¹ Munshiku shilya Yoane Kabatisha alishile akoshimikila mu matololo ya Yudea akolanda ati, ² "Lapileni pantu ubufumu bwa mumulu bilipaleme." ³ Pantu uyu ewalandile Esaya kasesema, ati, "Ishiwi lya ulebilikisha mu matololo pekanyeni uwamyeni inshila mwakupita imfumu, shakwe." ⁴ Nomba Yoane afwele insalu ya masako ya ngamali ne lamba lya mpampa mumu sana wakwe. Alelya makanta no buchi bwa mpanga. ⁵ Nomba Yelusalemu, Yudea yonse, ne citungu ukushinguluka umu mana wa yolodani bakolongine kulin wene. ⁶ Babatishiwile naena mumumana wa Yolodani baletuumbula imembu shabo. ⁷ Lelo lintu amwene abengi muba fariseyo na Saduke bakoisa kuli ena na ku lubatisho, alandile kuli bena, "Mwe bafyashi bwamafwafwa. Ninani amisokele ukubutuka kubukali ubukoisa? ⁸ "Twaleni icisabo cakulapila. ⁹ Mwilekutontonkanya ulwakusosa pakati kenu. Twalikwata tata Abulamu. Pantu ndelanda kuli imwe nati, Lesa kuli afumisha Abulamu abana nangulafye ukufuma muli aya mabwe. ¹⁰ Kalefya isembe lyabikwa peshinte lyacimuti. Elo icimuti conse icishitwala icisabo icisuma cikatetwa nokuposwa mumulilo. ¹¹ Namubatisha na menshi kukulapila. Lelo uulenkonka panuma alikwatisha amaka ukunkila, nshilingile nangulafye ukusenda ndyato shakwe. Akamubatisha kumupashi wa mushilo naku mulilo. ¹² Ulupe lwakwe lulimuminwe yakwe akelulwela icipamino cakwe akatutila ngano shakwe mu batutala. Nomba imisungu akayoca mumulilo uutashima. ¹³ Kabili Yesu afumine ku Galili no kuya ku mumana wanyiYolodani ukubatishiwa na Yoane. ¹⁴ Lelo Yoane atwalilile ukwesha ukumulesha alanda, "NInebo ninga batishiwa kuli iwe, nomba kulio waisa kuli ine?" ¹⁵ Yesu alyaswike ati, "Suminisheni, pantu efyo catuyana ukufikilisha ubulungami, "Elo Yoane alisuminishe. ¹⁶ Panuma yalubatisho, Yesu afumine bwangu bwangu mu menshi, kabili monine imyyulu yalisukile kile kuli ena. Amwene mupashi wa Lesa waikile kubati ninkunda nokwikala pali ena. ¹⁷ Monine ishiwi lyafumine mu myulu aliti, "Uyu emwana wandi. Uwatemwikwa uyo mbekelwamo."