¹ Kwaba nguleso sikhatsi, lapho inkhosi Herodi umthetrakhi eva umbiko ngaJesu. ² Watsi etisebentini takhe; ''lona nguJohane uMbhabhatisi; sewuvukile ekufeni. Ngako ke lamandla lanje asebenta kuye. ³ Ngobe phela Herodi abebambe Johane, wamfaka ejele ngenca yaHerodiyasi, umkaFiliphu umnakabo. ⁴ Ngoba Johane abemtjele kutsi, ''Akukho emtsetfweni kutsi ube naye njengemfati wakho''. ⁵ Herodi ngabe wambulala, kodvwa wesaba bantfu, ngobe bebati kutsi Johane ngumprofethi. ⁶ Kodvwa kwatsi nakufika lilanga lekutalwa kwaHerodi, indvodzakati yaHerodiya yeta yagidza embikwetivakashi tonkhe Herodi wajabula. ⁷ Ngenca yaloko, wayetsembisa wafunga kutsi utayinika noma ngayini letayicela. ⁸ Yona seyitjelwe ngunina, yatsi; ''Ngiphe lapha, ngemgcwembe, inhloko yaJohane uMbhabhatisii.'' ⁹ Inkhosi yadzabuka kakhulu ngalesicelo sayo, kepha ngenca yesifungo sayo nangenca yabo bonkhe labo lebeyihleti nabo ekudleni, yayaleta kutsi kwentiwe. ¹⁰ Watfumela, wajuba inhloko yaJohane ejele. ¹¹ Inhloko yakhe yaletfwa ngemgcwembe, yanikwa intfombatana, yona yase imikisa kunina. ¹² Bafundzi baJohane beta, basitsatsa sidvumbu sakhe, basingcwaba; base bayahamba bayawubikela Jesu. ¹³ Kwatsi kube Jesu akuve loko wesuka kuleyo ndzawo wagibela esikebheni, wawelela endzaweni lete bantfu afuna kuba yedvwa. Tatsi ticuku tebantfu natikuva loko taphuma emadolobheni ato tamlandzela ngetinyawo. ¹⁴ Jesu wase uta phambhi kwabo wabona sicuku lesikhulu. Wabaneluvelo nabo wase uphilisa labagulako babo. ¹⁵ Kwatsi seyifikile intsambama, bafundzi bakhe beta kuye batsi; ''Lena yindzawo lelihlane, kantsi nelilanga selivele lishonile. Khulula lesicu sebantfu, khona batohamba baye emitini yabo bayotitsengela kudla.'' ¹⁶ Kepha Jesu watsi kubo; ''Asikho sidzingo sekutsi bahambe. Bapheni nine labangakudla.'' ¹⁷ ''Batsi kuye; ''Sinetinkhwa letisihlanu letisihlanu netinfishi leti mbili kuphela.'' ¹⁸ Jesu watsi, ''tiletseni lapha kimi.'' ¹⁹ Wabese Jesu utjela lesicuku kutsi sihlale phasi etjanini. Watsatsa letinkhwa letisihlanu neletinhlanti letimbili. Wabuka etulu ezulwini, wabusisa wase uyatihlephula letinkhwa watinika bafundzi, base labafundzi banika lesicuku. ²⁰ Badla bonkhe futsi basutsa. Bese babutsa lokwasala kuletimvutfuluka tekudla- emabhasikidi lagcwele lalishumi nakubili. ²¹ Labo labadla bebasemkhatsini wetinkhulungwane letisihlanu temadvodza, ngaphandle kwebafati nebantfwana. ²² Ngaleso sikhatsi wenta bafundzi bangene esikebheni bese bahamba phambi kwakhe bawelele ngesheya, asakhulula leticuku. ²³ Emvakwekuba akhulule leticuku, wenyukela entsabeni yedvwa kuyokhuleka. Uma intsambama ifika, abelapha yedvwana. ²⁴ Kepha lesikebhe manje bese sisekhatsi nelwandle sikhashane nemhlaba, sishukunyiswa ngemagagasi, ngobe umoya bewuphambene nabo. ²⁵ Ngelihora lesine lasebusuku Jesu weta kubo, ahamba tikwemanti. ²⁶ Uma bafundzi bakhe bambona ahamba etikwe lwandle, betfuka bese batsi, ''Sipoko,'' bakhala ngekwesaba. ²⁷ Kepha Jesu wakhuluma nabo khona lapho watsi, '' Manini sibindzi! Ngimi!'' Ningesabi'' ²⁸ Phetro wamphendvula watsi, ''Nkhosi, uma kunguwe, ngitjele ngite kuwe tikwalamanti.'' ²⁹ Jesu watsi, ''Wota.'' Ngako Phetro waphuma esikebheni wase uhamba tikwemanti uya kuJesu. ³⁰ Kepha ngesikhatsi Phetro abona lokuhhusha kwemoya, wesaba. Wacale wacwila, wakhala watsi, ''Nkhosi, ngisindzise!'' ³¹ Jesu masinyane welula sadla sakhe, wambamba Phetro, wase utsi kuye, ''wena wekukholwa loluncane, ungabatelani?'' ³² Kwatsi ngesikhatsi Jesu na Phetro baya esikebheni, umoya wabindza. ³³ Base bafundzi esikebheni bayamkhonta Jesu futsi batsi, ''Ngempela uyiNdvodzana yaNkulunkulu.'' ³⁴ Uma sebawelele ngesheya, befika eveni laseGenesaretha. ³⁵ Uma bantfu kuleyo ndzawo babona Jesu, batfumela imilayeto yonkhe indzawo letitungelete lesigodzi, base baletsa kuye bonkhe labagulako. ³⁶ Bamncenga kutsi bamane batsintse umphetfo wengubo yakhe, futsi bonkhe labawutsintsa baphiliswa.