¹ Aha buzinda bw'ebyo, na nabona, olunvi luchingwirwe omu mpingu. N'omulenge gurhanzi na yunvaga, gwaliri nka gwa mushekera,n'oku mbwira, n'oku derha: Yinamukira hanola, na nkuyereke ebi kwanene bibe aha buzinda bwaho. ² Ho n'aho nabona naba omu muka.Na tala, haliri entebe omu mpingu, na kweyo ntebe haliri omuntu oyikereko. ³ Owali yikereko ali shushire nka bale lya mushangabuye na nka nchuma ya muduku; n'entebe yaliri hofi n'omungere gushushire nka nchuma ya zumaridi. ⁴ Eburhambi bweyo ntebe nabona zindi ntebe makumi mabiri n'ene, na kwezo ntebe kwa liri Bagula makumi mabiri na bane bali ziyikereko, bayamber'emyambalo y'omweru, n'oku marhwe gabo kwaliri amashungwe g'ehoro. ⁵ Ebwa ntebe ya kazag'irheng'enyenyezi, emilenge n'emirazo. Emalangambere w'entebe yalichanirwe matara mushanvu gali ga gulumira, y'emyuka mushanvu ya Nyamuzinda. ⁶ Aha malangambere geyo ntebe haliri eri nka nyanja nene eshushire ebale ligera mwa mesho. N'ahagarhi k'entebe n'eburhambi bwayo, eri hali bashosho bane bayunjwire mesho emalangambere n'emugongo. ⁷ Shosho murhanzi ashushir'Entale, owa kabiri ashushire na kanyena, owa kasharhu agwerhe eshusho nka muntu, n'owa kane ashushire chibarhula wa balala. ⁸ Nabo bashosho bagwerhre ngasi muguma byubi ndarhu,na byo biyunjwire mesho omu burhambi n'omu mushishi. Na nta kulek'okuderha ezuba n'obudufu: Mwimana, Mwimana, Mwimana Nahano Nyamuzinda, ogala byoshi, olala waliriho, oliho, n'ola njiwayinja! ⁹ Amango ezo nyama zizene zili za kuza n'oku simisa n'ebijiro by'obukuze, z'ana mukuz'emyaka n'emyaka. ¹⁰ Bala Bagula makumi mabiri na bane banafukamira emalangambere gw'olala oyikere oku ntebe, n'oku mukuza emyaka n'emyaka, n'oku kabula eshungwe zabo emalangambere z'entebe n'oku derha mpu: ¹¹ Nahamweru, Nyamuzinda, oshinganene ohabw'erenge n'obukuze, n'obuhashe, bulala we walemaga ebintu byoshi, n'oku bulonza bwawe bya rhonderaga okubaho byalemwa.