¹ BaFarisi nebaSadusi beta kuJesu bamlinga ngekumcela kutsi abatjengise sibonakaliso lesivela esibhakabhakeni. ² Kodvwa wabaphendvula watsi, "Nakusentsambama, nitsi, 'litawufutfumala, ngobe sibhakabhaka sinemafu.' ³ Nasekusile, nitsi, 'litakuna, njengobe sibhakabhaka sinemafu phindze sibhejile.' Niyakwati kuchaza simo sesibhakabhaka, kepha anikwati kuchaza tibonakaliso tesikhatsi. ⁴ Situkulwane lesibi nalesiphingako sifuna sibonakaliso, kepha kute sibonakaliso labatawunikwa sona ngaphandle kwesibonakaliso saJona." Wase Jesu u uyabashiya uyahamba. ⁵ Ngesikhatsi bafundzi sebafikile ngesheya, bebakhohlwe kutsatsa sinkhwa. ⁶ Jesu watsi kubo, ''Nibocaphela yimnvubelo yebaFarisi kanye nebaSadusi.'' ⁷ Bafundzi basebakhuluma bodvwana batsi, '' kungobe asikasiphatsi sinkhwa.'' ⁸ Jesu abekwati loko watsi kubo, ''Nine bekukholo loluncane, netiwa yini kutsi nikhulumisane nodvwana nitsi ngulokutsi anikasitsatsi sinkhwa? ^{10 9} Anicondzi yini nobe anikhumbuli letinkwa letisihlanu kulaba labatinkulungwane letisihlnu, nekutsi mangaki emabhasikidi lenawabutsa? 10 Noma ke lemikhama yetinkhwa letisikhombisa kuletinkulungwane letine, nekutsike nabutsa mangaki emabhasikidi? ¹¹ Kwentiwa yini kutsi ningacondzi kutsi bengingakhulumi nani ngesinkhwa? Kepha caphelani imibilisi yebaFarisi kanye nebaSadusi.'' ¹² Base bayabona kutsi abengasho yona imbiliso yesinkhwa, kepha bacaphele timfundziso tebaFarisi nebaSadusi ¹³ Nyalo ngesikhatsi Jesu afika eveni lelisedvute neKhesariya Filiphi, wabuta bafundzi bakhe, watsi, ''Bantfu batsi indvodzana yeMuntfu ingubani? ¹⁴ Batsi, ''Labanye batsi nguJohane uMbhabhatisi; labanye, Elija; phindze labanye, Jeremaya nobe munye webaphrofethi.'' ¹⁵ Watsi kubo, Kepha nine nitsi ngingubani? ¹⁶ Simoni Phetro waphendvula watsi, ''unguKhristu, indvodzana yaNkulunkulu lophilako.'' ¹⁷ Jesu wamphendvula wase sewutsi kuye, ''Ubusisiwe wena Simoni msa waJona, ngoba loku awukakwembulelwa yinyama nengati, kepha nguBabe losezulwini. ¹⁸ Nami ngitsi kuwe unguPhetro, etikwalelidvwala ngitawulakha libandla lami. Nemasango eHayidesi angeke alehlule. ¹⁹ Nitakuniketa tikhiya tembuso welizulu. Noma ngayini lotakubopha lapha emhlabeni kuyawuboshwa nasezulwini, nako konkhe lotakukhulula lapha emhlabeni kuyawukhululwa nasezulwini.'' ²⁰ Wase Jesu uyabayala bafundzi bakhe kutsi bangatjeli muntfu kutsi unguKhritsu. ²¹ Kusukela ngaleso sikhatsi Jesu wacala kutjela bafundzi bakhe kutsi kufane aye eJerusalema, ahlushwe ngetintfo letinyenti esandleni setibondza telibandla kanye nebaphristi labakhulu kanye nabafundzisi bemtsetfo, awubulawe, phindze avuswe ngelilanga lesitsatfu. ²² Wase Phetro umdvonsela eceleni wamekhuta, atsi, ''Sengatsi loku kungaba khashane nawe, Nkhosi; sengatsi loku kungete kwenteka kuwe.'' ²³ Kepha Jesu wagucuka watsi kuPhetro, ''Buya emvakwami, Sathane! Usitsikameti kimi, ngobe awunandzaba netintfo taNkulunkulu, kodvwa tintfo tebantfu.'' ²⁴ Jesu wase utsi kubafundzi bakhe, ''uma kukhona lofuna kungilandzela, akatidzele yena, etjatse siphambano sakhe, angilandzele. ²⁵ Lofuna kusindzisa imphilo yakhe uyawulahlekelwa ngiyo, kepha lolahlekelwa yimphilo yakhe ngenca yami uyawuyitfola. ²⁶ Ngoba kuyawumsita ngani umuntfu kutfola live lonkhe kepha alahlekelwe yimphilo yakhe? Imgabe angakhiphani umuntfu kuhlenga imphilo yakhe? ²⁷ Ngoba indvodzana yemuntfu iyawufika ngenkhatimulo yeYise ikanye netingelozi tayo. Ngulapho ke iyawukhokhela umuntfu njenge kwenta kwakhe. ²⁸ Ngicinisile ngitsi kini, kukhona labanye la emkhatsini wenu labangeyukufa badzimate bayibone iNdvodzana yeMuntfu ita embusweni wayo.''