¹ Enyuma nabona malahika ayandagala kurheng'empingu, oherh'efungulo zekuzimu n'olukoba lunene omufune. ² Afarha ela mpiri njoka eyo njoka yamira Lyangombe mulenzi, omushweka myaka chihumbi. ³ Amukabula omukuzimu, amushweka, amuhira kwechimenyiso, njarhachihira akarhebeka abantu, eyo myaka chihumbi yebere yahwa byahuna ashwekulwe kasanzi katyu. ⁴ kandi nabona entebe z'obwami, baziyikalako bahabwa obulenga njira bokucha olubanja. Nabona emirhima yabalala bachibwaga amarhw'enyanya y'obuhamiriza bwa Yesu, n'enyanya lyomwazi gwa Nyamuzinda, nabalala barhaharamyaga chila chiryanyi chagwa echishushanyo chage, abarhehebwaga kwechimenyiso emalanga chang'okukuboka gwamalyo; abo balama, barhambula haguma na Kristu myaka chihumbi. ⁵ Abo bafu bayorhaga barhagwerhe kalamo kugera ehike myaka chihumbi. Okula k'okufunulirwa kwaburhanzi. ⁶ Eragi, omuchesibwa yegwerh'echigabi omu kufunulirwa kwaburhanzi: Enyanya lyabo olufu lwakabire lurhaherhe misi; s'aliko njibaba badahwa ba Nyamunda na Kristu, nabo njibarhambula haguma naye myaka chihumbi. ⁷ N'eyo myaka chihumbi hano njehwa, lyangobe anashwekulwa, arhenge omumugozi gwage; ⁸ Naye njayinja rhebeka abntu bali munyunda ene z'egulu, Gogu na Magogu, nja bahira haguma okubirha n'oluganjo lwabo luli nkamushenyi gwanyanja. ⁹ Bazamuka omuchihugo bazunguluka echihando chabachesibwa, n'echo chichagalwa chalisimirwe. Omuliro gwayandagala kurheng'empingu, gwabalya. ¹⁰ Ola lyangombe orhebekana, akabulwa omunyanja yomuliro n'echibiriti omuchiryanyi chiri n'omulebi w'obubeshi. Nabo barhindibuzwa ezuba n'obudufu chiro n'esiku n'amango. ¹¹ Kandi nabona echichumbi ch'obwami chinene, ch'omweru n'oyiker'okucho; oyo y'egulu n'empingu zayak'emalanga gage na habaliri harhachibonekanaga. ¹² Nabona abafire, abakulu n'abadorho, bayumangir'embere zecho chirhi chobwami; n'ebitabu byabungulwa; nechindi chitabu chabugulwa chechakalamo; nabo bafu bachirwa olubanja bikulikirene n'ebyalindikirwe mwecho chitabu kukulikirana n'ebijiro byabo. ¹³ Enyanja yashala abafire balirimo n'olufu n'okuzimu balerha abalirimo bachirwa olubanja buli muntu nkokw'ebijiro byage byeliri. ¹⁴ Olufu n'ekuzimu byakabulwa omu Nyanja y'omuliro olu lolufu lwakabiri eyo nanja yomuliro. ¹⁵ Ey'akaba omuntu yeshi arhabonekaga mwecho chitabu chakalamo, akabulwa omunyanja y'omuliro