¹ Nabona omu kuboko kwa malyo nk'olala waliyikere oku ntebe n'echitabu chiyandikirwemo n'emugongo chizirikirwe na biziriko mushanvu. ² Nabona malayika muzibu, oli wayakuza n'omulenge gunene: Ndo kwanene oku bungula echi chitabu, n'oku kula ebiziriko bichizirikire? ³ Oli umu mpingu, oli okw'igulu, oli omu daho, ntaye waka bungula echi chitabu chiro n'oku chilolako. ⁴ Nalaka bwenene oku bona nta muntu wa bonekene mushinganyanya w'oku bungula echi chitabu n'oku chilolako. ⁵ Na muguma wa balala Bagula ambwira: Omenye wakalaka; tala, Entale y'obukoo bwa Yuda mwene Daudi, ahimire enyanya w'oku bungula echi chitabu na bilala biziriko mushanvu. ⁶ Na nabona, mugarhi k'entebe na balala bashosho bane ahagarhi kabalala Bagula, omwana-buzi ayimangire. Ali gwerhe mahembi mushanvu na mesho mushanvu, y'ela myuka mushanvu ya Nyamuzinda arhumaga omw'igulu lyoshi. ⁷ Ayinja, n'okurhola echitabu omu kuboko kwa malyo kw'olala waliyikere oku ntebe. ⁸ Amango arholag'echo chitabu, balala bashosho bane na balala Bagula makumi mabiri na bane bafukamire emalanambere gw'omwana-buzi, eyi bafumbarhire ngasi muguma n'omushekera n'orhubehe rhw'ehoro rhuyunjwire mavurha g'esimbu linja, ago g'amahuno g'aba tagatifu. ⁹ Baligwerhe bayimpiza olwimpo luhyahya, n'oku bungula ebiziriko; bulala wayirhirwe, n'oku rhuchungula n'eshagama yawe, n'okurhuha Nyamuzinda, rhwe bantu ba ngasi bukoo, ngasi lubaga, n'omu ngasi lulimi luderhwa, n'omu ngasi shanja, n'omu ngasi chihugo. ¹⁰ Wanarhujira bwami bwa Nyamuzinda werhu n'abadahwa bage, n'okuyima omu gulu. ¹¹ Nashubi bona, n'okuyunva omulenge gwa bamalayika banene bal'eburhambi w'entebe na bala bashosho na bala bagula, n'oluganjo lwabo lwaliri bihumbi ekumi kali bihumbi na buhumbi. ¹² Banaderha oku mulenge gunene: Mwana-buzi wa nigagwa akwanene ahabwe obuhashe, obugale, obushinganyanya, emisi, obukenge, obukuze n'emigisho. ¹³ Na ngasi bilemwa binaba empingu, oku gulu, omu daho, oku nyanja n'oku byoshi bibamo, nayunva bya derha: olal'oyikere oku ntebe n'Omwana-buzi bahabwe obukuzwe, obukenge, n'erengem n'obuhashe omu myaka n'emyaka! ¹⁴ Nabalala bashosho bane baderha: Amina! n'abagula bafukama n'okuharamya.