¹ Nalol'amang'omwana gw'echibuzi gw'achingula, echiziriko chigum'omu biziriko mushanvu. Nayunva mugum'omu biremo bine bizene, olyaderha nka mulenge gwa mukungulo: Yinja. ² Nalola na nabona hahulukira Efarasi y'omweru owayirikw'enyanya aligwerhe omungere; ahabwa eshungwe, anagenda nkamuhimanyi n'okuhima. ³ Amango, ashunulug'echiziriko cha kabiri, na yunva echiremwa cha kabiri chizene chaderha: Yinja. ⁴ Ha hulukira Efarasi y'ebihogo, owayilirikw'enyanya, ahabw' obushobozi bw'okukul'omurhul'omugulu,abantu bayirhana bonine oku bonine, ahabwa n'engorho nzibuzibu. ⁵ Amango ashunulag'echiziriko cha kasharhu, na yunv'echiremwa cha kasharhu chizene cha derha: Yinja. Nalola na nabona hahulukir'efarasi y'omukara owayirikw'enyany'aligwerh'omulengo omu fune. ⁶ Na yunva omu ahagarhi k'ebilemwa bine bizene omu lenge gwa derha: Omulengo muguma gw'engano gugule lumiya na milengo esharhu y'obulo egule olumiya, aliko murhajiraga kubi oku mafurha n'edivayi. ⁷ Amango ashunulaga echiziriko cha kane, na yunva omulenge gw'ochilemwa cha kane chizene, gwa derha: Yinja. ⁸ Nalola na nabona hahulukir'efarasi y'enzinga, owaliyikw'enyanya achiyirika lufu n'ekuzimu, n'aba fire bamuherekeze. Ahabw'obushobozi mpu bayirh'echiguma cha kane omu gulu ; bayirh'abantu oku ngorho, oku shali, oku chigwisa n'oku binyalubala by'omugulu. ⁹ Amango ashunul'echiziriko cha garhano, nabon'eshishi w'olurhamba emirhima yabalala babagagw'enyanya y'omwazi gwa Nyamuzinda n'enyanya w'obuhamiriza baderhaga. ¹⁰ Bayakuza n'omulenge gunene, baderha: Mangochi Waliha ochere na w'okuli, walegamya okucha olubanja n'okuholer'eshagama yerhu oku bantu b'egulu? ¹¹ Bahabw'omwambalo g'omweru ngasi muguma wabo, babwirwa bahumuke n'okulindira hintyu kuhik'oluganjo lwabakozi na bene babo luhike lwabalala bayirhwa kuguma nabo. ¹² Nalola, amango ashunulaga, echiziriko cha ndarhu, hager'omusisi gunene omw'egulu n'ezuba lya yiragula nka chishaho chaboya n'omwezi nago gwa shush'eshagama. ¹³ Enyenyezi z'oku nkuba za rhogera oku budaka nka kulala omurhi gwamalehe gurhoza amalehe amango g'echihusi ch'echihuyege garhaliziyera. ¹⁴ Amalunga ga chikweba nka rhuratasi rwa chitabu; n'entondo zoshi n'ebizimba bya shunikwa kurheng'ahabyaliri. ¹⁵ Abami b'egulu, abakulu, abimangizi b'enfola miherho, abagale, abanyabuhashe, abaja,abantu ba chigenga; ba chibish'omu lukunda l'omu shishi w'amabale g'entondo. ¹⁶ Baja babwir'entondo n'ebirimbi mpu murhurhogereko, murhubish'emalanga gw'oyiker'oku ntebe y'obwami n'embere z'obukali bw'omwana w'echibuzi. ¹⁷ Bulal'olusiku lukulu lw'obukali lwagerere, inde wakalindira?