¹ Elo Yesu alitungulwile no mupashi ku matololo ku kweshiwa na kasebanya. ² Ilyo alekele ukulya aakasuba no bushiku amakumi yane alyumfwile insala. ³ Katunka alishile nokumweba ati, ''Ngoli mwana wakwa Lesa eba aya mabwe yabe umukate.'' ⁴ Nomba Yesu alimwaswike ati, ''calilembwa aciti, tekucilyo ceka umuntu engekalila no mweo, lelo ku cebo conse icikofuma mu kanwa ka kwa Lesa.'' ⁵ Elo kasebanya alimutwele ku musumba uwashila nookumwimika pa nsishi yacikulwa cetempele, ⁶ nokumweba ati, ''ngoli mwana wakwa Lesa uiponye panshi pantu calilembwa ati, akeba ba malaika bakwe ukukusunga; elo bakakwimya mumaboko yab, pakweba ati taicenene lukasa lobe kwibwe. ⁷ Yesu alimwebele ati, ''nakabili calilemwa aciti, wilekwesha wisokulu Lesa obe''. ⁸ Kabili, kasebanya alimutwele pa lupili uliutali nolumulanga amabufumu yamwisonde nobukata bwa ciko. ⁹ Alimwebele ati, ''Fyonse ifi fintu nkakupela ngawawa panshi nokumpepa.'' ¹⁰ Elo Yesu alimwe. bele ati, '' kabiye fuma pano satana! pantu calilembwa ati, wisokulu Lesa obe eouleshinshimuna ena ekafye eo ulepwongila.'' ¹¹ Elo kasebanya alimushile, elo kabili moneni ba malaika balishile nokumupyungila. ¹² Nomba ilyo Yesu aumfwile ati Yowane balimwikatile, alifimineko alile ku Galile. ¹³ Alifumine ku Nazarethi kabili alilekwikala mu Kapernaum, ili kululamba lwa mumana wa galilee mumipaka ya Sebulani na Nafutali ¹⁴ Pakuti cifikilishiwe ico alandile kasesema Isaiah aciti, ¹⁵ ''impanga yakwa Sebulani ne mpanga yakwa Nafitali ukulola kuli bemba, kubushilya bwa Yordan, Galile impanga yabena fyalo. ¹⁶ Abantu abaikele mumfimf balimwene ulubuto ulukalamba elo abo abaikele mumpanga ne cishingwa camfwa ulubuto lulibabalikile.'' ¹⁷ Ukutampa pali iilya nshita Yesu alitampile ukushimika nokweba ati, Lapileni, pantu ubufumu bwamumulu buli palamine.'' ¹⁸ Elyo ali kwenda mululambab lwa bemba wa Galile, alimwene ba wabo babili, Simone uukutwa petelo na Andelea wabo, bakoposa isumbu pali bemba, pantu bali abalondo besabi. ¹⁹ Yesu alisosele kuli bena ati, ''iseni nkonkeni, kabili nkomicita abalondo babantu.'' ²⁰ Ulo lwine balishile amasumbu noku mukonka. ²¹ Ilyo Yesju alikuya ykyfuma kulya alimwene ba wabo babibili nakambi, yakobo mwana Sebede, na Yowane wabo. bali na Sebedee wishibo balelundanya amasumbu yabo alibetile, ²² ulo lwine balishile ubwato na wishibo, nokumukonka. ²³ Yesu alikwendauka mu galile monse, alikusambilisha mu sunagoge, ukubila imbila nsuma yabu fumu elo nokuposha amalwele yonse nemisongo yonse mubantu. ²⁴ Ululumbi lwakwe lwalile monse mu siria, nabantu balimuletele bonse abalwele amalwele ayalekana lekana nefya misongo, abakwete imipashi yakukowela, (ifiwa) abafunta, naba bulebe, Yesu alibaposeshe. ²⁵ Amabumba ayakulu yalimukonkele ukufuma mu Galile, Decapoli, Yerusalem, na Yudea, elo nokufuma kwishilya lya Yordan