba ngunini nginibeketelela? ¹⁸ Jesu walekhuta lelidimoni, laphuma kuye, lomfana waphila kusukela leso sikhatsi ¹⁹ Bafundzi base beta kuJesu ngasense batsi,'' Kwentiwa yini kutsi tsine singakhoni kulikhokha lelidimoni? ²⁰ Jesu watsi kubo, '' kwentiwa kutsi ninelukholo loluncane. Ngoba ngicinisile ngitsi kini, naningaba nelukhono loluncane lolungangenhlavu yendlulamitsi, ningatsi kulentsaba,'sukala uye lapha,' ivele isuke,' kute lokungete kwenteka kini,'' ²¹ kepha loluhlobolelidimoni aluphumi ngaphandle kwekukhuleka nekuzila.'' ²² Ngesikhatsi baseseGalile, Jesu watsi kuba fundzi bakhe,'' iNdvodzana yeMuntfu itawunikelwa etandleni tebantfu, ²³ batayibulala, kodvwa ngelilanga lesitsatfu itawuvuswa ekufeni.'' bafundzi badzabuka kakhulu. ²⁴ Batsi kube bafike eKhaphanawume, leNdvodza leya butsa umtselo welitsempeli beta babuta kuPhetro batsi, ''umfudzisi wenu uyawukhipha yini umtselo welitsempeli?'' ²⁵ Watsi, ''yebo.'' Ngesikhatsi Phetro angena endlini Jesu wambuta kucala watsi, ''Simoni ngembono wakho wena utsini? Emakhosi emhlaba ayitsatsa kubobani imitselo? Emadvodzaneni awo nobekulabanye?'' ²⁶ Phetro waphendvula watsi,''kulabanye.'' Jesu watsi,'' Emadvodzana akhululekile ekutseleni.'' ²⁷ Kodvwa ke kuze singabakhubi, hamba uye elwandle, jika lidweba, udwebe imfishi lephuma kucala. nasewuyivule umlomo wayo, utawutfola luhlavu lwemali. Ulitsatse ulinikebona utselele mine nawe.''