¹ Ilyo Yesu amwene bumba, aile palupili. Ilyo aikeleko abasambi bakwe balishile kuli ena. ² Aliswile akanwa nolanda, ati, ³ "Baku palwa abapina mu mupashi, pantu ubufumu bwa mumulu bwabo. ⁴ "Baku palwa abatalalikwa. ⁵ Bakupalwa abakunakilila pantu bakapyana ikyalo. ⁶ Bakupalwa abo abakuba nensala ne kilalka kya bulungami pantu bakekushiwa. ⁷ Bakupalwa aba nkumbu, pantu bakapokelela inkumbu. ⁸ Bakupalwa abakusanguluka mu mumitima, pantu bakamona Lesa. ⁹ Bakupalwa bakakita wa mutende, pantu baketwa abana baume bakwa Lesa. ¹⁰ Bakupalwa abo abalamatilwa pa bulungami, pantu ubufumu bwa mu mulu bwabo. ¹¹ Muli abakupalwa ilyo abantu ba museka nokumilamata no kumisosela ifyabufi ifya misango misango pa mulandu waine. ¹² Angeni nokuba abansansa, pantu kikalamba ikilambu kyenu mumulu. Nimuli iinshila abantu bapakashile bakasesema bakale. ¹³ Muli mukele we sonde. Lelo umukele ngasunduka, kuti waloweshiwa shani nakabili? Tauwamine ikintu kabili kanofye ukuposwa nokunyanta ulwa ku makasa ya bo. ¹⁴ Muli lubuto lwa kwalo umusumba uwabikwa palupili tawinga fiswa. ¹⁵ Nangula abantu tabasanika inyali nokuibika panshi ya museke, lelo pa kyakutekapo inyali, kabili kibutisha umuntu oonse mung'anda. ¹⁶ Lekeni ulubuto lwenu lubalike kubantu pakutila abantu bamone imilimo yenu iyakuwama no kukindika shinwe uwa mumulu. ¹⁷ Mwikutontonkanya ati naisa kukonaula amafunde nangula ba kasesema. Nshaisa kuku bonaula ba, lelo kuku afikilisha. ¹⁸ Pantu ikikine nkososa kulimwe ati, pankafye imulu ne kyalo fikapite, waa, takuli nangu kanon akalitoni nangula kamo akanonno aka mumafunde akashakafilikishiwe kano fyone fikafikilishiwe. ¹⁹ Eico onse ukatoba akanono akapa-- aya mafunde nokufundisha banankwe Fukukita fi aketwa uwakepesha mubufumu bwa mumulu. Lelo onse uubaka yene nokusambilisha bambi aketwa umukalamba mubufumu bwa mumulu. ²⁰ Pantu nkososa kuli imwe nati kanofye umulungami bwenu bwakila bakalemba naba Faliseyo. tamwakengile mubufumu bwa mumulu. ²¹ Mwalyumfwa ukuti kwali soselwe kuba munshita yakale, wilikwipaya; nakabili. onse uwaipaya akaba mubwafya bwa bupingushi. ²² Lelo nkososa ati onse aawafulwa kuli wabo we kinangwa kya muntu ! akaba mubwafya kuli bashichilelwe, akaba mubwafya bwa kabili wise bokupela ikya bupe kyobe. ²³ Eikyo ngokopela ikwa bupe pakipailo kabili waibukisha ati wenu napikinkana nobe. ²⁴ Sha ikwabupe kyobe palya pakipailo, kabili kabuye munshila yobe mukubalilapo wikishanyo na wenu, elyo kabili wise nokupela ikya bupe kyobe. ²⁵ Suminishanya nekipondo kyobe bwangu ilyo ikili nakyo palwendo lwa ku kilwe epali ikilwani kyobe kyakupela kuli kapingula, nao kapingula kuti nao aisakukupela kuli mushika kabinge kuti waposwa mukifungo. ²⁶ Ikine kine nkokweba tawakafumemo mpakafye ukalipila kalikobili kandalama wakongwele. ²⁷ Mwalyumfwa kwasoselwe ati, wilakukita bukende.' ²⁸ Lelo nkososa kuli imwe nati onse uwalolekesha umwanakashi nokumukumbwa ninshi kale nakita ubukende mumutima wakwe. ²⁹ Nga kyakutila ilinso lyobe ilya kukulyo lyakulenga kuipununa litonkolemo nokuliposa. pantu kyawamapo ukulufyapo ikilundwa kimo ukukila umubili onse ukuya ku ngeena. ³⁰ Ngakyakuti ukuboko kobe ukwa kukulyo kwakulenga ukuipununa, kuputuleko nokukuposa. Pantu kyawamapo ukulufya ikilundwa kimo ukukila umubili onse ukuya ku ngeena. ³¹ Kabinge kyasoselwe akiti, onse uwatamfya numukashi, lekeni amupele ikipepala kyakulekaninapo. ³² Lelo nkotila kuli imwe nati onse uwaleka umukashi wkawe, ukufumyakofye pamulandu wabukende, naonse uwamupa panuma wakulekwa ninshi akita ubukende. ³³ Nakabinge, mwalyumfwa kwasoselwe munshita yakale akiti, wilapa mulapo wabufi lelo twala umulapo obe kuli shikulu.' ³⁴ Lelo nkososa kuli imwe tekwesha kulapa nangu umulu, pantu ekipuna kya kwa Lesa; ³⁵ Nangu calo tekwesha pantu ekyanyantapo amakasa yakwe; na yelusalemu wine iyo, pantu musumba wamfumu nkalamba. ³⁶ Kabili ukulapa umutwe obe nakalya pantu tawingalenga umushishi obe ukuba uwakubuta nangu uwakufita. ³⁷ Lelo leka ukusosa kobe kube 'eee, eee' nangula 'iyo, iyo.' chonse ichakuchila pali ici ninshi chifumine kumulwani. ³⁸ Mwalyumfwa ati kyasoselwe akiti, ilinso pali linso, ne lino pali lino; ³⁹ Lelo ine nkomuyeba nati umo mwikanya uli mubifi. nakuba uwakutoba ulupi kwisaya lya kukulyo mupele nokubiye. ⁴⁰ Kabili ukofwaya ukulubulula nobe nokukupoka umwingila, leka abule nebiye lyobe pamo. ⁴¹ Iluntu akupatikisha kumushindika, umushionso umo kabinge nankwe imishinso shibili. ⁴² Pela kuulekulomba kabinge ulefwaya ukwashima kuli imwe wifutatilako. ⁴³ Mwalyumfwa choasoselwe akiti, ukotemwa umwina mupalamano obe ukupata umulawani obe.' ⁴⁴ Lelo nkososa kulimwe temweni abalwani benu kabili pepeleni abo abamipakasa, ⁴⁵ Pakuti mwingaba abana baume bakwa shinwe uwamumulu. Pantu akasuba kakwe ukubalika pababubi napabakuwana, kabinge ati alokesha imfula pabakulungama naba bulokulungama. ⁴⁶ Ngacakutila mukotemwafye abamitemwa, kilambunshi mukwete? Pantu bakasonkenkasha bakita kimokine? ⁴⁷ Nga kyakitila muposhanyafye naba wenu, mwakita kinshi kyakilako? Bushe nabena fyalo tabakita kimokine? ⁴⁸ Eikyo beni abafikapo, ifyo shinwe wamumulu aba wafikapo.