¹ Kandi nabon'empingu mpyahya n'egulu li hyahya;bulal'empingu pyahya n'egulu lihyahya byabaga byamahera,n'enyanja nene erhalichiririho. ² Nabona gurheng'empingu, haguma na Nyamuzinda,echizugu chichesibwa, e'Yerusalema mpyahya,erheganyizwe nkamuhy'orheganyizw'enyanya zeba. ³ Nayunv'omulenge gunene kurheng'Empingu, gwaderha;talag'Echilalo cha Nyamuzinda chiri haguma na bantu, njalama haguma nabo, injibaba bantu bage,na Nyamuzinda yenyine injaba haguma nabo. ⁴ Yeshangul'emiziga yoshi ya masho gabo, n'olufu lurhaka chibaho harhakachiba mishibo changw'endulu,changw'amalumwa ,bulala ebintu bya mira byagerere. ⁵ Nolala waliyiker'okuntebe y'obwami aderha:lolaga najira byoshi bihyahya. Aderha: yandika; bulala eyimyazi eshinganene enali y'okuli. ⁶ Ambwira: byabere! nyono indi Alfa na Omega, murhondero n'obuzinda. kolala oherh'enyorha nyemuhe eshoko ya menji gakalamo, okubusha. ⁷ owehimane yeyime mwebibyoshi; nyebe Nyamuzinda wage, nay'anaba mwana wani. ⁸ Chaliko abuba, abarheyemerere, abagayisa, abahushi, abaloga, abaharamya ebishushanyo, naboshi boshi, echigabi chabo, gw'ebe omu muliro gw'esiku n' amango, olo lolufu lwakabiri. ⁹ Muguma wabo bamalayika mushanvu baligwerh'ezongumbu zibumbire Mahane mushanvu g'abunol'ashengera n'okumbwira yinja nakuyerek'Omuhya mukazi omwana w'echibuzi. ¹⁰ Ampe omu Muka ntondo elehere. Ananyerek'echizungu chichesibwa,Eyerusalema, chayandagalaga gurheng'empingu emwa Nyamuzinda chigwerhe n'obukuze bwa Nyamuzinda. ¹¹ Echengezi chago chalishushanyize n'ebale lyakachiro kanene nka horo, lidukwire nkachiyo(shangabuye). ¹² Chaligwerhe n'olugurhu lunene lulehere, chaligwerh'emiyang'ekumi n'ebiri namazino maliyandikirwe, ago mashanj'ekumi na mabiri bana bey'Israeli: ¹³ Olunda lw'ebushoshokero bw'ezuba nyunvi esharhu olunda ly'emalambo nyunvi esharhu, olunda lw'ekarhongo nyunvi esharhu n'olunda lw'ebuzikiro bw'ezuba nyunvi esharhu. ¹⁴ Olugurhu lw'echizungu lwaliherhe nking'ekumi nebiri, na kwezola nkingi mazin'ekumi na mabiri g'entumwa z'omwana buzi. ¹⁵ Owalemag'anderhesa aliherhe obule bolusheke lw'ehoro oku buzinda aganje obule bwe chizungu, enyunvi n'olugurhu. ¹⁶ Echizongu chaliherhe nyunda zoshi ene zeyumanene, n'obule bwali yumanene kuguma n'obugali aganja obule bwechizungu n'olusheke, aganja bilometere bihumbi bibiri (12 000); obule, obugali n'obunyegera boshi binganangana. ¹⁷ Agerer'olugurhu, aganja engana na makumi mane na kane(144 ) luganjo, lugero l'omuntu, lolwanaliri lwa malayika. ¹⁸ Olugurhu lwaliyumbakirwe n'ehoro, ne chizungu chaliri ch'ehoro echere, eshushire n'engumbu echere. ¹⁹ Enkingi z'olugurhu lwe chizungu zalikolerwe n'ehoro, mabale makachiro kangasi lubero: Enkimgi ntanzi yaliri y'Eyasipi, eyakabiri Sifilo, eyekasharhu Kaledoni, eyakane Zumaridi. ²⁰ Owakarhano Sasoniki, owandarhu Akiki, owamushanvu Kristiliti, omunane Belulo, owamwenda Topazo, owekumi Krisoparazo, ow'ekumi namuguma Hayikintu, owekumi nakabiri Amazisito. ²¹ Enyunvi ekumi n'ebiri yaliri ya kachiro kanene; nabuli mulyango gwaliri gwakachiro kaguma. Omuhanda gwechizungu gwaliri gwa horo echere, nka kabehe kali kagera mwa mesho. ²² Ntabonaga shengero omuchizungu; bulala hano Nyamuzinda ogala byoshi luli lubaga lwage, n'enganda buzi. ²³ Echizungu chirhaligwerhe kulonza ezuba chago omwezi gokuchikolezeza; bulala obukuze bwa Nyamuzinda bukolezeze, n'engadabuzi liri tara lyage. ²⁴ Olubaga nji lwalabagira omuchengezi chage, nabami b'egulu nji balerhay'obukuze bwabo. ²⁵ Emiryango ye chihogo erhakachingw'ezuba, bulala nji harhaba budufu. ²⁶ Nji baheka y'obukuze n'obukenge bwembaga. ²⁷ Mwecho chihugo murhakaja buli chintu chizingire, chango buli yeshi ojir'ebirhasimisize n'obubeshi; aliko balala bayandikirwe omuchitabu chakalamo chenganda buzi.