¹ Buzinda bwaho, nayunva omu mpingu, omulenge nka mulenge gw'echigusho gwaderha: Haleluya, akachiza, obukuze, n'obuhashe buli bwa Nyamuzinda werhu. ² Bulala emanja zage ziri z'okuli na zishinganyanya; bulala njachiraga olubanja ola muhushi wakazagi yohya egulu n'obuhushi bwage; asheshere eshagama y'abagaragu bage n'oku bahema n'enjala zage. ³ Bashubiderha obwakabiri: haleluya, n'omusi gwage gwazamuka emyaka n'emyaka. ⁴ Na bala bashaja makumi mabiri na bane, na bila biherh'omuka bine bayunama n'okuramya Nyamuzinda oyikere oku ntebe n'okuderha: Amena aleluya. ⁵ N'omulenge gwahuluka oku ntebe gwaderha: mukuze Nyamuzinda werhu, mweshi mwebakozi bage, mweshi mumuyubaha, abana n'abakulu. ⁶ Nayunva nka mulenge gw'echigusho chinene, nka lwamo lw'amenji ganene, na nka lwamo lw'oku raza kw'enkuba, gwaderha: Aleluya! Bula Nahano, Nyamuzinda werhu, obuhashe, ayingire omu burhegesi bwage. ⁷ Rhusime, rhushagaluke, rhumuhe obukuze bulala olusiku l'obuhya bw'omwana w'entama; n'omuhya wage akola achikubwire. ⁸ Bamuhere oku yambala omwabalo gwinja gw'omweru bulala ogo mushangi gw'omweru by'ebijiro by'okuli by'abatagatifu. ⁹ Malayika ambwira yandika: ragi okubahamagalwa okubuhya bw'omwana buzi! kandi abwira: eyi myazi eli y'okuli kwa Nyamuzinda. ¹⁰ Nafukam'oku magulu gage mpu muramye; aliko ambwira: ochilange kujirantyo! ndi wenyu w'akasi no wabene benyu bagwerhe obuhaya bwa Yesu. Oramye Nyamuzinda. Bula obuhamya bya Yesu, guli muka gw'abalebi. ¹¹ Nashubi bona empingu yachinguka, na Bona yahulukwa endomo y'omweru. Owali yiyikereko ye mulangalirwa no w'okuli, ach'emanja n'okulwa omu kuli. ¹² Amesho mage maliri nka birimi bya muliro; okurhwe lyage kwali yunjwire amashungwe manene; aligwerhe ezino liyandikirwe, ntamuntu olyinji arhali yenyine, ¹³ aliyambere omwambaro gudubikirwe n'eshagama. Ezino lyage g'omwazi gwa Nyamuzinda. ¹⁴ Ebigusho by'enfola miherho bili omu mpingu bamukulikira oku ndogomi z'omweru, bayambare emyambaro y'echitani ch'omweru chichere. ¹⁵ Omubunu bwage mwahuluka engorho erhyazizwe y'okukubir'amahanga; n'okubalagra n'enkoni y'echuma n'okukamula ezabibu omuchibakuli ch'edivai chibumbiro oburhe bunene bwa Nyamuzinda yenyine w'obuhashe. ¹⁶ Aligwerhe okumyambalo yage n'okuchiberu chage ezino liyandikirwe: Mwami w'abami, Nahano wa banahano. ¹⁷ Nabona malayika oyimangire omuzuba, ayama na mulenge gunene, aderha abwira enyunyi zoshi zaliri zaguluka omu byalega: muyinje muchigushe oku buhya bwa Nyamuzinda, ¹⁸ muly'eminyofu y'abami, eminyofu y'abarhegesi b'abarungu, eminyofu y'abagwerh'obuhashe, eminyofu y'endogomo na boshi bazigendako, eminyofu ya boshi bantagengwa n'abaja, abadorho n'abakulu. ¹⁹ Nabona enyamaso, abami b'egulu, n'enfola miherho yabo bachigushire kulw'entambala y'ola wali yikere oku Ndogomi n'oyimangir'enfola miherho, ²⁰ n'eyo Nyama yafarhwa, nahaguma nayo abalebi bw'obubeshi, abajiragi ebisomezwa embere zabo byarhumaga ayohya abarholaga echimenyeso ch'enyamaso n'okuranya eshusho lyage. Bakabulwa bombi bachili bagumaguma omu muliro gurhazima. ²¹ N'abandi bayirhwa n'engorho yahulukiraga omu bunu bw'owaliyikere oku ndogomi; n'enyunyi zoshi zayugurh'eminyofu yabo.