¹ Anyereka kandi enyanja nene y'amenji makalamo elangere nka chilahuri ya huluka oku ntebe y'obwami bwa Nyamuzinda n'ey'omwana w'entama. ² Ahagarhi k'omwanya gw'echishagala n'okunyunda zombi z'olwinji halir'omurhi gw'akalamo gwaburh'amalehe kalikumi nakabiri, kamalerha buli mwezi, n'ebibabi by'ago byakoleswa oku fumy'abantu. ³ Harhakanachib'omuvumo goshigoshi. Entebe ya Nyamuzinda Ney'omwana w'entama nji yab'omuchishagala; abakozi bage nji bamukolera. ⁴ Nji babona amalanga gage n'ezina lyage nji lyab'okumalaga. ⁵ Harhakachiba budufu; barhakana chikenera lwenge, eri chimole, bulala Nahano Nyamuizinda nj'abamolekera. najibarhambul'esiku n'amango. ⁶ Ambwira: eyi mwazi eriy'okuli n'okunali; na Nahano Nyamuzinda W'emirhima y'abalebi arhumire malayika wage okuyereka abakozi bage ebikwanene bihike omu kasanzi. ⁷ LOlaga nayinjire omu kasanzi. eragi okuyeshi oyubahiriz'emyazi y'obulebi bwechi chitabu. ⁸ Nyono Yohana nyena yunvaga n'okubon'ebyo bintu. n'amango nabiyunvaga n'okubibona, Nakumbagal'okumagulu ga malayika waliri abinyereka mpu mufukamire. ⁹ Alik'ambwira: omenye orhajirantyo, ndiwenyu mukozi na mukozi wa benebenyu b'abalebi, n'abayubahiriz' ebinwa by'echi chitabu. Mufukamire Nyamuzinda. ¹⁰ Anambwira: omeny'owafundika ebinwa by'obulebi bwechi chitabu. Bulal'akasanzi kali hofi. ¹¹ Omubi agenderere omu bubi, n'owezinga agenderere oku zinga, n'ow'okuli agenderere omu kuli, n'ochere agenderere okucheswa. ¹² Tala nyinjire juba n'oluhembo lwani haguma nani, okuhemba buli yeshi kukulikiza ebikolwa byage. ¹³ Ndi Alufa n' Omega, Omurhanzi n'Omuzinda, Entonderero n'enyusizo. ¹⁴ Eragi oku bamesher'emyambalo yabo babe n'obulenganjira oku murhi gw'akalamo, n'okuger'omu nyunvi omu chishagala. ¹⁵ Ahambuga banyakabwa, abakurungu, abahushi, abanizi, ab'okuhera, ngasi yeshi osima n'oku derh'obubesi. ¹⁶ Nyono Yesu narhumaga malayika wani mpu oku bahamiriza ebibintu omu mashengero. Nyono nyempanda n'omuburhwa wa Daudi enyenyezi ekoleza y'esezi. ¹⁷ N'omuka, n'omuhya mukazi baderha: Yinja. Na ngasi yeshi oyunvirhe aderhe: Yinja na Ngasi yeshi olinyorha ayinje; n'owalonz'amenji makalamo amarhole oku busha. ¹⁸ Mbahamirize ngasi muntu oyunva ebinwa by'obulebi bw'echi chitabu akayushula kwe hintu: Nyamuzinda nj'amuhira kw'obuhanya buyandikirwe mw'echi chitabu; ¹⁹ na ngasi yeshi njiwakol'ehintu omu binwa by'echitabu ch'obu bulebi NYamuzinda nj'akula'echigabi chage ch'omurhi gwa kalamo n'omu chishagala chichere biyandikirwe mwechi chitabu. ²⁰ Oli ahamiriza ebibintu aderha: nechi, nyinjire juba. Amena! yinja Nahano Yesu! ²¹ Olukogo lwa Nahano Yesu lube haguma nenyu mweshi. Amina. Yinja, Nahano Yesy!